ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಕೊರೋನಾ ಸಮಯದಲ್ಲಿ ಸಾವಿರಾರು ಜನರಿಗೆ ಸಹಾಯ ಮಾಡುವ ಮೂಲಕ ನಟ ಸೋನುಸೂದ್ ಎಲ್ಲರ ಮನಸಲ್ಲಿ ಸ್ಥಾನ ಸಂಪಾದಿಸಿದ್ದಾರೆ. ವಲಸೆ ಕಾರ್ಮಿಕರನ್ನು ಅವರ ಊರುಗಳಿಗೆ ಸ್ಥಳಾಂತರಿಸುವುದು, ವಿದೇಶದಲ್ಲಿ ಸಿಲುಕಿರುವ ಜನರನ್ನು ಕರೆತರುವುದು, ಆಹಾರ ಮತ್ತು ವಸತಿ ಒದಗಿಸುವುದು, ಆರ್ಥಿಕ ನೆರವು ನೀಡುವುದು ಹೀಗೆ ನೂರಾರು ಸಹಾಯ ಕಾರ್ಯಗಳನ್ನು ಕೈಗೊಂಡಿದ್ದಾರೆ.
ಕರೋನಾ ಲಾಕ್‌ಡೌನ್ ನಂತರವೂ ಅವರು ತಮ್ಮ ಸೇವಾ ಚಟುವಟಿಕೆಗಳನ್ನು ನಿಲ್ಲಿಸದೆ ಬಡವರು ಮತ್ತು ನಿರ್ಗತಿಕರಿಗೆ ವಿವಿಧ ರೀತಿಯಲ್ಲಿ ಸಹಾಯ ಮಾಡಲು ಪ್ರಾರಂಭಿಸಿದರು. ಶಿಕ್ಷಣ, ಉದ್ಯೋಗ, ಮುಂತಾದ ಕೆಲಸಗಳನ್ನು ಈಗಲೂ ಮಾಡುತ್ತಿದ್ದಾರೆ. ತಮ್ಮ ಕಷ್ಟಕ್ಕೆ ಮಾಡಿದ ಸಹಾಯಕ್ಕೆ ಎಲ್ಲರೂ ಋಣ ತೀರಿಸುತ್ತಿದ್ದಾರೆ. ಕೆಲವರು ತಮ್ಮ ಅಂಗಡಿಗಳಿಗೆ ಸೋನುಸೂದ್ ಹೆಸರಿಡುತ್ತಿದ್ದರೆ, ಇನ್ನು ಕೆಲವರು ಸೋನುಸೂದ್ ಹೆಸರಿನಲ್ಲಿ ದೇವಸ್ಥಾನ ಕಟ್ಟಿದ್ದಾರೆ. ಸೋನುಸೂದ್ ಅವರನ್ನು ಈಗಾಗಲೇ ಭಾರತದ ಹಲವು ಸ್ಥಳಗಳಲ್ಲಿ ಸನ್ಮಾನಿಸಲಾಗಿದೆ.
ಈ ಹಿಂದೆ ಸಿದ್ದಿಪೇಟೆಯ ತಾಂಡಾದಲ್ಲಿ ಸೋನುಸೂದ್ ದೇವಸ್ಥಾನವನ್ನೂ ನಿರ್ಮಿಸಲಾಗಿತ್ತು. ಇತ್ತೀಚೆಗಷ್ಟೇ ಸೋನುಸೂದ್ ಸಿದ್ದಿಪೇಟೆ ಭೇಟಿ ದೇವಸ್ಥಾನಕ್ಕೆ ಭೇಟಿ ನೀಡಿ ಜನರು ಹಾಗೂ ಮಾಧ್ಯಮದವರೊಂದಿಗೆ ಮಾತನಾಡಿದ್ದರು. ನಾನೊಬ್ಬ ಕಾಮನ್ ಮ್ಯಾನ್, ಏನು ಮಾಡಬಹುದೋ ಅದನ್ನು ಮಾಡುವವನು. ದೇವಸ್ಥಾನ ಕಟ್ಟುವುದು, ಪೂಜೆ ಮಾಡುವುದು ಮುಂತಾದ ಕೆಲಸಗಳನ್ನು ಮಾಡಬಾರದು. ನನ್ನ ಮೇಲಿನ ಪ್ರೀತಿಯಿಂದ ಮಾಡಿದ್ದು ಅಂತ ಗೊತ್ತು. ಆದರೆ ಇನ್ನು ಮುಂದೆ ಹಾಗೆ ಮಾಡಬೇಡಿ ಎಂದು ಅಭಿಮಾನಿಗಳಿಗೆ ಹೇಳಿದರು. ದೇವಸ್ಥಾನದ ಬದಲು ಶಾಲೆ, ಆಸ್ಪತ್ರೆ ಬೇಡ ಕಟ್ಟಿ ಎಂಬ ಮಾತನ್ನು ಹೇಳಿದರು.
