ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಝೊಮ್ಯಾಟೋ ಸಿಇಒ ದೀಪೀಂದರ್ ಗೋಯಲ್ ಅವರು ಡೆಲಿವರಿ ಏಜೆಂಟ್ ಸಮವಸ್ತ್ರ ಧರಿಸಿ ಡೆಲಿವರಿ ನಡೆಸಿದ್ದಾರೆ.
ಈ ಕುರಿತು ಫೋಟೋ ಹಂಚಿಕೊಂಡಿರುವ ಅವರು, ಹೊಸ ವರ್ಷದ ಹಿಂದಿನ ದಿನ ‘ಝೊಮ್ಯಾಟೋ ಆ್ಯಪ್ನಲ್ಲಿ ಆರ್ಡರ್ಗಳು ತುಂಬಿ ತುಳುಕುತ್ತಿದ್ದ ಕಾರಣ ಡೆಲಿವರಿ ಏಜೆಂಟ್ ಸಮವಸ್ತ್ರ ಧರಿಸಿ ಡೆಲಿವರಿಗೆ ಹೊರಟಿದ್ದೇನೆ. ಕೆಲಗಂಟೆಗಳ ನಂತರ ವಾಪಸಾಗುತ್ತೇನೆ’ ಎಂದು ಹೇಳಿದ್ದಾರೆ.
2022 ಮುಗಿದು 2023ನ್ನು ಸ್ವಾಗತಿಸುವ ಸಲುವಾಗಿ ಎಲ್ಲರು ಫುಡ್ ಡೆಲಿವರಿ ಆ್ಯಪ್ಗಳ ಮೂಲಕ ಆರ್ಡರ್ ಮಾಡುತ್ತಿದ್ದರು. ಹೀಗಾಗಿ ಎಲ್ಲೆಡೆ ಬ್ಯುಸಿ ಇದ್ದ ಕಾರಣ ಕೆಲ ಗಂಟೆಗಳ ಕಾಲ ದೀಪೀಂದರ್ ಡೆಲಿವರಿ ಏಜೆಂಟ್ ಕಾರ್ಯ ನಿರ್ವಹಿಸಿದ್ದಾರೆ.
My first delivery brought me back to the zomato office. Lolwut! https://t.co/zdt32ozWqJ pic.twitter.com/g5Dr8SzVJP
— Deepinder Goyal (@deepigoyal) December 31, 2022
‘ಇದು ನನ್ನ ಮೊದಲ ಅನುಭವ. ಝೊಮ್ಯಾಟೋ ಪ್ರಧಾನ ಕಚೇರಿಯಿಂದ ಡೆಲಿವರಿಗೆ ಹೊರಟು ಒಟ್ಟು ನಾಲ್ಕು ಗ್ರಾಹಕರಿಗೆ ಆಹಾರ ತಲುಪಿಸಿದ್ದೇನೆ. ಹೊಸ ವರ್ಷದ ಮುನ್ನಾದಿನವು, ಒಟ್ಟು ಮೂರು ವರ್ಷಗಳ ಮಾರಾಟ ದಾಖಲೆಯನ್ನು ಮುರಿದಿದೆ’ ಎಂದು ಅವರು ಹೇಳಿದ್ದಾರೆ.
ಈ ಪೋಸ್ಟ್ಗೆ ವಿವಿಧ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ.