ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬಾಲಿವುಡ್ ನಟಿ ಮೌನಿ ರಾಯ್ ರಾಯ್ (Mouni Roy) ಸಿನಿಮಾ ವಿಷಯಕ್ಕೆ ಹೊರತಾಗಿ ಸಕತ್ ಸುದ್ದಿಯಾಗುತ್ತಿದ್ದಾರೆ.
ಈಕೆ ವಿಮಾನದಲ್ಲಿ ಪ್ರಯಾಣಿಸಲು ಏರ್ಪೋರ್ಟ್ಗೆ ಹೋಗಿದ್ದಾಗ ಪಾಸ್ಪೋರ್ಟ್ ಅನ್ನೇ ಮರೆತು ಹೋಗಿದ್ದಾರೆ.
ಆಗಾಗ್ಗೆ ವಿದೇಶಗಳಿಗೆ ಹೋಗುತ್ತಿರುವ ನಟಿ ಮೌನಿ ರಾಯ್ ಮುಂಬೈ ವಿಮಾನ ನಿಲ್ದಾಣದಲ್ಲಿ (Mumbai Airport) ಪಾಪರಾಜಿಗಳ ಕ್ಯಾಮೆರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದಾರೆ. ಆದರೆ ಈ ಸಮಯದಲ್ಲಿಯೇ ಅವರು ಪಾಸ್ಪೋರ್ಟ್ ತರಲು ಮರೆತಿರುವ ವಿಷಯ ತಿಳಿದಿದೆ.
ರೂಲ್ಸ್ ಎಲ್ಲರಿಗೂ ಒಂದೇ. ಇಲ್ಲಿ ನಟಿಯಾದರೇನು, ಯಾರಾದರೇನು? ಮೌನಿ ರಾಯ್ ಅವರಿಗೆ ಅಲ್ಲಿದ್ದ ಏರ್ಪೋರ್ಟ್ ಸಿಬ್ಬಂದಿ ಒಳಗೆ ಹೋಗಲು ಅವಕಾಶ ನೀಡಲಿಲ್ಲ. ಇದರ ವಿಡಿಯೋ ಸಕತ್ ವೈರಲ್ ಆಗುತ್ತಿದೆ.
ವಿಮಾನ ನಿಲ್ದಾಣ ಪ್ರವೇಶಿಸಲು ಮುಂದಾದ ಸಮಯದಲ್ಲಿಯೇ ಗೇಟ್ನಲ್ಲಿ ಇದ್ದ ಣ ಸಿಬ್ಬಂದಿ ಪಾಸ್ಪೋರ್ಟ್ ತೋರಿಸುವಂತೆ ಹೇಳಿದ್ದಾರೆ. ಪಾಸ್ಪೋರ್ಟ್ (Passport) ತಂದಿರುವ ಸಂಪೂರ್ಣ ಕಾನ್ಫಿಡೆನ್ಸ್ನಿಂದ ನಟಿ ಮತ್ತು ಆಕೆಯ ಸಹೊದ್ಯೋಗಿ ಬ್ಯಾಗ್ ಪೂರ್ತಿ ಹುಡುಕಾಡಿದ್ದಾರೆ. ಆದರೆ ಅವರಿಗೆ ಅದು ಸಿಗಲಿಲ್ಲ.
ಆದರೆ ಕೊನೆಗೆ ಅವರಿಗೆ ವಿಮಾನ ನಿಲ್ದಾಣದಲ್ಲಿ ಪ್ರವೇಶ ನಿರ್ಬಂಧಿಸಲಾಗಿದ್ದು, ಮೌನಿ ರಾಯ್ ವಾಪಸ್ ಮನೆಗೆ ಹೋಗಿರುವುದಾಗಿ ವರದಿಯಾಗಿದೆ.