ಸಂಜೆಯ ವೇಳೆಗೆ ಒಂದು ಕಪ್ ಚಹಾ ಅಥವಾ ಕಾಫಿಯ ಜೊತೆಗೆ ಸಿಹಿಯಾದ, ಸಾಫ್ಟ್ ಸ್ವೀಟ್ ಇದ್ದರೆ ದಿನದ ದಣಿವು ತಾನೇ ಕರಗುತ್ತದೆ. ಅಂತಹ ಸಂದರ್ಭಕ್ಕೆ ಓವನ್ ಇಲ್ಲದೇ, ಸುಲಭವಾಗಿ ಮನೆಯಲ್ಲೇ ಮಾಡಬಹುದಾದ ಚೀಸ್ಕೇಕ್ ಅತ್ಯುತ್ತಮ ಆಯ್ಕೆ. ಹೆಚ್ಚು ಸಮಯ ತೆಗೆದುಕೊಳ್ಳದೇ, ಮಕ್ಕಳಿಗೂ ದೊಡ್ಡವರಿಗೂ ಇಷ್ಟವಾಗುವ ಈ ಚೀಸ್ಕೇಕ್ ನಿಮ್ಮ ಇವ್ನಿಂಗ್ ಟೀ ಟೈಮ್ಗೆ ಪರ್ಫೆಕ್ಟ್ ಆಗಿರುತ್ತದೆ.
ಬೇಕಾಗುವ ಸಾಮಗ್ರಿಗಳು:
ಬಿಸ್ಕತ್ ಪುಡಿ – 1 ಕಪ್
ಕರಗಿಸಿದ ಬೆಣ್ಣೆ – 3 ಟೇಬಲ್ ಸ್ಪೂನ್
ಕ್ರೀಮ್ ಚೀಸ್ – 1 ಕಪ್
ಫ್ರೆಶ್ ಕ್ರೀಮ್ – ½ ಕಪ್
ಪುಡಿ ಸಕ್ಕರೆ – ½ ಕಪ್
ವ್ಯಾನಿಲ್ಲಾ ಎಸೆನ್ಸ್ – ½ ಟೀ ಸ್ಪೂನ್
ನಿಂಬೆ ರಸ – 1 ಟೀ ಸ್ಪೂನ್
ಮಾಡುವ ವಿಧಾನ:
ಒಂದು ಬೌಲ್ನಲ್ಲಿ ಬಿಸ್ಕತ್ ಪುಡಿ ಮತ್ತು ಕರಗಿಸಿದ ಬೆಣ್ಣೆಯನ್ನು ಚೆನ್ನಾಗಿ ಮಿಕ್ಸ್ ಮಾಡಿ. ಇದನ್ನು ಟಿನ್ ಅಥವಾ ಗ್ಲಾಸ್ ಬೌಲ್ನಲ್ಲಿ ಒತ್ತಿ ಬೇಸ್ ಆಗಿ ಹಾಕಿ ಫ್ರಿಜ್ನಲ್ಲಿ 15 ನಿಮಿಷ ಇಡಿ.
ಮತ್ತೊಂದು ಬೌಲ್ನಲ್ಲಿ ಕ್ರೀಮ್ ಚೀಸ್ ಮತ್ತು ಫ್ರೆಶ್ ಕ್ರೀಮ್ ಅನ್ನು ಸ್ಮೂತ್ ಆಗಿ ಬೀಟ್ ಮಾಡಿ. ಇದಕ್ಕೆ ಪುಡಿ ಸಕ್ಕರೆ, ವ್ಯಾನಿಲ್ಲಾ ಎಸೆನ್ಸ್ ಮತ್ತು ನಿಂಬೆ ರಸ ಸೇರಿಸಿ ಮತ್ತೆ ಚೆನ್ನಾಗಿ ಕಲಸಿ. ಈ ಮಿಶ್ರಣವನ್ನು ಫ್ರಿಜ್ನಲ್ಲಿ ಇಟ್ಟಿರುವ ಬಿಸ್ಕತ್ ಬೇಸ್ ಮೇಲೆ ಸಮವಾಗಿ ಹರಡಿ.
ಮೇಲ್ಭಾಗ ಸ್ಮೂತ್ ಆಗಿ ಮಾಡಿದ ನಂತರ ಕನಿಷ್ಠ 4 ಗಂಟೆ ಫ್ರಿಜ್ನಲ್ಲಿ ಸೆಟ್ ಆಗಲು ಬಿಡಿ.
