ಬೆಚ್ಚಗಿನ ಬೇಸಿಗೆಯಲ್ಲಿ ದೇಹಕ್ಕೆ ತಂಪು ಕೊಡೋದು ಮಾತ್ರವಲ್ಲ, ರುಚಿಗೂ ಮನಸೂರೆಗೊಳ್ಳುವ ಪಾನೀಯ ಅಂದ್ರೆ ಮ್ಯಾಂಗೋ ಲಸ್ಸಿ. ಮಾವಿನ ಹಣ್ಣಿನ ಸೀಸನ್ ಶುರುವಾಯ್ತು ಅಂದ್ಮೇಲೆ ಮನೆಯಲ್ಲೇ ಸುಲಭವಾಗಿ ಈ ಕೂಲ್ ಡ್ರಿಂಕ್ ತಯಾರಿಸಿ ಕುಡಿಯೋ ಮಜಾನೇ ಬೇರೆ. ಮಧ್ಯಾಹ್ನ ಊಟದ ನಂತರ ಅಥವಾ ಸಂಜೆ ಸಮಯದಲ್ಲಿ ಇದನ್ನು ಕುಡಿದರೆ ತಕ್ಷಣ ಫ್ರೆಶ್ ಅನ್ನಿಸುವುದು ಖಂಡಿತ.
ಬೇಕಾಗುವ ಪದಾರ್ಥಗಳು
ಚೆನ್ನಾಗಿ ಹಣ್ಣಾದ ಮಾವಿನ ಹಣ್ಣು – 1 ದೊಡ್ಡದು
ದಪ್ಪ ಮೊಸರು – 1 ಕಪ್
ತಣ್ಣನೆಯ ಹಾಲು – ½ ಕಪ್
ಸಕ್ಕರೆ – 2 ರಿಂದ 3 ಟೀ ಸ್ಪೂನ್
ಏಲಕ್ಕಿ ಪುಡಿ – ಚಿಟಿಕೆ
ಐಸ್ ಕ್ಯೂಬ್ಸ್ – 4 ರಿಂದ 5
ಬಾದಾಮಿ/ಪಿಸ್ತಾ ತುಂಡುಗಳು – ಅಲಂಕಾರಕ್ಕೆ
ಮಾಡುವ ವಿಧಾನ
ಮೊದಲು ಮಾವಿನ ಹಣ್ಣಿನ ಸಿಪ್ಪೆ ತೆಗೆದು ತುಂಡುಗಳಾಗಿ ಕತ್ತರಿಸಿ. ಮಿಕ್ಸಿ ಜಾರ್ಗೆ ಮಾವಿನ ತುಂಡುಗಳು, ಮೊಸರು, ಹಾಲು, ಸಕ್ಕರೆ ಮತ್ತು ಐಸ್ ಕ್ಯೂಬ್ಸ್ ಹಾಕಿ ಚೆನ್ನಾಗಿ ಬ್ಲೆಂಡ್ ಮಾಡಿ. ಮೃದುವಾದ, ಕ್ರೀಮಿ ಟೆಕ್ಸ್ಚರ್ ಬಂದ ನಂತರ ಏಲಕ್ಕಿ ಪುಡಿ ಸೇರಿಸಿ ಮತ್ತೊಮ್ಮೆ ಒಂದು ಸುತ್ತು ಬ್ಲೆಂಡ್ ಮಾಡಿ.
ಈಗ ಗ್ಲಾಸ್ಗೆ ಸುರಿದು ಮೇಲೆ ಬಾದಾಮಿ ಅಥವಾ ಪಿಸ್ತಾ ತುಂಡುಗಳನ್ನು ಹಾಕಿ ತಣ್ಣಗಾಗಿಯೇ ಸರ್ವ್ ಮಾಡಿ.
ಬೇಸಿಗೆಯ ಬಿಸಿಲಲ್ಲಿ ಈ ಮ್ಯಾಂಗೋ ಲಸ್ಸಿ ಕುಡಿದರೆ ದೇಹಕ್ಕೂ ಮನಸ್ಸಿಗೂ ಸೂಪರ್ ಕೂಲ್ ಫೀಲ್ ಸಿಗುತ್ತದೆ!
