ಹೊಸದಿಗಂತ , ಬೀದರ್:
ಹುಲಸೂರು ತಾಲೂಕಿನ ಅಂಬೇವಾಡಿ ಚೆಕ್ ಪೊಸ್ಟ್ ನಲ್ಲಿ ಸುಮಾರು ರೂ.59 ಲಕ್ಷ ಕ್ಕೂ ಅಧಿಕ ಮೌಲ್ಯದ ಕಚ್ಚಾ ಪಾನ್ ಮಸಾಲಾ, ತಂಬಾಕು, ಅಡಿಕೆ ಹಾಗೂ ಮೂರು ವಾಹನ ಜಪ್ತಿ ಮಾಡಲಾಗಿದೆ.
ಈ ಸಂಬಂಧ ಮೂವರನ್ನು ಬಂಧಿಸಲಾಗಿದೆ ಎಂದು ಹುಲಸೂರು ಪೋಲಿಸ್ ಠಾಣೆ ಪಿಎಸ್ಐ ನಾಗೇಂದ್ರ ರವರು ತಿಳಿಸಿದರು. ಸೋಮವಾರ ಸಾಯಂಕಾಲ ಹುಲಸೂರ್ ಕಡೆಯಿಂದ ಬರುತ್ತಿದ್ದ ಎರಡು ಕಂಟೇನರ್ ಹಾಗೂ ಒಂದು ಗೂಡ್ಸ್ ವಾಹನ ಒಂದರಲ್ಲಿ ಅನುಮಾನಾಸ್ಪದ ಕಂಡು ಬಂದ ಚೀಲಗಳನ್ನು ಪೊಲೀಸರು ಪರಿಶೀಲಿಸಿದಾಗ ಈ ಪ್ರಕರಣ ಬೆಳಕಿಗೆ ಬಂದಿದೆ.
ವಾಹನದಲ್ಲಿ ಒಟ್ಟು 4404 ಕೆಜಿ ಪಾನ್ ಮಸಾಲ ತಯಾರಿಸಲು ಬಳಸುವ ಕಚ್ಚಾ ಮಸಾಲಾ.ಅಡಿಕೆ ಚೂರುಗಳು. ತಂಬಾಕು ಹಾಗೂ ಕೆಮಿಕಲ್ ಪೌಡರ್ ಪತ್ತೆಯಾಗಿದೆ. ಈ ಸಂಬಂಧ ಹುಲಸೂರು ಪೋಲಿಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.