ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಶೀಘ್ರದಲ್ಲೇ ದೊಡ್ಡ ಸೌರಜ್ವಾಲೆಯೊಂದು ಭೂಮಿಗೆ ಅಪ್ಪಳಿಸಲಿದೆ ಎಂಬ ಆತಂಕಕಾರಿ ವಿಚಾರವನ್ನು ಭೌತಶಾಸ್ತ್ರಜ್ಞರು ಹೇಳಿದ್ದಾರೆ.
ಈ ಜ್ವಾಲೆಗಳು ಭಾರತದಾದ್ಯಂತ ದೂರಸಂಪರ್ಕ ಮತ್ತು ಉಪಗ್ರಹ ಆಧಾರಿತ ಸೇವೆಗಳನ್ನು ನಾಶಪಡಿಸುವ ಸಾಮರ್ಥ್ಯವನ್ನು ಹೊಂದಿವೆ ಎಂದಿದ್ದಾರೆ.
ಬುಧವಾರ ಸೂರ್ಯನಿಂದ ಭಾರೀ ಪ್ರಮಾಣದ ಜ್ವಾಲೆ ಭೂಮಿಗೆ ಅಪ್ಪಳಿಸಿದೆ ಅದನ್ನು X2 ವರ್ಗ ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ. ಬೆಳಿಗ್ಗೆ 9 ರಿಂದ 10.30 ರ ನಡುವೆ ಜ್ವಾಲೆ ಸ್ಪೋಟದ ಘಟನೆಯನ್ನು ದಾಖಲು ಮಾಡಲಾಗಿದೆ. ಭಾರತ ಮತ್ತು ಆಗ್ನೇಯ ಏಷ್ಯಾದ ಮೇಲೆ ಇದರ ಪ್ರಭಾವ ಹೆಚ್ಚಿವೆ ಎನ್ನಲಾಗಿದೆ. ಸನ್ಸ್ಪಾಟ್ ಸಂಖ್ಯೆ AR12992 ಆಗಿದೆ. ʻ ಇದರ ಗರಿಷ್ಠ ಸ್ಥಿತಿಯು 9.27 IST ನಲ್ಲಿ ದಾಖಲಾಗುವ ಸುಮಾರು 30 ನಿಮಿಷಗಳ ಕಾಲ 2.2 x 10^-4 ವ್ಯಾಟ್ಗಳು / m^2 ತೀವ್ರತೆಯನ್ನು ತಲುಪಿರುವುದಾಗಿ ತಜ್ಞರು ತಿಳಿಸಿದ್ದಾರೆ.
ಸೌರ ಜ್ವಾಲೆಗಳು ಸೂರ್ಯನ ಮೇಲ್ಮೈಯಿಂದ ಹೊರಹೊಮ್ಮುವ ವಿದ್ಯುತ್ಕಾಂತೀಯ ವಿಕಿರಣದ ಬೃಹತ್ ಸ್ಫೋಟಗಳಾಗಿವೆ. ಏಪ್ರಿಲ್ 15 ರಿಂದ ಹೊರಹೊಮ್ಮಿದ ಮೂರನೇ ಎಕ್ಸ್-ಕ್ಲಾಸ್ (ವ್ಯಾಟ್ಸ್ / m^2 ನಲ್ಲಿ ಹೆಚ್ಚಿನ ತೀವ್ರತೆ) ಸೌರ ಜ್ವಾಲೆಯಾಗಿದೆ, ಭಾರತೀಯ ವಿಜ್ಞಾನ ಶಿಕ್ಷಣ ಸಂಸ್ಥೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಕೋಲ್ಕತ್ತಾದ ಸೆಂಟರ್ ಆಫ್ ಎಕ್ಸಲೆನ್ಸ್ ಇನ್ ಸ್ಪೇಸ್ ವೆದರ್ ಸೈನ್ಸಸ್ ಇಂಡಿಯಾ (CESSI) ಸಂಗ್ರಹಿಸಿದ ಡೇಟಾದಲ್ಲಿ ವರದಿಯಾಗಿದೆ.
ಎಲ್ಲಾ ಸೌರ ಜ್ವಾಲೆಗಳು ಹಾನಿಕಾರಕವಲ್ಲದಿದ್ದರೂ ಸಹ, ಭೂಮಿಯನ್ನು ಸುತ್ತುವರಿದ ಜ್ವಾಲೆಗಳು ದೂರಸಂಪರ್ಕ ಮತ್ತು GPS-ಆಧಾರಿತ ಸೇವೆಗಳಿಗೆ ಅಡ್ಡಿಪಡಿಸಬಹುದು, ಉಪಗ್ರಹ ಮತ್ತು ಬಾಹ್ಯಾಕಾಶ ಕಾರ್ಯಾಚರಣೆಗಳನ್ನು ನಾಶ ಮಾಡಬಹುದು. ವಿಶೇಷವಾಗಿ ಸೂರ್ಯನ ಬೆಳಕು. ಹೈ ಫ್ರೀಕ್ವೆನ್ಸಿ ರೇಡಿಯೋ ಸಿಗ್ನಲ್ಗಳು ಸಂಪೂರ್ಣವಾಗಿ ನಾಶವಾಗಬಹದು ಅಥವಾ ಕಳಪೆ ಗುಣಮಟ್ಟದಿಂದ ಕೂಡಿರುತ್ತವೆ.
ಸೌರ ಜ್ವಾಲೆಗಳು, ಸಾಮಾನ್ಯವಾಗಿ, 3 ರಿಂದ 30 MHz ರೇಡಿಯೋ ಬ್ಯಾಂಡ್ ಮೇಲೆ ಪರಿಣಾಮ ಬೀರುತ್ತವೆ, ಇವುಗಳನ್ನು ವಾಯುಯಾನ ಮತ್ತು ಹವಾಮಾನ ಸೇವೆಗಳಿಗೆ ಬಳಸಲಾಗುತ್ತದೆ ಎಂದು ಕೋಲ್ಕತ್ತಾದ IISER ನಲ್ಲಿ ಮೊದಲ ವರ್ಷದ ಪಿಎಚ್ಡಿ ವಿದ್ಯಾರ್ಥಿ ಯೋಶಿತಾ ಬರುವಾ ಹೇಳಿದರು. ಆದರೆ ಈಗ, ಭೂಮಿಯಿಂದ ನೋಡಿದಾಗ AR12992 ಸನ್ಸ್ಪಾಟ್ ಸೂರ್ಯನ ಅಂಚಿಗೆ ಆಚೆ ತಿರುಗಿರುವುದರಿಂದ, ಮುಂಬರುವ ಹದಿನೈದು ದಿನಗಳಲ್ಲಿ ಅದರ ಚಟುವಟಿಕೆಯನ್ನು ಮೇಲ್ವಿಚಾರಣೆ ಮಾಡಲಾಗುತ್ತದೆ. “ಸೂರ್ಯನ ಒಂದು ಪೂರ್ಣ ಪರಿಭ್ರಮಣವು 27 ದಿನಗಳಲ್ಲಿ ಪೂರ್ಣಗೊಳ್ಳುತ್ತದೆ ಮತ್ತು ಮುಂದಿನ ಎರಡು ವಾರಗಳಲ್ಲಿ, ಸೂರ್ಯನ ಜ್ವಾಲೆ ಮತ್ತೆ ಹೊರಹೊಮ್ಮುತ್ತವೆಯೇ ಎಂಬುದನ್ನು ನಾವು ನೋಡಬೇಕಾಗಿದೆ” ಎಂದು ಬುರುವಾ ಹೇಳಿದ್ದಾರೆ.
CESSI ಯ ಭೌತವಿಜ್ಞಾನಿಗಳ ಪ್ರಕಾರ, ಏಪ್ರಿಲ್ 15 ರಿಂದ ಎರಡು X ವರ್ಗ ಮತ್ತು 13 M ವರ್ಗ (ವ್ಯಾಟ್ಸ್ / m2 ನಲ್ಲಿ ಎರಡನೇ ಅತಿ ಹೆಚ್ಚು ತೀವ್ರತೆ) ಸೌರ ಜ್ವಾಲೆಗಳು ವರದಿಯಾಗಿವೆ. ಕಳೆದ ಕೆಲವು ದಿನಗಳಲ್ಲಿ ಸೌರ ಮಾರುತದ ವೇಗವು ಸಹ ಏರಿಕೆ ಕಂಡಿದೆ. ಬುಧವಾರದಂದು ಸೆಕೆಂಡಿಗೆ 556 ಕಿಮೀ ವೇಗವನ್ನು ಹೆಚ್ಚಿಸಿದೆ. ಮಾರ್ಚ್ ಅಂತ್ಯದಲ್ಲಿ ಸೂರ್ಯನು ಇದೇ ರೀತಿಯ ಸಕ್ರಿಯ ಹಂತವನ್ನು ತೋರಿಸಿದ್ದಾನೆ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ.