ಅಡುಗೆಮನೆಯಲ್ಲಿ ಕೊತ್ತಂಬರಿ ಸೊಪ್ಪಿನ ಪಾತ್ರ ಅಸಾಧಾರಣ. ಯಾವುದೇ ಪದಾರ್ಥದ ಮೇಲೆ ಕೊತ್ತಂಬರಿ ಸೊಪ್ಪು ಉದುರಿಸಿದರೆ ಆಹಾರದ ನೋಟ, ಸುವಾಸನೆ ಮತ್ತು ರುಚಿ ತಕ್ಷಣ ಬದಲಾಗುತ್ತದೆ. ಆದರೆ ಕೊತ್ತಂಬರಿ ಸೊಪ್ಪನ್ನು ದೀರ್ಘಕಾಲ ತಾಜಾವಾಗಿಡುವುದು ಸವಾಲಾಗಿರುತ್ತದೆ. ಹೀಗಾಗಿ ಕೆಲವು ಸರಳ ವಿಧಾನಗಳಿಂದ ಕೊತ್ತಂಬರಿಯನ್ನು ಹಲವಾರು ವಾರಗಳವರೆಗೆ ತಾಜಾವಾಗಿಡಬಹುದು.
- ಜಿಪ್ ಲಾಕ್ ಬ್ಯಾಗ್ನಲ್ಲಿ ಸಂಗ್ರಹಿಸುವ ವಿಧಾನ: ಮೊದಲು ಕೊತ್ತಂಬರಿ ಸೊಪ್ಪನ್ನು ತೊಳೆದು ಬೇರುಗಳನ್ನು ತೆಗೆಯಿರಿ. ನಂತರ ಎಲೆಗಳನ್ನು ಒಣಗಲು ಬಿಡಿ. ಒಣಗಿದ ಬಳಿಕ ಅವುಗಳನ್ನು ಜಿಪ್ ಲಾಕ್ ಚೀಲದಲ್ಲಿ ಇಟ್ಟು ಫ್ರಿಜ್ನಲ್ಲಿ ಸಂಗ್ರಹಿಸಿ. ಈ ವಿಧಾನದಲ್ಲಿ ಕೊತ್ತಂಬರಿ ಸೊಪ್ಪು ಒಂದು ವಾರದವರೆಗೆ ತಾಜಾವಾಗಿರುತ್ತದೆ.
- ನೀರಿನಲ್ಲಿ ನೆನೆಸಿಡುವ ವಿಧಾನ: ಅರ್ಧ ಗ್ಲಾಸ್ ನೀರು ತುಂಬಿದ ಪಾತ್ರೆಯಲ್ಲಿ ಕೊತ್ತಂಬರಿ ಸೊಪ್ಪಿನ ಎಲೆಗಳನ್ನು ಇರಿಸಿ. ಪ್ರತಿದಿನ ನೀರನ್ನು ಬದಲಾಯಿಸಿ, ಪಾತ್ರೆಯನ್ನು ಫ್ರಿಜ್ನಲ್ಲಿ ಇಡಿ. ಈ ವಿಧಾನವು ಕೊತ್ತಂಬರಿಯನ್ನು ಸುಮಾರು ಮೂರು ವಾರಗಳವರೆಗೆ ತಾಜಾವಾಗಿಡುತ್ತದೆ.
- ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಣೆ: ತೊಳೆದ ಮತ್ತು ಒಣಗಿಸಿದ ಕೊತ್ತಂಬರಿ ಸೊಪ್ಪನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ಗಾಳಿಯಾಡದ ಡಬ್ಬಿಯಲ್ಲಿ ಇಡಿ. ಇದು ಎರಡು ವಾರಗಳವರೆಗೆ ಕೊತ್ತಂಬರಿಯ ಪರಿಮಳ ಮತ್ತು ಹಸಿರು ಬಣ್ಣವನ್ನು ಉಳಿಸಿಕೊಳ್ಳುತ್ತದೆ.
- ಕಾಗದದ ಟವಲ್ನಿಂದ ಮುಚ್ಚುವುದು: ಸ್ವಚ್ಛವಾದ ಪ್ಲಾಸ್ಟಿಕ್ ಪಾತ್ರೆಯಲ್ಲಿ ಕೊತ್ತಂಬರಿಯನ್ನು ಇಟ್ಟು, ಮೇಲೆ ಕಾಗದದ ಟವಲ್ ಇಡಿ. ಈ ವಿಧಾನದಿಂದಲೂ ಕೊತ್ತಂಬರಿ ಸೊಪ್ಪು ಎರಡು ವಾರಗಳವರೆಗೆ ತಾಜಾವಾಗಿರುತ್ತದೆ.
- ಮಸ್ಲಿನ್ ಅಥವಾ ಕ್ಲಿಂಗ್ ರ್ಯಾಪ್ನಲ್ಲಿ ಸುತ್ತುವುದು: ಕೊತ್ತಂಬರಿಯನ್ನು ಮಸ್ಲಿನ್ ಬಟ್ಟೆಯಲ್ಲಿ ಅಥವಾ ಕ್ಲಿಂಗ್ ರ್ಯಾಪ್ನಲ್ಲಿ ಸುತ್ತಿ ಫ್ರಿಜ್ನಲ್ಲಿ ಇಡುವುದರಿಂದ ತೇವಾಂಶ ಸಮತೋಲನದಲ್ಲಿರುತ್ತದೆ.
