ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಏಷ್ಯಾಕಪ್ನ ಭಾರತ – ಪಾಕ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅದ್ಭುತ ಶತಕ ಸಿಡಿಸಿದರು. ಈ ಮೂಲಕ ಹೊಸ ದಾಖಲೆಯನ್ನು ಬರೆದಿದ್ದಾರೆ .
ಪಂದ್ಯದಲ್ಲಿ 98 ರನ್ ಪೂರೈಸಿದ ಕೂಡಲೇ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ನಲ್ಲಿ 13,000 ಪೂರೈಸಿದ ದಾಖಲೆ ಮಾಡಿದರು. ಈ ಮೂಲಕ 13 ಸಾವಿರ ರನ್ ಪೂರೈಸಿದ 5 ಬ್ಯಾಟರ್ ಕೊಹ್ಲಿ ಆಗಿದ್ದಾರೆ.
ಇವರಿಗೂ ಮೊದಲು ಭಾರತದ ಪರ ಸಚಿನ್ ತೆಂಡೂಲ್ಕರ್ ಈ ಸಾಧನೆ ಮಾಡಿದ್ದರು. ಸಚಿನ್ ಏಕದಿನ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ರನ್ ಕಲೆ ಹಾಕಿದ ವಿಶ್ವದ ನಂ.1 ಆಟಗಾರ. ಅವರು ನಿವೃತ್ತಿಯ ವೇಳೆಗೆ ಏಕದಿನ ಕ್ರಿಕೆಟ್ನಲ್ಲಿ 49 ಶತಕದಿಂದ 18,426 ರನ್ ಗಳಿಸಿದ ದಾಖಲೆ ಹೊಂದಿದ್ದಾರೆ.
ಸಚಿನ್ ನಂತರ ಕುಮಾರ ಸಂಗಾಕಾರ (14234), ರಿಕ್ಕಿ ಪಾಂಟಿಂಗ್ (13704) ಮತ್ತು ಸನತ್ ಜಯಸೂರ್ಯ (13430) ಇದ್ದಾರೆ. ಈಗ ಇವರೆಲ್ಲ ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ತೆಗೆದುಕೊಂಡಿರುವುದರಿಂದ ಕಿಂಗ್ ಕೊಹ್ಲಿ ಮುಂದಿನ ದಿನಗಳಲ್ಲಿ ಇವರ ಸ್ಕೋರ್ನ್ನು ಮೀರುವ ಸಾಧ್ಯತೆ ಇದೆ.
ವಿರಾಟ್ ಕೊಹ್ಲಿ ಕೇವಲ 267 ಇನ್ನಿಂಗ್ಸ್ನಿಂದ 13000 ಪೋರೈಸಿದ ದಾಖಲೆಮಾಡಿದ್ದಾರೆ.
ಏಕದಿನ ಕ್ರಿಕೆಟ್ನ 47ನೇ ಶತಕವನ್ನು ವಿರಾಟ್ ಇಂದಿನ ಪಂದ್ಯದಲ್ಲಿ ಪೂರೈಸಿದ್ದಾರೆ. ಇನ್ನಿಂಗ್ಸ್ನಲ್ಲಿ ರನ್ ಮಷಿನ್ ಕೊಹ್ಲಿ ಕೇವಲ 84 ಬಾಲ್ನಲ್ಲಿ ಶತಕ ಪೂರೈಸಿದರು.
ಏಕದಿನ ಮಾದರಿಯ ಏಷ್ಯಾಕಪ್ನಲ್ಲಿ ವಿರಾಟ್ ಕೊಹ್ಲಿ 4ನೇ ಶತಕ ದಾಖಲಿಸಿ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಸನತ್ ಜಯಸೂರ್ಯ ಈ ಪಟ್ಟಿಯಲ್ಲಿ 6 ಶತಕಗಳಿಂದ ಅಗ್ರ ಸ್ಥಾನದಲ್ಲಿದ್ದಾರೆ. ಕುಮಾರ್ ಸಂಗಕ್ಕರ್ ಮತ್ತು ಶೋಯಬ್ ಮಲ್ಲಿಕ್ ನಂತರದ 3 ಮತ್ತು 4ನೇ ಸ್ಥಾನವನ್ನು ಕ್ರಮವಾಗಿ ಅಲಂಕರಿಸಿದ್ದಾರೆ.
