ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಸಾಧಿಸುವ ಗುರಿ ಇದ್ದರೆ, ಯಾವುದೇ ಕಷ್ಟ ಎಂಬುದು ಇರುವುದಿಲ್ಲ. ಅಂತಹ ಸಾಧನೆಗೆ ಮಾದರಿಯಾಗಿದ್ದಾರೆ ಟಿವಿ ಮೆಕ್ಯಾನಿಕ್ ನ ಮಗಳು. ಭಾರತೀಯ ವಾಯು ಪಡೆಯ ಎನ್ಡಿಎ ಪರೀಕ್ಷೆಯಲ್ಲಿ 149ನೇ ಸ್ಥಾನಗಳಿಸುವ ಮೂಲಕ ಮುಸ್ಲಿಂ ಸಮುದಾಯದ ಯುವತಿಯೊಬ್ಬಳು ಫೈಟರ್ ಪೈಲಟ್ ಆಗಲು ಮುಂದಾಗಿದ್ದು, ಉತ್ತರ ಪ್ರದೇಶದ ಹಾಗೂ ಮುಸ್ಲಿಂ ಸಮುದಾಯದ ಫೈಟರ್ ಪೈಲಟ್ ಆಗಿ ಹೊರ ಹೊಮ್ಮಿದ್ದಾರೆ.
ಈ ಸಾಧನೆ ಕುರಿತು ಮಾತನಾಡಿರುವ ಸಾನಿಯಾ ಇರ್ಜಾ, ದೇಶದಲ್ಲಿ ಮಹಿಳಾ ಫೈಟರ್ ಪೈಲಟ್ಗಳ ಸಂಖ್ಯೆ ಕಡಿಮೆ ಇದೆ. ದೇಶದ ಮೊದಲ ಫೈಟರ್ ಪೈಲಟ್ ಆದ ಅವನಿ ಚತುರ್ವೇದಿ ನನಗೆ ಪ್ರೇರಣೆ. ಹೈ ಸ್ಕೂಲ್ ಪಾಸ್ ಆದ ಬಳಿಕ ನಾನು ಫೈಟರ್ ಪೈಲಟ್ ಆಗಬೇಕು ಎಂದು ನಿರ್ಧರಿಸಿದೆ. ನನ್ನ ಗುರಿಯನ್ನು ನಾನೀಗ ಸಾಧಿಸಿದ್ದೇನೆ. ಎನ್ಡಿಎಯಲ್ಲಿ ಸಿಬಿಎಸ್ಸಿ ಐಸಿಎಸ್ ಬೋರ್ಡ್ನಲ್ಲಿ ಓದಿದವರು ಮಾತ್ರ ಪಾಸ್ ಆಗುತ್ತಾರೆ ಎಂಬ ನಂಬಿಕೆ ಇದೆ. ಆದರೆ, ಉತ್ತರ ಪ್ರದೇಶ ಬೋರ್ಡ್ ಮೂಲಕವೇ ನಾನು ಪಾಸ್ ಆದೆ ಎಂದು ಹೇಳಿದ್ದಾರೆ.