ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಉಕ್ರೇನ್ ವಿರುದ್ಧ ರಷ್ಯ ಅಧ್ಯಕ್ಷ ಪುಟಿನ್ ಯುದ್ಧ ಘೋಷಣೆ ಮಾಡಿದ್ದು, ಈ ಯುದ್ಧದ ಸಂಪೂರ್ಣ ಹೊಣೆಯನ್ನು ರಷ್ಯವೇ ಹೊರಬೇಕು ಎಂದು ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಹೇಳಿದ್ದಾರೆ.
ಪುಟಿನ್ ಯುದ್ಧ ಘೋಷಣೆ ಪೂರ್ವನಿಯೋಜಿತ. ಈ ಯುದ್ಧದಿಂದ ದುರಂತ ಸಂಭವಿಸಲಿದೆ, ಸಾಕಷ್ಟು ಜೀವಹಾನಿಯಾಗಲಿದೆ. ಈ ದಾಳಿ ತರುವ ಸಾವು-ನೋವಿಗೆ ರಷ್ಯ ಮಾತ್ರ ಹೊಣೆಯಾಗಿರಲಿದೆ.
ಯುನೈಟೆಡ್ ಸ್ಟೇಟ್ಸ್, ಮಿತ್ರ ರಾಷ್ಟ್ರಗಳು ಹಾಗೂ ಪಾಲುದಾರರು ಒಗ್ಗಟ್ಟಾದ ನಿರ್ಧಾರವನ್ನು ಕೈಗೊಳ್ಳಲಿದ್ದೇವೆ. ಈ ಯುದ್ಧಕ್ಕೆ ರಷ್ಯಾವನ್ನು ಹೊಣೆಗಾರ ಎಂದು ಜಗತ್ತು ಹೇಳುತ್ತದೆ, ಉಕ್ರೇನ್‌ನ ಜನರಿಗಾಗಿ ನಾನು ಪ್ರಾರ್ಥಿಸುತ್ತೇನೆ ಎಂದು ಬಿಡೆನ್ ಹೇಳಿದ್ದಾರೆ.
