ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಭಾರತದ ವೇಗವಾಗಿ ಬೆಳೆಯುತ್ತಿರುವ ಡಿಜಿಟಲ್ ಹಣಕಾಸು ಸೇವಾ ವೇದಿಕೆಗಳಲ್ಲಿ ಒಂದಾದ ನವಿಯ ವಿಮಾ ವಿಭಾಗವಾದ ನವಿ ಜನರಲ್ ಇನ್ಶೂರೆನ್ಸ್, ಇಂದು GoMechanic, ReadyAssist, myTVS ಮತ್ತು AIS Windshield Experts ಸಂಸ್ಥೆಗಳೊಂದಿಗೆ ತಂತ್ರಾತ್ಮಕ ಸಹಭಾಗಿತ್ವಗಳನ್ನು ಘೋಷಿಸಿದೆ. ಈ ಮೂಲಕ ದೇಶದಾದ್ಯಂತ ಗ್ರಾಹಕರಿಗೆ ‘ಕ್ಯಾಶ್ಲೆಸ್ ಎನಿವೇರ್’ (ನಗದು ರಹಿತ ) ಮೋಟಾರ್ ವಿಮಾ ಕ್ಲೈಮ್ಸ್ ಅನುಭವವನ್ನು ಒದಗಿಸಲಾಗುತ್ತದೆ.
ಈ ಸಹಭಾಗಿತ್ವಗಳು ನವಿಯ ಡಿಜಿಟಲ್-ಆಧಾರಿತ ಕ್ಲೈಮ್ಸ್ ಪ್ರಕ್ರಿಯೆಯನ್ನು ಬಲವಾದ ಭೌತಿಕ ಸೇವಾ ಜಾಲದೊಂದಿಗೆ ಸಂಯೋಜಿಸುತ್ತವೆ. ಇದರಿಂದ ನವಿ ಇನ್ಶೂರೆನ್ಸ್ ಗ್ರಾಹಕರು ದೇಶದ ಯಾವುದೇ ಪಾಲುದಾರ ಗ್ಯಾರೇಜ್ಗೆ ತೆರಳಿ, ಯಾವುದೇ ಮುಂಗಡ ಹಣ ಪಾವತಿಸದೆ ತಮ್ಮ ವಾಹನವನ್ನು ದುರಸ್ತಿ ಮಾಡಿಸಿಕೊಳ್ಳಬಹುದು.
ಜೊತೆಗೆ ನೆರವಿನ ಅಗತ್ಯವಿರುವ ಸಂದರ್ಭಗಳಲ್ಲಿ ನವಿಯ ಪಾಲುದಾರ ಸಂಸ್ಥೆಗಳು ಕ್ಲೈಮ್ ಮಾಹಿತಿ ನೀಡಿದ ಕೆಲವೇ ಗಂಟೆಗಳಲ್ಲಿ ಗ್ರಾಹಕರನ್ನು ತಲುಪಲು ಸಜ್ಜಾಗಿರುತ್ತವೆ. ರಸ್ತೆ ಮಧ್ಯೆ ವಾಹನ ದೋಷ ಉಂಟಾದಾಗ, ಸ್ಥಳದಲ್ಲೇ ವಾಹನ ಪರಿಶೀಲನೆ ಅಥವಾ ಪಾಲುದಾರ ಗ್ಯಾರೇಜ್ನಲ್ಲಿ ವಾಹನ ಸರ್ವಿಸ್ ಮಾಡುವ ಸಂದರ್ಭಗಳಲ್ಲಿ ಸಹ ತಕ್ಷಣದ ನೆರವು ಲಭ್ಯವಾಗುತ್ತದೆ.
ReadyAssist ಸಂಸ್ಥೆ 19,000 ಕ್ಕೂ ಹೆಚ್ಚು ಪಿನ್ಕೋಡ್ಗಳಲ್ಲಿ 24×7 ರಸ್ತೆಬದಿ ಸಹಾಯ ಸೇವೆ ಒದಗಿಸಲಿದೆ. ಜೊತೆಗೆ, ನವಿಯ ಭೌತಿಕ ಕ್ಲೈಮ್ಸ್ ಸರ್ವೇ ಅಗತ್ಯಗಳನ್ನು ದೇಶಾದ್ಯಂತ ನಿರ್ವಹಿಸಿ, ಕ್ಲೈಮ್ ಮಾಹಿತಿ ನೀಡಿದ ಕೆಲವೇ ಗಂಟೆಗಳಲ್ಲಿ ನವಿಯಿಂದ ಮಾನ್ಯತೆ ಪಡೆದ ಪ್ರತಿನಿಧಿಯನ್ನು ಗ್ರಾಹಕರ ಬಳಿ ಕಳುಹಿಸಲು ನೆರವಾಗಲಿದೆ.
GoMechanic, myTVS ಮತ್ತು AIS Windshield Experts ಸಂಸ್ಥೆಗಳು ತಮ್ಮ ವಿಶಾಲ ಗ್ಯಾರೇಜ್ ಹಾಗೂ ವಿಂಡ್ಶೀಲ್ಡ್ ಸೇವಾ ಜಾಲದ ಮೂಲಕ ಕ್ಯಾಶ್ಲೆಸ್ ಕ್ಲೈಮ್ಸ್ ಸೇವೆಗಳನ್ನು ಒದಗಿಸಲಿವೆ. ಇದರಲ್ಲಿ ವಾಹನ ಹಾನಿ ದುರಸ್ತಿ ಮತ್ತು ವಿಂಡ್ಶೀಲ್ಡ್ ಬದಲಾವಣೆ ಸೇವೆಗಳೂ ಸೇರಿವೆ.
ನವಿಯು ತನ್ನ ಕ್ಯಾಶ್ಲೆಸ್ ಗ್ಯಾರೇಜ್ ಜಾಲವನ್ನೂ ವೇಗವಾಗಿ ವಿಸ್ತರಿಸುತ್ತಿದೆ. 2026ರ ಜನವರಿಯಲ್ಲಿ ಸುಮಾರು 710 ಗ್ಯಾರೇಜ್ಗಳಿದ್ದ ಜಾಲವು ಪ್ರಸುತ್ತ 500 ಕ್ಕೂ ಹೆಚ್ಚು ನಗರಗಳಲ್ಲಿ 1,600 ಕ್ಕೂ ಹೆಚ್ಚು ಗ್ಯಾರೇಜ್ಗಳಿಗೆ ವಿಸ್ತರಿಸಿದೆ. 2026ರ ಜೂನ್ ವೇಳೆಗೆ ಇದನ್ನು 3,000 ಕ್ಕೂ ಹೆಚ್ಚು ಗ್ಯಾರೇಜ್ಗಳಿಗೆ ವಿಸ್ತರಿಸುವ ಗುರಿಯನ್ನು ನವಿ ಹೊಂದಿದೆ.
ಈ ಕುರಿತು ಮಾಹಿತಿ ನೀಡಿದ ನವಿ ಜನರಲ್ ಇನ್ಶೂರೆನ್ಸ್ ಲಿಮಿಟೆಡ್ನ ಮ್ಯಾನೆಜಿಂಗ್ ಡೈರೆಕ್ಟರ್ ಮತ್ತು ಸಿಇಒ ವೈಭವ್ ಗೋಯಲ್, ನಮ್ಮ ಗುರಿ ಅತ್ಯುತ್ತಮ ಮೋಟಾರ್ ಕ್ಲೈಮ್ಸ್ ಅನುಭವವನ್ನು ನಿರ್ಮಿಸುವುದು. ಅದನ್ನು ಮೂರು ಪ್ರಮುಖ ಅಂಶಗಳ ಮೇಲೆ ನಿರ್ಮಿಸಿದ್ದೇವೆ.‘ಕ್ಯಾಶ್ಲೆಸ್ ಎನಿವೇರ್’ , ಅಗತ್ಯವಿದ್ದಾಗ ಕೆಲವೇ ಗಂಟೆಗಳಲ್ಲಿ ನೆರವು ಮತ್ತು ವೇಗದ ಸೇವೆ. ತಂತ್ರಜ್ಞಾನವು ಪ್ರಕ್ರಿಯೆಯನ್ನು ಸುಲಭಗೊಳಿಸುತ್ತದೆ, ಆದರೆ ಬಲವಾದ ಪಾಲುದಾರಿಕೆಗಳು ಗ್ರಾಹಕರಿಗೆ ಅಗತ್ಯವಿರುವ ಸಮಯದಲ್ಲಿ ವಿಶ್ವಾಸಾರ್ಹ ಬೆಂಬಲವನ್ನು ಒದಗಿಸುತ್ತವೆ ಎಂದು ಹೇಳಿದರು.
ಭಾರತದ ಸಾಮಾನ್ಯ ವಿಮಾ ಪ್ರೀಮಿಯಂಗಳಲ್ಲಿ ಮೋಟಾರ್ ವಿಮೆಯ ಪಾಲು ಸುಮಾರು 32% ಇದ್ದು, ಈಗ ಇದು ಡಿಜಿಟಲ್-ಆಧಾರಿತ ಮಾದರಿಗಳತ್ತ ವೇಗವಾಗಿ ಸಾಗುತ್ತಿದೆ. ಗ್ರಾಹಕರು ಕ್ಲೈಮ್ಸ್ ಅನುಭವ ಮತ್ತು ಸೇವಾ ಜಾಲದ ವ್ಯಾಪ್ತಿಗೆ ಹೆಚ್ಚು ಮಹತ್ವ ನೀಡುತ್ತಿರುವ ಹಿನ್ನೆಲೆಯಲ್ಲಿ, ನವಿಯ ಪಾಲುದಾರಿಕೆ-ಆಧಾರಿತ ತಂತ್ರವು ಡಿಜಿಟಲ್ ಸುಲಭತೆಯನ್ನು ಮತ್ತು ವ್ಯಾಪಕ ಭೌತಿಕ ಸೇವಾ ಸಾಮರ್ಥ್ಯವನ್ನು ಒಟ್ಟಿಗೆ ಒದಗಿಸುವತ್ತ ಕೇಂದ್ರೀಕರಿಸಿದೆ.
19,000 ಕ್ಕೂ ಹೆಚ್ಚು ಪಿನ್ಕೋಡ್ಗಳಲ್ಲಿ ನಮ್ಮ ಹಾಜರಾತಿ ಮತ್ತು ದೇಶವ್ಯಾಪಿ ತರಬೇತಿ ಪಡೆದ ಸೇವಾ ಜಾಲದ ಮೂಲಕ, ನಾವು ನವಿಯ ಡಿಜಿಟಲ್ ಕ್ಲೈಮ್ಸ್ ವ್ಯವಸ್ಥೆಯನ್ನು ಪೂರೈಸುತ್ತೇವೆ. ರಸ್ತೆ ಮಧ್ಯೆ ವಾಹನ ದೋಷವಾಗಲಿ ಅಥವಾ ಸ್ಥಳದಲ್ಲೇ ವಾಹನ ಪರಿಶೀಲನೆ ಅಗತ್ಯವಾಗಲಿ, ಪ್ರತಿಯೊಬ್ಬ ಪಾಲಿಸಿಧಾರಕರಿಗೂ ಸಮಯೋಚಿತ ಹಾಗೂ ವಿಶ್ವಾಸಾರ್ಹ ಭೌತಿಕ ಬೆಂಬಲ ಒದಗಿಸುವಲ್ಲಿ ನಾವು ಹೆಮ್ಮೆಪಡುತ್ತೇವೆ. ನವಿಯ ಗ್ರಾಹಕ-ಕೇಂದ್ರಿತ ದೃಷ್ಟಿಯನ್ನು ದೊಡ್ಡ ಮಟ್ಟದಲ್ಲಿ ಬೆಂಬಲಿಸಲು ನಾವು ಸಂತೋಷಪಡುತ್ತೇವೆ ಎಂದು ರೆಡಿಅಸಿಸ್ಟ್ನ ಸಂಸ್ಥಾಪಕ ಮತ್ತು ಸಿಇಒ ವಿಮಲ್ ಸಿಂಗ್ ಎಸ್. ವಿ. ಹೇಳಿದರು.
ಈ ಸಹಭಾಗಿತ್ವಗಳ ಮೂಲಕ, ನವಿ ಡಿಜಿಟಲ್ ಸರಳತೆ ಮತ್ತು ನೆಲಮಟ್ಟದ ಸೇವಾ ಸಾಮರ್ಥ್ಯವನ್ನು ಸಂಯೋಜಿಸಿದ ಸಮಗ್ರ, ತಂತ್ರಜ್ಞಾನ-ಆಧಾರಿತ ಮೋಟಾರ್ ವಿಮಾ ವ್ಯವಸ್ಥೆಯನ್ನು ನಿರ್ಮಿಸುತ್ತಿದ್ದು, ದೇಶದಾದ್ಯಂತ ವಾಹನ ಮಾಲೀಕರಿಗೆ ಹೆಚ್ಚು ಪರಿಣಾಮಕಾರಿ, ಪಾರದರ್ಶಕ ಮತ್ತು ಗ್ರಾಹಕ-ಕೇಂದ್ರಿತ ಕ್ಲೈಮ್ಸ್ ಅನುಭವವನ್ನು ಒದಗಿಸುತ್ತಿದೆ.
ಮೋಟಾರ್ ವಿಮಾ ಸೇವೆಗಳು ಈಗ ನವಿ ಆಪ್ನಲ್ಲಿ ಲಭ್ಯವಿದ್ದು, ಭಾರತದಾದ್ಯಂತ ಗ್ರಾಹಕರು ಈ ಸೇವೆಯನ್ನು ಪಡೆಯಬಹುದು ಎಂದು ತಿಳಿಸಿದೆ.
