ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ನಮ್ಮ ಮೆಟ್ರೋ ನೇರಳೆ ಮಾರ್ಗದ ಪ್ರಮುಖ ನಿಲ್ದಾಣಗಳಲ್ಲಿ ಒಂದಾದ ಕಬ್ಬನ್‌ ಪಾರ್ಟ್‌ ನಿಲ್ದಾಣದಲ್ಲಿ ಇಂದು ಮೆಟ್ರೋ ರೈಲು ನಿಂತಿಲ್ಲ. ಈ ದಿನದಂದು ತಾತ್ಕಾಲಿಕವಾಗಿ ಮೆಟ್ರೋ ಸ್ಟೇಷನ್‌ ಬಂದ್‌ ಮಾಡಲಾಗಿದೆ.
ಬಿಎಂಆರ್‌ಸಿಎಲ್‌ ಈ ಬಗ್ಗೆ ಮಾಹಿತಿ ನೀಡಿದ್ದು, ವಿದ್ಯುತ್‌ ವ್ಯತ್ಯಯದಿಂದಾಗಿ ಈ ಸಮಸ್ಯೆ ಎದುರಾಗಿದೆ. ಸದ್ಯಕ್ಕೆ ಸಮಸ್ಯೆ ತೀರುವವರೆಗೂ ಕಬ್ಬನ್‌ ಪಾರ್ಕ್‌ ನಿಲ್ದಾಣದಲ್ಲಿ ರೈಲುಗಳು ನಿಲ್ಲೋದಿಲ್ಲ ಎಂದು ಹೇಳಿದೆ.
ಜನರು ಇದಕ್ಕೆ ತಕ್ಕಂತೆ ವ್ಯವಸ್ಥೆ ಮಾಡಿಕೊಳ್ಳಬೇಕು. ವಿದ್ಯುತ್‌ ಪೂರೈಕೆ ಸರಿಯಾದ ನಂತರ ಕಬ್ಬನ್‌ ಪಾರ್ಟ್‌ ನಿಲ್ದಾಣದಲ್ಲಿ ಕಾರ್ಯಾಚರಣೆ ಪುನಃ ಆರಂಭವಾಗಲಿದೆ ಎಂದು ಹೇಳಿದ್ದಾರೆ.
