ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕವಿತಾ ದೆಹಲಿ ಮದ್ಯ ಹಗರಣ ಪ್ರಕರಣದಲ್ಲಿ ಇಂದೂ ದಿನವೂ ಇಡಿ ವಿಚಾರಣೆಗೆ ಹಾಜರಾಗಿದ್ದರು. ಇದಕ್ಕೂ ಮುನ್ನ ದೆಹಲಿಯ ತುಘಲಕ್ ರಸ್ತೆಯಲ್ಲಿರುವ ಸಿಎಂ ಕೆಸಿಆರ್ ನಿವಾಸದಿಂದ ಹೊರ ಬಂದು ಕಾರು ಹತ್ತುವಾಗ ಫೋನ್ ಗಳನ್ನು ತೋರಿಸಿ, ಫೋನ್ ಗಳನ್ನು ನಾಶ ಮಾಡಿಲ್ಲ ಎಂಬ ಸೂಚನೆ ನೀಡಿದರು. “ಇಲ್ಲಿದೆ ಫೋನ್‌ಗಳು.. ನಾನು ಅವುಗಳನ್ನು ಎಲ್ಲಿ ನಾಶಪಡಿಸಿದೆ?” ಎಂಬಂತೆ ಅವರ ವರ್ತನೆ ಇತ್ತು.
ಇಡಿಗೆ ತೋರಿಸಲು ಫೋನ್‌ಗಳನ್ನು ತೆಗೆದುಕೊಂಡು ಹೋಗಿದ್ದಾರಂತೆ. ಇಡಿ ಕಚೇರಿಯಲ್ಲಿ ಕಾರಿನಿಂದ ಇಳಿದ ಕವಿತಾ ಮಾಧ್ಯಮದವರಿಗೆ ಫೋನ್ ತೋರಿಸಿದರು. ಇದೇ ವೇಳೆ ಇಂದು ಬೆಳಗ್ಗೆ ಕವಿತಾ ಅವರು ಕಾನೂನು ತಜ್ಞರ ಜೊತೆ ಚರ್ಚೆ ನಡೆಸಿದ್ದಾರೆ. ನಿನ್ನೆ ಬೆಳಗ್ಗೆ 11ರಿಂದ ರಾತ್ರಿ 9ರವರೆಗೆ ಇಡಿ ಅಧಿಕಾರಿಗಳು ಕವಿತಾ ಅವರನ್ನು ವಿಚಾರಣೆ ನಡೆಸಿದ್ದಾರೆ.
ಈ ತಿಂಗಳು ಕವಿತಾ ದೆಹಲಿ ಮದ್ಯ ಹಗರಣ ಪ್ರಕರಣದಲ್ಲಿ ಮೂರನೇ ಬಾರಿ ವಿಚಾರಣೆಗೆ ಹಾಜರಾಗಿದ್ದಾರೆ. ಕವಿತಾ ಅವರೊಂದಿಗೆ ಹಲವು ಬಿಆರ್ ಎಸ್ ಮುಖಂಡರು ಇಡಿ ಕಚೇರಿಗೆ ಬಂದಿದ್ದರು. ನಿನ್ನೆ ಅರುಣ್ ಪಿಳ್ಳೈ ಜೊತೆ ಇಡಿ ಅಧಿಕಾರಿಗಳು ಕವಿತಾ ಅವರನ್ನು ವಿಚಾರಣೆ ನಡೆಸಿರುವುದು ಗೊತ್ತಾಗಿದೆ.
