ಹೊಸದಿಗಂತ ಡಿಜಿಟಲ್‌ ಡೆಸ್ಕ್
ಅಸ್ಸಾಂ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿ ಸುಮಾರು 8 ಕೋಟಿ ರೂಪಾಯಿ ಮೌಲ್ಯದ ಹೆರಾಯಿನ್ಅನ್ನು ವಶಪಡಿಸಿಕೊಂಡಿದ್ದಾರೆ. ಜೊತೆಗೆ ಇಬ್ಬರು ಆರೋಪಿಗಳನ್ನು ಬಂಧಿಸಲಾಗಿದೆ.
ಇಲ್ಲಿನ ಕರ್ಬಿ ಆಂಗ್ಲಾಂಗ್ ಜಿಲ್ಲೆಯ ಬೊಕಜಾನ್ ಪ್ರದೇಶದಲ್ಲಿ ಪೆಡ್ಲರ್‌ಗಳ ಚಟುವಟಿಕೆಯ ಬಗ್ಗೆ ಪೊಲೀಸರು ಹೊಂದಿದ್ದ ಮಾಹಿತಿ ಆಧಾರ , ಬೊಕಾಜಾನ್‌ನ ಖಟ್‌ಖಾತಿ ಎಂಬಲ್ಲಿ ವಾಹನವೊಂದನ್ನು ತಡೆದು ತಪಾಸಣೆ ನಡೆಸಿದ್ದರು. ಈ ವೇಳೆ 966 ಗ್ರಾಂ ಹೆರಾಯಿನ್ನ ಸುಮಾರು 75 ಬಾಕ್ಸ್‌ಗಳು ಪತ್ತೆಯಾಗಿವೆ.
ಜೊತೆಗೆ ವಾಹನದಲ್ಲಿ ಸೋಲೆಮನ್ ತುಯೆರ್ ಮತ್ತು ಸಿಮಾನ್ ತುಯೆರ್ ಎಂಬುವವರಿದ್ದು, ಇವರನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧಿತ ಇವರಿಬ್ಬರೂ ದಿಮಾಪುರ್‌ನಿಂದ ಹೆರಾಯಿನ್ ಸಾಗಿಸುತ್ತಿದ್ದರು. ಗುವಾಹಟಿ ಕಡೆಗೆ ಹೋಗುವ ಯೋಜನೆ ಹಾಕಿಕೊಂಡಿದ್ದರು ಎಂದು ಮೂಲಗಳು ತಿಳಿಸಿವೆ.
