ಜಿಮ್ನಲ್ಲಿ ಕಷ್ಟಪಟ್ಟು ವರ್ಕೌಟ್ ಮಾಡ್ತೀರಾ, ಡಯಟ್ ಫಾಲೋ ಮಾಡ್ತೀರಾ… ಆದರೆ ನಿದ್ರೆ ಸರಿಯಾಗಿಲ್ಲ ಅಂದ್ರೆ ನಿಮ್ಮ ಎಲ್ಲಾ ಪ್ರಯತ್ನ ಅರ್ಧಕ್ಕೇ ಸೀಮಿತವಾಗಬಹುದು. ಫಿಟ್ನೆಸ್ ಅಂದ್ರೆ ಕೇವಲ ವ್ಯಾಯಾಮ ಅಲ್ಲ, ಉತ್ತಮ ನಿದ್ರೆಯೂ ಅದರ ಮುಖ್ಯ ಭಾಗ.
ನಿದ್ರೆ – ರಿಕವರಿಯ ಮೂಲ
ವರ್ಕೌಟ್ ಮಾಡಿದಾಗ ಮಸಲ್ಗಳಿಗೆ ಸಣ್ಣ ಮಟ್ಟದ ಡ್ಯಾಮೇಜ್ ಆಗುತ್ತೆ. ಅದನ್ನು ರಿಪೇರ್ ಮಾಡಿ ಬಲವಾಗಿಸುವ ಕೆಲಸ ನಿದ್ರೆಯಲ್ಲೇ ನಡೆಯುತ್ತದೆ. ನಿದ್ರೆ ಕಡಿಮೆ ಇದ್ದರೆ ಮಸಲ್ ರಿಕವರಿ ಸ್ಲೋ ಆಗುತ್ತದೆ.
ಹಾರ್ಮೋನ್ ಬ್ಯಾಲೆನ್ಸ್ ಮೇಲೆ ಪರಿಣಾಮ
ಸರಿಯಾದ ನಿದ್ರೆ ಇಲ್ಲದೆ ದೇಹದಲ್ಲಿ ಹಾರ್ಮೋನ್ಗಳ ಸಮತೋಲನ ಕಳೆದುಹೋಗುತ್ತದೆ. ಇದರಿಂದ ಹಸಿವು ಹೆಚ್ಚಾಗಿ, ಜಂಕ್ ಫುಡ್ ತಿನ್ನೋ ಆಸೆ ಹೆಚ್ಚಾಗಬಹುದು. ತೂಕ ಇಳಿಸಿಕೊಳ್ಳೋದು ಕಷ್ಟವಾಗುತ್ತೆ.
ಇದನ್ನೂ ಓದಿ:
ಎನರ್ಜಿ ಮತ್ತು ಪರ್ಫಾರ್ಮೆನ್ಸ್ ಕಡಿಮೆ
ನಿದ್ರೆ ಸರಿಯಾಗಿಲ್ಲ ಅಂದ್ರೆ ಮುಂದಿನ ದಿನ ವರ್ಕೌಟ್ ಮಾಡುವ ಎನರ್ಜಿ ಕಡಿಮೆ ಆಗುತ್ತದೆ. ಸ್ಟ್ರೆಂಥ್, ಫೋಕಸ್ ಮತ್ತು ಸ್ಟಾಮಿನಾ ಕೂಡ ಇಳಿಯುತ್ತದೆ.
ಎಷ್ಟು ಗಂಟೆ ನಿದ್ರೆ ಬೇಕು?
ಪ್ರತಿದಿನ ಕನಿಷ್ಠ 7–8 ಗಂಟೆಗಳ ಗುಣಮಟ್ಟದ ನಿದ್ರೆ ಅಗತ್ಯ. ಇದು ದೇಹ ಮತ್ತು ಮನಸ್ಸು ಎರಡಕ್ಕೂ ರಿಫ್ರೆಶ್ ನೀಡುತ್ತದೆ.
ಫಿಟ್ನೆಸ್ನಲ್ಲಿ ವರ್ಕೌಟ್, ಡಯಟ್ ಎಷ್ಟು ಮುಖ್ಯವೋ, ಅದಕ್ಕಿಂತ ಕಡಿಮೆ ಅಲ್ಲ ನಿದ್ರೆ. ಸರಿಯಾದ ವಿಶ್ರಾಂತಿ ಇಲ್ಲದೆ ಉತ್ತಮ ಫಲಿತಾಂಶ ನಿರೀಕ್ಷಿಸುವುದು ಕಷ್ಟ.
