ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ರಷ್ಯಾದಲ್ಲಿ ಪ್ರಬಲ ಕೂಲಿ ಸೈನಿಕರ ಗುಂಪು`ವ್ಯಾಗ್ನರ್’ ಶನಿವಾರ ಶಸ್ತ್ರಸಜ್ಜಿ ದಂಗೆ ನಡೆಸಿತು. ವ್ಯಾಗ್ನರ್‌ನ ಕೂಲಿ ಸೈನಿಕರು ರೋಸ್ಟೋವ್‌ನಲ್ಲಿ ಮಿಲಿಟರಿ ಕಟ್ಟಡವನ್ನು ಸ್ವಾಧೀನಪಡಿಸಿಕೊಂಡರು. ಈ ದಂಗೆಯೊಂದಿಗೆ, ಮಾಸ್ಕೋದಲ್ಲಿ ಭದ್ರತಾ ಪಡೆಗಳು ಹೈ ಅಲರ್ಟ್ ಘೋಷಿಸಿದವು.
ವ್ಯಾಗ್ನರ್ ಪಡೆಗಳು ರೋಸ್ಟೊವ್‌ನಲ್ಲಿನ ಮಿಲಿಟರಿ ಕಟ್ಟಡದ ಮೇಲೆ ಹಿಡಿತ ಸಾಧಿಸಿದವು. ತನ್ನ ಪಡೆಗಳು ದಕ್ಷಿಣ ಗಡಿ ಪ್ರದೇಶವನ್ನು ಪ್ರವೇಶಿಸಿವೆ ಎಂದು ವ್ಯಾಗ್ನರ್ ಗ್ರೂಪ್ ಮುಖ್ಯಸ್ಥರು ಹೇಳಿದ ನಂತರ ರೋಸ್ಟೊವ್‌ನಲ್ಲಿರುವ ರಷ್ಯಾದ ಅಧಿಕಾರಿಗಳು ನಿವಾಸಿಗಳನ್ನು ಮನೆಯೊಳಗೆ ಇರುವಂತೆ ಒತ್ತಾಯಿಸಿದರು. “ಪ್ರಸ್ತುತ ಪರಿಸ್ಥಿತಿಯಿಂದಾಗಿ, ದಯವಿಟ್ಟು ಸಾಧ್ಯವಾದರೆ ನಗರ ಕೇಂದ್ರಕ್ಕೆ ಹೋಗುವುದನ್ನು ತಪ್ಪಿಸಿ ಮತ್ತು ನಿಮ್ಮ ಮನೆಗಳನ್ನು ಬಿಡಬೇಡಿ” ಎಂದು ರೋಸ್ಟೊವ್ ಪ್ರದೇಶದ ಗವರ್ನರ್ ಸಲಹೆ ನೀಡಿದರು.
ಮತ್ತೊಂದೆಡೆ, ಭದ್ರತೆಯನ್ನು ಬಲಪಡಿಸಲು ಭಯೋತ್ಪಾದನಾ ವಿರೋಧಿ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತಿದೆ ಎಂದು ಮಾಸ್ಕೋದ ಮೇಯರ್ ಹೇಳಿದರು.
