Saturday, February 4, 2023

Latest Posts

ಪುರಿಯ ದೇವಾಲಯಕ್ಕೆ ಹೆಗ್ಗಣಗಳ ಕಾಟ, ಪೂಜೆಯೇ ಕಷ್ಟವಾಗ್ತಿದೆ ಎನ್ನುತ್ತಿರುವ ಸೇವಾಕರ್ತರು

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌ :

ಪುರಿಯಲ್ಲಿರುವ ಪ್ರಸಿದ್ಧ ಜಗನ್ನಾಥ ದೇವಾಲಯದಲ್ಲಿ ಇಲಿಗಳ ದಂಡು ದಾಳಿ ನಡೆಸಿದೆ. ದೇವಾಲಯದಲ್ಲಿರುವ ಒಡಹುಟ್ಟಿದ ದೇವರುಗಳಾದ ಜಗನ್ನಾಥ, ಬಲಭದ್ರ ಮತ್ತು ಸುಭದ್ರ ದೇವಿಯ ವೇಷಭೂಷಣಗಳನ್ನು ಕಿತ್ತು ತಿನ್ನುತ್ತಿದೆ. ಈ ಕುರಿತು ಆತಂಕದಲ್ಲಿರುವ ದೇಗುಲದ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.

ಹೆಗ್ಗಣಗಳಿಂದ ಗರ್ಭಗುಡಿ ಮತ್ತು ದೇವತೆಗಳ ಮರದ ವಿಗ್ರಹಗಳಿಗೆ ಅಪಾಯವಿದೆ ಎಂದು ಸೇವಕರು ಹೇಳಿದರು. “ಹೆಗ್ಗಣಗಳು ಮತ್ತು ಅವುಗಳ ತ್ಯಾಜ್ಯಗಳ ನಡುವೆ ಆಚರಣೆಗಳನ್ನು ಮಾಡಲು ನಮಗೆ ಕಷ್ಟವಾಗುತ್ತಿದೆ. ಅವು ಪ್ರತಿದಿನ ದೇವತೆಗಳ ವೇಷಭೂಷಣ ಮತ್ತು ಮಾಲೆಗಳನ್ನು ನಾಶಪಡಿಸುತ್ತಿವೆ ಜೊತೆಗೆ ಇಲಿಗಳು ದೇವತೆಗಳ ಮುಖವನ್ನು ಹಾಳು ಮಾಡುತ್ತಿವೆ,” ಎಂದು ಸೇವಕ ಸತ್ಯನಾರಾಯಣ ಪುಷ್ಪಾಲಕ ಹೇಳಿದರು.

ಮತ್ತೊಬ್ಬ ಸೇವಾಕರ್ತ ಭಗಬನ್ ಪಾಂಡಾ, ನೆಲದ ಮೇಲಿನ ಕಲ್ಲುಗಳ ಅಂತರಗಳ ನಡುವೆ ಸಣ್ಣ ಬಿಲಗಳು ಕಂಡುಬಂದಿವೆ, ಇದು ಗರ್ಭಗುಡಿಯ ರಚನೆಗೆ ಅಪಾಯವನ್ನುಂಟುಮಾಡುತ್ತದೆ. 2020 ಮತ್ತು 2021 ರಲ್ಲಿ ಕೋವಿಡ್ ಸಾಂಕ್ರಾಮಿಕ ಸಮಯದಲ್ಲಿ ದೇವಾಲಯದಲ್ಲಿ ಇಲಿಗಳು ಮತ್ತು ಜಿರಳೆಗಳ ಸಂಖ್ಯೆಯು ಸ್ಫೋಟಗೊಂಡಿತು, ಈ ಸಮಯದಲ್ಲಿ ದೇವಾಲಯವನ್ನು ಹಲವಾರು ತಿಂಗಳುಗಳವರೆಗೆ ಭಕ್ತರಿಗೆ ಮುಚ್ಚಲಾಗಿತ್ತು ಎಂದಿದ್ದಾರೆ.

ದೇವಸ್ಥಾನದ ಆಡಳಿತ ಮಂಡಳಿ ಸಮಸ್ಯೆ ಅರಿತಿದೆ ಎಂದರು. “ನಾವು ಸಮಸ್ಯೆಯ ಬಗ್ಗೆ ಎಚ್ಚರದಿಂದಿದ್ದೇವೆ ಮತ್ತು ಇಲಿಗಳನ್ನು ತೊಡೆದುಹಾಕಲು ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳುತ್ತೇವೆ, ತಾತ್ಕಾಲಿಕ ಕ್ರಮವಾಗಿವ ನಾವು ಬಲೆಗಳನ್ನು ಹಾಕುತ್ತಿದ್ದೇವೆ. ನಾವು ಅವುಗಳನ್ನು ನಾಶಪಡಿಸಲು ಇಲಿ ವಿಷವನ್ನು ಬಳಸುತ್ತಿಲ್ಲ ಎಂದು ದೇವಸ್ಥಾನದ ಆಡಳಿತಾಧಿಕಾರಿ ಜಿತೇಂದ್ರ ಸಾಹೂ ಹೇಳಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!