Friday, September 30, 2022

Latest Posts

ನಮಗೆ ಭಾರತದ ಹತ್ತಿ ಬೇಕು, ಆಮದು ಮಾಡಿಕೊಳ್ಳಿ: ಪಾಕ್‌ ಸರ್ಕಾರಕ್ಕೆ ವರ್ತಕರ ಒತ್ತಾಯ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಭಾರತದಲ್ಲಿ ಉತ್ಪಾದನೆಯಾಗುವ ಹತ್ತಿಯನ್ನು ಖರೀದಿಸುವಂತೆ ಪಾಕಿಸ್ತಾನದ ಜವಳಿ ವ್ಯಾಪಾರಿಗಳು ಸರ್ಕಾರದ ಮೇಲೆ ಒತ್ತಡ ಹೇರುತ್ತಿದ್ದಾರೆ. ಇತ್ತೀಚೆಗೆ ಪಾಕಿಸ್ತಾನ ಭಾರೀ ಪ್ರವಾಹಕ್ಕೆ ತುತ್ತಾಗಿರುವುದು ಗೊತ್ತೇ ಇದೆ. ಪ್ರವಾಹದಿಂದಾಗಿ ದೇಶದ ಹತ್ತಿ ದಾಸ್ತಾನುಗಳಲ್ಲಿ ಶೇಕಡಾ 25 ಕ್ಕೂ ಹೆಚ್ಚು ಹತ್ತಿ ಹಾಳಾಗಿದೆ. ತೀವ್ರ ಮಳೆಯಿಂದಾಗಿ ಹತ್ತಿ ಉತ್ಪಾದನೆಯೂ ಕಡಿಮೆಯಾಗಿದೆ. ಇದರಿಂದ ಹತ್ತಿಯನ್ನು ಅವಲಂಬಿಸಿರುವ ಜವಳಿ ವ್ಯಾಪಾರಿಗಳು ತೀವ್ರ ಕೊರತೆ ಎದುರಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ ತಮ್ಮ ವ್ಯಾಪಾರ-ವಹಿವಾಟು ಸರಿಯಾಗಿ ಸಾಗಬೇಕೆಂದರೆ ಭಾರತದಿಂದ ಹತ್ತಿ ಆಮದು ಮಾಡಿಕೊಳ್ಳುವುದೊಂದೇ ದಾರಿ ಎಂದು ಸಲಹೆ ನೀಡಿದ್ದಾರೆ.

ಸ್ವಲ್ಪ ಕಾಲದಿಂದ ಪಾಕಿಸ್ತಾನ ನಮ್ಮ ದೇಶದ ಉತ್ಪನ್ನಗಳನ್ನು ಆಮದು ಮಾಡಿಕೊಳ್ಳುರಲಿಲ್ಲ. ಆದರೆ, ಸದ್ಯದ ಪರಿಸ್ಥಿತಿಯಲ್ಲಿ ಹತ್ತಿ ಆಮದು ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಇದೆ ಎನ್ನುತ್ತಾರೆ ಅಲ್ಲಿನ ವ್ಯಾಪಾರಿಗಳು.ಭಾರತ-ಪಾಕ್ ಗಡಿಯಾದ ವಾಘಾದಿಂದ ರಸ್ತೆ ಮೂಲಕ ಹತ್ತಿ ಆಮದು ಮಾಡಿಕೊಳ್ಳಲು ಒಪ್ಪಿಗೆ ನೀಡುವಂತೆ ಪಾಕಿಸ್ತಾನದ ಹಣಕಾಸು ಸಚಿವ ಮಿಫ್ತಾ ಇಸ್ಮಾಯಿಲ್ ಅವರಲ್ಲಿ ಮನವಿ ಮಾಡಿದ್ದಾರೆ.

ಭಾರತದಿಂದ 2.5 ಮಿಲಿಯನ್ ಬೇಲ್ ಹತ್ತಿಯನ್ನು ಆಮದು ಮಾಡಿಕೊಳ್ಳಲು ಸೂಚಿಸಲಾಗಿದೆ. ಪ್ರವಾಹದಿಂದಾಗಿ ಸಾಕಷ್ಟು ನಷ್ಟ ಅನುಭವಿಸಿದ ಪಾಕಿಸ್ತಾನವು ನಮ್ಮ ದೇಶದೊಂದಿಗೆ ವ್ಯಾಪಾರ ಮತ್ತು ವ್ಯಾಪಾರ ಸಂಬಂಧಗಳನ್ನು ಪುನಃಸ್ಥಾಪಿಸಿ ಸುಧಾರಿಸಲು ಪ್ರಯತ್ನಿಸುತ್ತಿದೆ. ಅದರಲ್ಲೂ ಆ ದೇಶದಲ್ಲಿ ತೀವ್ರ ಆಹಾರದ ಕೊರತೆ ಇರುವುದರಿಂದ ಇದನ್ನು ಎದುರಿಸಲು ಭಾರತದಿಂದ ಆಹಾರ ಉತ್ಪನ್ನಗಳನ್ನು ಆಮದು ಮಾಡಿಕೊಳ್ಳುವುದೊಂದೇ ಅವರಿಗಿರುವ ದಾರಿ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!