ಹೊಸದಿಗಂತ ಡಿಜಿಟಲ್ ಡೆಸ್ಕ್:
‘3 ಈಡಿಯಟ್ಸ್’, ‘ಸಂಜು’, ‘ಮುನ್ನಾಭಾಯ್ ಎಂಬಿಬಿಎಸ್’, ‘ಲಗೇರಹೋ ಮುನ್ನಾಭಾಯ್’, ‘ಪಿಕೆ’ ಅಂತಹ ಹಿಟ್ ಮೂವಿ ನೀಡಿದ ಬಾಲಿವುಡ್ ನಿರ್ದೇಶಕ ರಾಜ್ಕುಮಾರ್ ಹಿರಾನಿ (Rajkumar Hirani) ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ.
ಈಗ ಅವರು ಶಾರುಖ್ ಖಾನ್ ಜೊತೆ ‘ಡಂಕಿ’ (Dunki Movie) ಚಿತ್ರದ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ. ಈ ಸಿನಿಮಾ ಬಳಿಕ ಅವರು ಯಾವ ಪ್ರಾಜೆಕ್ಟ್ ಕೈಗೆತ್ತಿಕೊಳ್ಳಲಿದ್ದಾರೆ ಎಂಬ ಬಗ್ಗೆ ಸುದ್ದಿ ಕೇಳಿಬಂದಿದೆ. ಮಾಜಿ ಕ್ರಿಕೆಟರ್ ಲಾಲಾ ಅಮರನಾಥ್ (Lala Amarnath) ಜೀವನದ ಕುರಿತು ರಾಜ್ಕುಮಾರ್ ಹಿರಾನಿ ಸಿನಿಮಾ ಮಾಡಲಿದ್ದಾರೆ ಎನ್ನಲಾಗಿದೆ. ಈ ಬಯೋಪಿಕ್ ತುಂಬ ಡಿಫರೆಂಟ್ ಆಗಿ ಮೂಡಿಬರಲಿದೆ.
ಭಾರತಕ್ಕಾಗಿ 24 ಟೆಸ್ಟ್ ಪಂದ್ಯಗಳನ್ನು ಆಡಿದ ಕೀರ್ತಿ ಲಾಲಾ ಅಮರನಾಥ್ ಅವರಿಗೆ ಸಲ್ಲುತ್ತದೆ. ಮಾಮೂಲಿ ಕ್ರೀಡಾಧಾರಿತ ಸಿನಿಮಾ ರೀತಿಯಲ್ಲಿ ಅವರ ಬದುಕಿನ ಕಥೆಯನ್ನು ಕಟ್ಟಿಕೊಡುವ ಬದಲು ಬೇರೆಯದೇ ಫ್ಲೇವರ್ನಲ್ಲಿ ಈ ಸಿನಿಮಾವನ್ನು ನಿರ್ದೇಶಿಸಲು ರಾಜ್ಕುಮಾರ್ ಹಿರಾನಿ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ ಎಂದು ವರದಿ ಆಗಿದೆ.
ಲಾಲಾ ಅಮರನಾಥ್ ಬದುಕಿನ ವಿವರಗಳಿಂದ ರಾಜ್ಕುಮಾರ್ ಹಿರಾನಿ ಪ್ರೇರೇಪಿತರಾಗಿದ್ದಾರೆ. ಹಾಗಾಗಿ ‘ಡಂಕಿ’ ಸಿನಿಮಾ ಬಳಿಕ ಲಾಲಾ ಅಮರನಾಥ್ ಬಯೋಪಿಕ್ ಕೆಲಸಗಳು ಆರಂಭ ಆಗಲಿವೆ.
