ಹೊಸ ದಿಗಂತ ಡಿಜಿಟಲ್ ಡೆಸ್ಕ್
ಮೈಸೂರಿನಲ್ಲಿ ಎಂಟನೇ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯಲ್ಲಿ ಪಾಲ್ಗೊಂಡ ಪ್ರಧಾನಿ ನರೇಂದ್ರ ಮೋದಿ ತಮ್ಮ ಭಾಷಣದಲ್ಲಿ ಹೇಳಿದ ಅಂಶಗಳು ಇವು-
- ಯೋಗ ಶಾಂತಿಯನ್ನು ತರುತ್ತದೆ. ಈ ಶಾಂತಿ ಕೇವಲ ವೈಯಕ್ತಿಕ ನೆಲೆಯಲ್ಲಿ ಮಾತ್ರವಲ್ಲ. ದೇಶಕ್ಕೆ ಹಾಗೂ ವಿಶ್ವಕ್ಕೆ ಶಾಂತಿಯನ್ನು ತರುತ್ತದೆ ಯೋಗ.
- ಯೋಗವನ್ನು ಕೇವಲ ವೈಯಕ್ತಿಕ ಉದ್ದೇಶಕ್ಕಲ್ಲದೇ ಮಾನವತೆಯ ಶಾಂತಿಗೋಸ್ಕರ ಮಾಡಬೇಕು ಎಂದೇ ಈ ವರ್ಷದ ಯೋಗ ದಿನಾಚರಣೆ ಆಶಯವನ್ನು ‘ಮಾನವತೆಗಾಗಿ ಯೋಗ’ ಎಂದು ಇಡಲಾಗಿದೆ.
- ಇಡೀ ವಿಶ್ವ, ಅದರ ವ್ಯಾಪಕತೆ ನಮ್ಮ ದೇಹ- ಆತ್ಮಗಳಲ್ಲೇ ಇದೆ. ನಮ್ಮೊಳಗೇ ಇರುವ ವಿಶ್ವದ ಜತೆ ನಾವು ಸಂಪರ್ಕ ಸಾಧಿಸುವುದಕ್ಕೆ, ಅದನ್ನು ಅರಿತುಕೊಳ್ಳುವುದಕ್ಕೆ ಯೋಗ ಸಹಾಯ ಮಾಡುತ್ತದೆ.
