Monday, July 4, 2022

Latest Posts

ರಾಹುಲ್​- ಪಂತ್ ಉತ್ತಮ ಜೊತೆಯಾಟ: ಆಫ್ರಿಕಾಕ್ಕೆ 288 ರನ್​ ಟಾರ್ಗೆಟ್ ನೀಡಿದ ಭಾರತ

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ 50 ಓವರ್​ಗಳಲ್ಲಿ 6 ವಿಕೆಟ್​ನಷ್ಟಕ್ಕೆ 287ರನ್​​ಗಳಿಕೆ ಮಾಡಿದ್ದು, ಎದುರಾಳಿ ತಂಡದ ಗೆಲುವಿಗೆ 288ರನ್​ ಟಾರ್ಗೆಟ್ ನೀಡಿದೆ.
ಟಾಸ್​ ಗೆದ್ದು ಬ್ಯಾಟಿಂಗ್ ಮಾಡಿದ ಇಂಡಿಯಾ, ಉತ್ತಮ ಆರಂಭ ಪಡೆದುಕೊಂಡಿತು. 29ರನ್​ಗಳಿಕೆ ಮಾಡಿದ್ದ ವೇಳೆ ಧವನ್​​​ ಮಗಲಾ ಓವರ್​ನಲ್ಲಿ ವಿಕೆಟ್ ಒಪ್ಪಿಸಿದರು.
ಎರಡನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸಲು ಕಣಕ್ಕಿಳಿದ ವಿರಾಟ್​ ಕೊಹ್ಲಿ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.
ಬಳಿಕ ಕ್ಯಾಪ್ಟನ್​ ರಾಹುಲ್ ಜೊತೆ ಸೇರಿದ ವಿಕೆಟ್ ಕೀಪರ್​ ರಿಷಭ್ ಪಂತ್​ ತಂಡಕ್ಕೆ ಉತ್ತಮ ರನ್ ಕಾಣಿಕೆ ನೀಡುವ ಜೊತೆಗೆ ಅರ್ಧಶತಕ ಸಿಡಿಸಿ ಮಿಂಚಿದರು. 79 ಎಸೆತಗಳಲ್ಲಿ 55ರನ್​ಗಳಿಕೆ ಮಾಡಿದ್ದ ರಾಹುಲ್​ ಮಗಲಾ ಓವರ್​ನಲ್ಲಿ ವಿಕೆಟ್ ಒಪ್ಪಿಸಿ ನಿರ್ಗಮಿಸಿದರು. ಪಂತ್​​ 71 ಎಸೆತಗಳಲ್ಲಿ 2 ಆಕರ್ಷಕ ಸಿಕ್ಸರ್, 10 ಬೌಂಡರಿ ಸೇರಿದಂತೆ 85ರನ್​ಗಳಿಕೆ ಮಾಡಿ ಔಟಾದರು.
ತದನಂತರ ವೆಂಕಟೇಶ್ ಅಯ್ಯರ್​​ 22ರನ್​, ಶಾರ್ದೂಲ್ ಠಾಕೂರ್ ಅಜೇಯ 40ರನ್​ ಹಾಗೂ ಅಶ್ವಿನ್​ ಅಜೇಯ 25ರನ್​ಗಳಿಕೆ ಮಾಡಿ ತಂಡ 6 ವಿಕೆಟ್​ನಷ್ಟಕ್ಕೆ 287ರನ್​ಗಳಿಕೆ ಮಾಡಲು ಸಹಾಯ ಮಾಡಿದರು.
ದಕ್ಷಿಣ ಆಫ್ರಿಕಾ ಪರ ಶಮ್ಸಿ 2 ವಿಕೆಟ್ ಪಡೆದುಕೊಂಡರೆ, ಮಗಲಾ, ಮರ್ಕ್ರಾಮ್​, ಮಹಾರಾಜ್​ ಹಾಗೂ ಪೆಹ್ಲಿಕೈ ತಲಾ 1 ವಿಕೆಟ್​ ಪಡೆದುಕೊಂಡರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss