ದೇಹಕ್ಕೆ ತರಬೇತಿ ನೀಡುವ ಹಾಗೆ ಮನಸ್ಸಿಗೂ ತರಬೇತಿ ನೀಡಬಹುದು, ಅರಿವಿನ ಕ್ರಮವನ್ನು ಧ್ಯಾನ ಎನ್ನಬಹುದು. ದಿನಕ್ಕೆ ಹತ್ತು ನಿಮಿಷ ಧ್ಯಾನ ನಿಮ್ಮ ಜೀವನವನ್ನು, ನೀವು ಜೀವನವನ್ನು ನೋಡುವ ಪರಿಯನ್ನು ಬದಲಾಯಿಸಿಬಿಡುತ್ತದೆ. ಧ್ಯಾನದಿಂದ ಆಗುವ ಲಾಭಗಳೇನು?
- ಯಾವುದೇ ಒಂದು ಸವಾಲು ಎದುರಾಗಿದೆ, ಅದನ್ನು ಬಗೆಹರಿಸಲು ಹೊಸ ದಾರಿ, ಹೊಸ ಮಾರ್ಗ ಅರಿಯುತ್ತದೆ.
- ನಿಮ್ಮ ಒತ್ತಡವನ್ನು ನಿವಾರಣೆಗೊಳಿಸುವ ವಿಧಾನ ನಿಮ್ಮ ಹಿಡಿತಕ್ಕೆ ಸಿಗುತ್ತದೆ.
- ನಿಮ್ಮ ದೇಹ, ನಿಮ್ಮ ಮನಸ್ಸು, ನಿಮ್ಮ ಬಗ್ಗೆ ಆಲೋಚಿಸಲು ಸಮಯ ಸಿಗುತ್ತದೆ.
- ಭವಿಷ್ಯದ ಆಸೆ ಮರೆತು, ಹಿಂದಿನ ನೋವು ಬಿಟ್ಟು ಇಂದು ಬದುಕಿರೋಕೆ ಸಹಾಯ ಮಾಡುತ್ತದೆ.
- ಕೆಟ್ಟ ಆಲೋಚನೆಗಳಲ್ಲೇ ಮುಳುಗಿರುವ ವ್ಯಕ್ತಿ ನೀವಾದರೆ, ಧ್ಯಾನ ನಿಮಗೆ ಹೇಳಿ ಮಾಡಿಸಿದ್ದು.
- ಹೊಸ ಹೊಸ ಇಮ್ಯಾಜಿನೇಷನ್ ಹಾಗೂ ಕ್ರಿಯೇಟಿವ್ ಆಲೋಚನೆಗಳು ನಿಮ್ಮದಾಗುತ್ತದೆ.
- ತಾಳ್ಮೆ ಕಳೆದುಕೊಳ್ಳುವ ವ್ಯಕ್ತಿ ನೀವಾಗಿದ್ದರೆ, ಧ್ಯಾನ ರೂಢಿಸಿಕೊಳ್ಳಿ
- ಮಾನಸಿಕವಾಗಿ ನೀವು ದೃಢರಾಗುತ್ತೀರಿ, ಯಾವುದಕ್ಕೂ ಜಗ್ಗದ ಗಟ್ಟಿ ಮನುಷ್ಯನಾಗುತ್ತೀರಿ.
- ಮರೆಗುಳಿತನ ನಿಮ್ಮನ್ನು ಕಾಡೋದಿಲ್ಲ.
- ಕರುಣೆ, ಪ್ರೀತಿ ಗುಣಗಳು ನಿಮ್ಮದಾಗುತ್ತದೆ.