ಹೊಸದಿಗಂತ ಡಿಜಿಟಲ್ ಡೆಸ್ಕ್ :
ಭಾರತದ ವಿರುದ್ಧ ಶ್ರೀಲಂಕಾ ದ್ವಿತೀಯ ಏಕದಿನ ಪಂದ್ಯದಲ್ಲಿ 215 ರನ್ಗೆ ಆಲೌಟ್ ಆಗಿದೆ. ಈ ಮೂಲಕ ಭಾರತಕ್ಕೆ 216 ಟಾರ್ಗೆಟ್ ನೀಡಿದೆ.
ಕೋಲ್ಕೊತಾದ ಈಡನ್ ಗಾರ್ಡನ್ಸ್ನಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಶ್ರೀಲಂಕಾ 39.4 ಓವರ್ಗಳಲ್ಲಿ 215 ರನ್ ಗಳಿಸಿದೆ. ಭಾರತ ಪರ ಕುಲ್ದೀಪ್ ಯಾದವ್(3), ಉಮ್ರಾನ್ ಮಲಿಕ್(2) ಮತ್ತು ಮೊಹಮ್ಮದ್ ಸಿರಾಜ್(3) ಉತ್ತಮ ಬೌಲಿಂಗ್ ಪ್ರದರ್ಶನ ತೋರಿದರು.
ಲಂಕಾ ಪರ ಆರಂಭಿಕ ಆಟಗಾರ ಆವಿಷ್ಕ ಪೆರ್ನಾಂಡೋ(20), ನುವಾನಿಡು ಫೆರ್ನಾಂಡೋ(50) ಅರ್ಧಶತಕ ಬಾರಿಸಿ ಉತ್ತಮ ಆರಂಭ ನೀಡಿದರು.
ವಿಕೆಟ್ ಕೀಪರ್ ಕುಸಲ್ ಮೆಂಡಿಸ್(34) ಹಾಗೂ ಕಳೆದ ಪಂದ್ಯದಲ್ಲಿ ಅಜೇಯ ಶತಕ ಬಾರಿಸಿ ತಂಡಕ್ಕೆ ಆಸರೆಯಾಗಿದ್ದ ನಾಯಕ ದಸುನ್ ಶನಕ ಈ ಪಂದ್ಯದಲ್ಲಿ 2 ರನ್ಗೆ ವಿಕೆಟ್ ಒಪ್ಪಿಸಿದರು. ಇವರ ಬೆನ್ನಲ್ಲೇ ಉಳಿದ ಆಟಗಾರರು ಪೆವಿಲಿಯನ್ ಪರೇಡ್ ನಡೆಸಿದರು.
ಅಂತಿಮ ಹಂತದಲ್ಲಿ ಬಾಲಂಗೋಚಿಗಳಾದ ವನಿಂದು ಹಸರಂಗ(21), ಚಾಮಿಕ ಕರುಣರತ್ನೆ(14) ದುನಿತ್ ವೆಲ್ಲಲಗೆ(32) ಸಣ್ಣ ಪ್ರಮಾಣದ ಹೋರಾಟ ನಡೆಸಿದ ಪರಿಣಾಮ ತಂಡ 200ರ ಗಡಿ ದಾಟಿತು.
ಗಾಯಾಳು ಯಜುವೇಂದ್ರ ಚಹಲ್ ಬದಲಿಗೆ ಆಡುವ ಅವಕಾಶ ಪಡೆದ ಚೈನಾಮನ್ ಖ್ಯಾತಿಯ ಸ್ಪಿನ್ನರ್ ಕುಲ್ದೀಪ್ ಯದವ್ ಈ ಪಂದ್ಯದಲ್ಲಿ ಸಿಕ್ಕ ಅವಕಾಶವನ್ನು ಉಪಯುಕ್ತವಾಗಿ ಬಳಸಿಕೊಂಡರು. 10 ಓವರ್ ಬೌಲಿಂಗ್ ನಡೆಸಿ 51 ರನ್ಗೆ 3 ವಿಕೆಟ್ ಉರುಳಿಸಿದರು.