ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಹಿಮ ಚಂಡಮಾರುತವು ಉತ್ತರ ಅಮೆರಿಕವನ್ನು ಉಸಿರುಗಟ್ಟಿಸುತ್ತಿದೆ. ನಿರಂತರ ಹಿಮಪಾತದಿಂದಾಗಿ ಅಮೆರಿಕ ಮತ್ತು ಕೆನಡಾದ ಹಲವು ಭಾಗಗಳಲ್ಲಿ ಜನಜೀವನ ಸಂಪೂರ್ಣ ಅಸ್ತವ್ಯಸ್ತಗೊಂಡಿದೆ. ಜನರು ತಮ್ಮ ಮನೆಗಳಿಂದ ಹೊರಗೆ ಬಂದರೆ ಹೆಪ್ಪುಗಟ್ಟುವ ಪರಿಸ್ಥಿತಿ ಎದುರಾಗಿದೆ. ವಿಪರೀತ ಚಳಿಯಿಂದ ಸಾಯುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ.
ಉತ್ತರ ಅಮೆರಿಕಾದಲ್ಲಿ ಈಗಾಗಲೇ 66 ಜನರು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬಫಲೋ ನಗರದಲ್ಲೇ ಇದುವರೆಗೂ 34 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಸಾವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆ ಇದೆ. ಹಿಮದ ಬಿರುಗಾಳಿ ಹೆಚ್ಚಿನ ಮಟ್ಟದಲ್ಲಿರುವುದರಿಂದ ವಾಹನಗಳಲ್ಲಿದ್ದವರು ಹೆಪ್ಪುಗಟ್ಟಿ ಮೃತದೇಹಗಳಾಗಿ ಕಾಣಿಸಿಕೊಂಡಿದ್ದಾರೆ.
ರಾಷ್ಟ್ರೀಯ ಹವಾಮಾನ ಸೇವೆಯ ಪ್ರಕಾರ, ಫ್ಲೋರಿಡಾದ ಮಿಯಾಮಿ, ಟ್ಯಾಂಪಾ, ಒರ್ಲ್ಯಾಂಡೊ ಮತ್ತು ವೆಸ್ಟ್ ಪಾಮ್ ಬೀಚ್ನಲ್ಲಿ 1983ರಿಂದೀಚೆಗೆ ಡಿಸೆಂಬರ್ 25 ರಂದು ಕಡಿಮೆ ತಾಪಮಾನವನ್ನು ದಾಖಲಿಸಿದೆ. ಚಳಿಯಿಂದಾಗಿ ನ್ಯೂಯಾರ್ಕ್ನ ಬಫಲೋದಲ್ಲಿ 43 ಇಂಚುಗಳಷ್ಟು ಹಿಮದ ರಾಶಿ ಬಿದ್ದಿದೆ. ವಿದ್ಯುತ್ ಕೇಂದ್ರದಲ್ಲಿ ಹಿಮಪಾತದಿಂದಾಗಿ ವಿದ್ಯುತ್ ವ್ಯವಸ್ಥೆ ಕುಸಿದಿದೆ. ಇದರಿಂದ ಏಳು ಲಕ್ಷ ಮನೆಗಳಿಗೆ ವಿದ್ಯುತ್ ಪೂರೈಕೆ ಸ್ಥಗಿತಗೊಂಡಿದೆ.