Monday, November 28, 2022

Latest Posts

ಮಹಿಳೆಯೊಂದಿಗಿರುವ ಫೋಟೋ ಟ್ರೋಲ್: ರೋಗಗ್ರಸ್ಥ ಮನಸ್ಸನ್ನು ನಿಮ್ಮಲ್ಲೇ ಇಟ್ಟುಕೊಳ್ಳಿ ಎಂದು ಶಶಿ ತರೂರ್ ಆಕ್ರೋಶ!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌

ಕಾಂಗ್ರೆಸ್ ಹಿರಿಯ ನಾಯಕ ಶಶಿ ತರೂರ್ ಕಾರ್ಯಕ್ರಮವೊಂದರಲ್ಲಿ ಮಹಿಳೆಯೊಂದಿಗೆ ಇರುವ ಫೋಟೋವನ್ನು ಟ್ರೋಲರ್ ಗಳು ಟ್ರೋಲ್ ಮಾಡಿದ್ದು, ಇದಕ್ಕೆ ಶಶಿ ತರೂರ್ ಆಕ್ರೋಶ ಹೊರ ಹಾಕಿದ್ದಾರೆ.

ಈ ಕುರಿತು ಟ್ವೀಟ್ ಮಾಡಿರುವ ಶಶಿತರೂರು ಅವರು, ‘ತಮ್ಮ ನಿಂದನೆಯಲ್ಲಿ ನಿಜವಾದ ಮನುಷ್ಯರು ಭಾಗಿಯಾಗಿದ್ದಾರೆಯೇ ಎಂಬುದನ್ನು ಅವರು ಅರ್ಥಮಾಡಿಕೊಳ್ಳಬೇಕು’ ಎಂದು ಕಿಡಿಕಾರಿದ್ದಾರೆ.

ಇನ್ನು ತರೂರ್ ಅವರೊಂದಿಗಿನ ಫೋಟೋ ತೆಗೆದ ಮಹಿಳೆ ಟ್ವೀಟ್ ಮೂಲಕ ಕಾಮೆಂಟ್ ಮಾಡಿದ್ದು, ಬಲಪಂಥೀಯ ಜನರು ತರೂರ್ ಸರ್ ಅವರೊಂದಿಗಿನ ನನ್ನ ಚಿತ್ರಗಳನ್ನು ಹೇಗೆ ತಪ್ಪು ಸಂದರ್ಭದಲ್ಲಿ ಬಳಸುತ್ತಿದ್ದಾರೆ ಮತ್ತು ರಾಜಕೀಯ ಲಾಭಕ್ಕಾಗಿ ತಪ್ಪು ಮಾಹಿತಿಯನ್ನು ಹರಡುತ್ತಿದ್ದಾರೆ ಎಂಬುದು ನನ್ನ ಹೃದಯವನ್ನು ಒಡೆಯುತ್ತದೆ. ಸಾಹಿತ್ಯೋತ್ಸವದಲ್ಲಿ ತರೂರ್ ಅವರನ್ನು ಭೇಟಿಯಾದೆ ಎಂದು ಪೋಸ್ಟ್ ನಲ್ಲಿ ಹೇಳಿಕೊಂಡಿದ್ದಾರೆ.

ಯಾವುದೇ ಇತರ ಜನರಂತೆ ನಾನು ಶ್ರೇಷ್ಠ ಲೇಖಕರೊಂದಿಗೆ ಕೆಲವು ಚಿತ್ರಗಳನ್ನು ಕ್ಲಿಕ್ ಮಾಡಿದ್ದೇನೆ. ಇದಕ್ಕೆ ಯಾವುದೇ ರಾಜಕೀಯ ಅಥವಾ ವೈಯಕ್ತಿಕ ಕಥೆಗಳಿಲ್ಲ. ನಾನು ಯಾವಾಗಲೂ ಅವರನ್ನು ನೋಡುತ್ತಿದ್ದೇನೆಎಂದು ಅವರು ಹೇಳಿಕೊಂಡಿದ್ದಾರೆ.

ತರೂರ್ ಅವರು ತಮ್ಮ ಪ್ರತಿಕ್ರಿಯೆಯಲ್ಲಿ ಅವರ ಟ್ವೀಟ್ ಅನ್ನು ಟ್ಯಾಗ್ ಮಾಡಿದ್ದು , ತಮ್ಮ ನಿಂದನೆಯಲ್ಲಿ ನಿಜವಾದ ಮನುಷ್ಯರು ಭಾಗಿಯಾಗಿದ್ದಾರೆಂದು ರಾಕ್ಷಸರು ಅರಿತುಕೊಳ್ಳಬೇಕು. ಈ ಚಿಕ್ಕ ಹುಡುಗಿ ನೂರಕ್ಕೂ ಹೆಚ್ಚು ಜನರ ಸ್ವಾಗತದಲ್ಲಿ ತೆಗೆದ ಮುಗ್ಧ ಚಿತ್ರಕ್ಕಾಗಿ ನೊಂದಿದ್ದಾರೆ, ಅದರಲ್ಲಿ ನಾನು ಐವತ್ತಕ್ಕೂ ಹೆಚ್ಚು ಫೋಟೋಗಳಿಗೆ ಪೋಸ್ ನೀಡಿರಬೇಕು! ನಿಮ್ಮ ರೋಗಗ್ರಸ್ಥ ಮನಸ್ಸನ್ನು ನಿಮ್ಮಲ್ಲೇ ಇಟ್ಟುಕೊಳ್ಳಿ, ರಾಕ್ಷಸರೆ! ಎಂದು ಟ್ವೀಟ್ ಮೂಲಕ ಆಕ್ರೋಶ ಹೊರ ಹಾಕಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!