ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕೇಂದ್ರ ಸರ್ಕಾರ ಎಲೆಕ್ಟ್ರಾನಿಕ್ ಉತ್ಪನ್ನಗಳ ಪ್ಯಾಕೇಜಿಂಗ್ ಗೆ ಹೊಸ ನಿಯಮಗಳನ್ನು ಹೊರಡಿಸಿದ್ದು, ಇದರಿಂದ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯವು ಎಲೆಕ್ಟ್ರಾನಿಕ್ ಸರಕುಗಳ ಪ್ಯಾಕೇಜಿಂಗ್‌ನಲ್ಲಿ ಕ್ಯೂಆರ್ ಕೋಡ್ ಅನ್ನು ಕಡ್ಡಾಯವಾಗಿದೆ.
ಜುಲೈ 15 ರಂದು ಅಥವಾ ನಂತರ ತಯಾರಿಸಿದ ಉತ್ಪನ್ನಗಳಿಗೆ ಇನ್ಮುಂದೆ ಒಂದು ವರ್ಷದವರೆಗೆ QR ಕೋಡ್ ಕಡ್ಡಾಯವಾಗಿರುತ್ತದೆ.
ಎಲೆಕ್ಟ್ರಾನಿಕ್ ಉತ್ಪನ್ನಗಳ ಪ್ಯಾಕೇಜಿಂಗ್‌ನಲ್ಲಿ ಕ್ಯೂಆರ್ ಕೋಡ್ ನಮೂದಿಸದಿದ್ದರೆ, ಪ್ಯಾಕೇಜಿಂಗ್‌ನಲ್ಲಿಯೇ ಎಲ್ಲಾ ಮಾಹಿತಿಯನ್ನು ನೀಡಬೇಕಾಗುತ್ತದೆ. ಈ ತಿದ್ದುಪಡಿಯು ಉದ್ಯಮ ಕ್ಯೂಆರ್ ಕೋಡ್ ಮೂಲಕ ಡಿಜಿಟಲ್ ರೂಪದಲ್ಲಿ ಹೆಚ್ಚಿನ ಮಾಹಿತಿಯನ್ನು ಘೋಷಿಸಲು ಅನುವು ಮಾಡಿಕೊಡುತ್ತದೆ.
ಪ್ರಸುತ್ತ ದೇಶವು ಡಿಜಿಟಲ್ ಯುಗದತ್ತ ಮುನ್ನುಗುತ್ತಿದ್ದು, ತಂತ್ರಜ್ಞಾನದ ಹೆಚ್ಚಿನ ಬಳಕೆಯನ್ನು ಸಕ್ರಿಯಗೊಳಿಸಲು ಇದನ್ನು ಮಾಡಲಾಗುತ್ತಿದೆ ಎಂದು ಸಚಿವಾಲಯ ತಿಳಿಸಿದೆ. ಕ್ಯೂಆರ್ ಕೋಡ್‌ಗಳ ಮೂಲಕ ಪ್ರದರ್ಶಿಸಬಹುದಾದ ಮಾಹಿತಿ ಎಂದರೆ ತಯಾರಕರ ಅಥವಾ ಪ್ಯಾಕರ್ ಅಥವಾ ಆಮದುದಾರರ ವಿಳಾಸ, ಸರಕುಗಳ ಹೆಸರು, ಸರಕುಗಳ ಗಾತ್ರ ಮತ್ತು ಆಯಾಮ ಮತ್ತು ಗ್ರಾಹಕ ಆರೈಕೆ ವಿವರಗಳಂತಹ ಮಾಹಿತಿಯನ್ನು ಒಳಗೊಂಡಿರುತ್ತದೆ.
