ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುಟಿನ್ ಶನಿವಾರ ಉಕ್ರೇನ್ ನಲ್ಲಿ ಏಕಪಕ್ಷೀಯ ಈಸ್ಟರ್ ಕದನ ವಿರಾಮ ಘೋಷಿಸಿದ್ದಾರೆ.
ಶನಿವಾರ(ಎಪ್ರಿಲ್ 19) ಸಂಜೆ 6 ಗಂಟೆಯಿಂದ (ರಶ್ಯ ಕಾಲಮಾನ) ರವಿವಾರ ಮಧ್ಯರಾತ್ರಿಯವರೆಗೆ ಉಕ್ರೇನ್ ನಲ್ಲಿ ಕದನ ವಿರಾಮ ಜಾರಿಯಲ್ಲಿರುತ್ತದೆ ಎಂದು ಪುಟಿನ್ ಘೋಷಿಸಿದ್ದು ಉಕ್ರೇನ್ ಕೂಡಾ ಈ ಸದಾಶಯದ ನಡೆಯನ್ನು ಅನುಸರಿಸಬೇಕು ಎಂದು ಆಗ್ರಹಿಸಿದ್ದಾರೆ.
ಆದಾಗ್ಯೂ, ಕೈವ್ ಕದನ ವಿರಾಮದ ಯಾವುದೇ ಉಲ್ಲಂಘನೆಯನ್ನು ಹಿಮ್ಮೆಟ್ಟಿಸಲು ರಷ್ಯಾದ ಪಡೆಗಳನ್ನು ಸನ್ನದ್ಧ ಸ್ಥಿತಿಯಲ್ಲಿಡುವಂತೆ ಅವರು ರಷ್ಯಾದ ಜನರಲ್ ಸ್ಟಾಫ್ ಮುಖ್ಯಸ್ಥ ವಾಲೆರಿ ಗೆರಾಸಿಮೊವ್ ಅವರಿಗೆ ಸೂಚನೆ ನೀಡಿದ್ದಾರೆ.
ಮಾನವೀಯ ಪರಿಗಣನೆಗಳ ಆಧಾರದ ಮೇಲೆ, ರಷ್ಯಾದ ಕಡೆಯವರು ಈಸ್ಟರ್ ಕದನ ವಿರಾಮವನ್ನು ಘೋಷಿಸುತ್ತಾರೆ. ಈ ಅವಧಿಗೆ ಎಲ್ಲಾ ಮಿಲಿಟರಿ ಚಟುವಟಿಕೆಗಳನ್ನು ನಿಲ್ಲಿಸಲು ನಾನು ಆದೇಶಿಸುತ್ತೇನೆ” ಎಂದು ಪುಟಿನ್ ಕ್ರೆಮ್ಲಿನ್ನಲ್ಲಿ ನಡೆದ ಸಭೆಯಲ್ಲಿ ಗೆರಾಸಿಮೊವ್ಗೆ ತಿಳಿಸಿದ್ದಾರೆ ಎಂದು ಸುದ್ದಿ ಸಂಸ್ಥೆ ರಾಯಿಟರ್ಸ್ ಉಲ್ಲೇಖಿಸಿದೆ.
