Wednesday, October 5, 2022

Latest Posts

ಮಾತ್ರೆ ನುಂಗುವಾಗ ಅಪ್ಪತಪ್ಪಿಯೂ ಈ ತಪ್ಪುಗಳನ್ನು ಮಾಡಬೇಡಿ!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಅನೇಕ ಜನರು ಆರೋಗ್ಯ ಸಮಸ್ಯೆಗಳಿದ್ದಾಗ ಮಾತ್ರೆ ಸೇವಿಸುವಾಗ ಕೆಲ ತಪ್ಪುಗಳನ್ನು ಮಾಡ್ತಾರೆ, ಕಾಫಿ, ಚಹಾ, ಜ್ಯೂಸ್ ಅಥವಾ ವಿವಿಧ ದ್ರವಗಳೊಂದಿಗೆ ಮಾತ್ರೆಗಳನ್ನು ತೆಗೆದುಕೊಳ್ಳುತ್ತಾರೆ.ತಿಳಿಯದೆ ಮಾಡುವ ಆ ಸಣ್ಣ ತಪ್ಪುಗಳು ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತವೆ.

ಮಾತ್ರೆಗಳನ್ನು ಇತರ ದ್ರವಗಳೊಂದಿಗೆ ಸೇವಿಸಿದರೆ ಅವು ಸರಿಯಾಗಿ ಕರಗುವುದಿಲ್ಲ. ಜೊತೆಗೆ ಮಾತ್ರೆಗಳಲ್ಲಿರುವ ಔಷಧ ದೇಹಕ್ಕೆ ಹೀರಲ್ಪಡುವುದಿಲ್ಲ. ಆದ್ದರಿಂದ ಮಾತ್ರೆಗಳನ್ನು ಉಗುರು ಬೆಚ್ಚಗಿನ ನೀರಿನಿಂದ ತೆಗೆದುಕೊಂಡರೆ ಒಳ್ಳೆಯದು.

ಕಿತ್ತಳೆ ಅಥವಾ ಇತರ ಸಿಟ್ರಸ್ ಹಣ್ಣಿನಲ್ಲಿರುವ ರಾಸಾಯನಿಕಗಳು ಕರುಳಿನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ಔಷಧದ ಪರಿಣಾಮಕಾರಿತ್ವವನ್ನು ಕಡಿಮೆ ಮಾಡುತ್ತದೆ. ಹಣ್ಣಿನ ರಸದೊಂದಿಗೆ ಔಷಧವನ್ನು ತೆಗೆದುಕೊಳ್ಳುವುದು ಕರುಳಿನ ಕೋಶಗಳ ಆಕಾರವನ್ನು ಬದಲಾಯಿಸುತ್ತದೆ. ಪರಿಣಾಮವಾಗಿ, ಔಷಧದಲ್ಲಿನ ರಾಸಾಯನಿಕವು ತಟಸ್ಥವಾಗಿರುತ್ತವೆ.

ಅದೇ ರೀತಿ ದ್ರಾಕ್ಷಿ ರಸದೊಂದಿಗೆ ಮಾತ್ರೆಗಳನ್ನು ಸೇವಿಸಬಾರದು. ದ್ರಾಕ್ಷಿ ರಸದಲ್ಲಿರುವ ಕಿಣ್ವಗಳು ಮಾತ್ರೆಗಳ ಪರಿಣಾಮಕಾರಿತ್ವವನ್ನು ಸಂಪೂರ್ಣವಾಗಿ ಕಡಿಮೆ ಮಾಡುತ್ತದೆ. ಈ ಕಾರಣದಿಂದಾಗಿ ಅನಾರೋಗ್ಯವು ಕಡಿಮೆಯಾಗುವುದಿಲ್ಲ. ಚಹಾ ಕುಡಿಯುವಾಗ ಮಾತ್ರೆಗಳನ್ನು ತೆಗೆದುಕೊಳ್ಳಬೇಡಿ. ಏಕೆಂದರೆ ಹಾಲಿನಲ್ಲಿರುವ ಕ್ಯಾಲ್ಸಿಯಂ ಪ್ರತಿಜೀವಕಗಳ ಪರಿಣಾಮಕಾರಿತ್ವವನ್ನು ಕಡಿಮೆ ಮಾಡುತ್ತದೆ.

ನಿದ್ರೆ ಮಾತ್ರೆಗಳನ್ನು ಸೇವಿಸುವವರು ಔಷಧಿಯ ಜೊತೆಗೆ ಡಾರ್ಕ್ ಚಾಕೊಲೇಟ್ ಅನ್ನು ತಿನ್ನಬಾರದು. ಈ ಚಾಕೊಲೇಟ್ ನಿದ್ರೆ ಮಾತ್ರೆಗಳನ್ನು ಸಂಪೂರ್ಣವಾಗಿ ತಟಸ್ಥಗೊಳಿಸುತ್ತದೆ. ಪರಿಣಾಮವಾಗಿ, ರಕ್ತದೊತ್ತಡ ಹೆಚ್ಚಾಗುತ್ತದೆ. ನಾರಿನ ರಸ ಮತ್ತು ತರಕಾರಿ ರಸಗಳೊಂದಿಗೆ ಮಾತ್ರೆಗಳನ್ನು ತೆಗೆದುಕೊಳ್ಳಬಾರದು. ಬಿಪಿ ಮತ್ತು ಶುಗರ್‌ನಂತಹ ಔಷಧಿ ಕೆಲಸ ಮಾಡುವುದಿಲ್ಲ. ಹಣ್ಣಿನ ರಸಗಳು ಔಷಧೀಯ ಗುಣಗಳ ಪರಿಣಾಮಕಾರಿತ್ವವನ್ನು ಕಡಿಮೆ ಮಾಡುತ್ತವೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!