Wednesday, February 1, 2023

Latest Posts

ಒಡಿಶಾ ಕ್ಯಾಬಿನೆಟ್ ಮಹತ್ವದ ನಿರ್ಧಾರ: SEBC ಪಟ್ಟಿಯಲ್ಲಿ 22 ಜಾತಿ ಸೇರಿಸಲು ಅನುಮೋದನೆ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌

ವಿಧಾನಸಭೆ ಚುನಾವಣೆ ಚುನಾವಣೆ ಹತ್ತಿರವಾಗುತ್ತಿದ್ದಂತೆ ಒಡಿಶಾದಲ್ಲಿ ಸುದೀರ್ಘ ಕಾಲ ಆಡಳಿತ ನಡೆಸುತ್ತಿರುವ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ. ರಾಜ್ಯದಲ್ಲಿ 22 ಜಾತಿಗಳಿಗೆ ಎಸ್.ಇ.ಬಿ.ಸಿ (ಸಾಮಾಜಿಕವಾಗಿ ಮತ್ತು ಆರ್ಥಿಕವಾಗಿ ಹಿಂದುಳಿದ ವರ್ಗಗಳು.. ಸಾಮಾಜಿಕವಾಗಿ ಮತ್ತು ಆರ್ಥಿಕವಾಗಿ ಹಿಂದುಳಿದ ಜಾತಿಗಳು) ಪಟ್ಟಿಯನ್ನು ಬದಲಾಯಿಸಲಾಗುವುದು ಎಂದು ಶನಿವಾರ ಪ್ರಕಟಿಸಲಾಗಿದೆ. ಒಂದೆಡೆ ಬಿಹಾರ ಸರ್ಕಾರ ಕೇಂದ್ರವನ್ನು ಧಿಕ್ಕರಿಸಿ ಜಾತಿ ಗಣತಿ ಆರಂಭಿಸಿರುವ ಹಿನ್ನಲೆಯಲ್ಲಿ ಸಿಎಂ ನವೀನ್ ಕೈಗೊಂಡಿರುವ ಈ ನಿರ್ಧಾರ ವಿರೋಧ ಪಕ್ಷಗಳ ಇಕ್ಕಟ್ಟಿಗೆ ಕಾರಣವಾಗುತ್ತಿದೆ.

ದೇಶದಲ್ಲಿ ಹೆಚ್ಚಿನ ಸಂಖ್ಯೆಯ ಒಬಿಸಿಗಳು ತಮ್ಮ ಬೇಡಿಕೆಗಳ ಬಗ್ಗೆ ಜಾಗೃತರಾಗಿದ್ದರೆ, ರಾಜಕೀಯ ಪಕ್ಷಗಳಿಗೆ ದೊಡ್ಡ ಸಮಸ್ಯೆಯಾಗಲಿದೆ. ಶಾಸನಸಭೆಗಳಲ್ಲಿ ಮೀಸಲಾತಿ ಜತೆಗೆ ಸರ್ಕಾರಿ ಶಿಕ್ಷಣ ಮತ್ತು ಉದ್ಯೋಗ ಕ್ಷೇತ್ರಗಳಲ್ಲಿ ಮೀಸಲಾತಿ ಕೋಟಾವನ್ನು ಹೆಚ್ಚಿಸಬೇಕು ಎಂಬ ಬೇಡಿಕೆ ಈಗಾಗಲೇ ಇವರಿಂದ ಕೇಳಿಬರುತ್ತಿದೆ. ಇದಲ್ಲದೇ ಜಾತಿ ಗಣತಿ ಮಾಡಬೇಕೆಂಬ ಬೇಡಿಕೆ ಬಹಳ ಹಿಂದಿನಿಂದಲೂ ಇದೆ. ಈ ಕ್ಷಣದಲ್ಲಿ ನವೀನ್ ತೆಗೆದುಕೊಂಡಿರುವ ನಿರ್ಧಾರದಿಂದ ಒಡಿಶಾದಲ್ಲಿಯೂ ಮೇಲಿನ ಎರಡು ವಿಷಯಗಳಲ್ಲಿ ಬೇಡಿಕೆ ಹೆಚ್ಚಾಗಬಹುದು ಎಂಬ ಶಂಕೆ ವ್ಯಕ್ತವಾಗಿದೆ.

ವಡ್ರಂಗಿ, ಬಿಂದಿನಿ, ಬಿಂದಾನಿ, ಬರಜಿ, ಬರೋಯಿ, ಸಂಖುವ ತಂತಿ, ಗೋಲ ತಂತಿ, ಲಾಜಿ ನಿಬಾರನ್, ಹಂಸಿ ತಂತಿ, ಕಪಾಡಿಯಾ, ಗಂಧಮಾಲಿ, ತನಪತಿ, ಪಂಡರ ಮಾಲಿ, ಪಣಿಯರ್ ಮಾಲಿ, ಪಂಡರಿಯಾ, ಓಡಿ-ಖಂಡಾಯತ್, ಬಯಲಿಶ, ಓಡ-ಪೈಕಾ ಪೈಕೊ, ಹಲ್ದಿಯಾ-ತೆಲಿ ಮತ್ತು ಕಲಂಡಿ ಜಾತಿಗಳನ್ನು SEBC ಪಟ್ಟಿಯಲ್ಲಿ ಸೇರಿಸಲಾಗಿದೆ. ರಾಜ್ಯದಲ್ಲಿ ಹಿಂದುಳಿದ ಸಮುದಾಯಗಳ ಸಂಖ್ಯೆ ಈಗಾಗಲೇ ಶೇ.54ರಷ್ಟಿದೆ. ಆದರೆ ಹೊಸ ಜಾತಿಗಳ ಸೇರ್ಪಡೆಯಿಂದ ಅವರ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ. ಇದು ನವೀನ್ ನೇತೃತ್ವದ ಬಿಜು ಜನತಾ ದಶ ಪಕ್ಷಕ್ಕೆ ಉಪಯೋಗವಾಗಲಿದೆ ಎಂಬ ವಾದಗಳು ಕೇಳಿ ಬರುತ್ತಿವೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!