ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಹುಲಿ ಮುಖದ ವಿಮಾನದಲ್ಲಿ ಎಂಟು ಚಿರತೆಗಳು ನಮೀಬಿಯಾದಿಂದ ಭಾರತಕ್ಕೆ ಬರಲಿವೆ. ಈ ವಿಶೇಷ ವಿಮಾನದ ಫೋಟೋಗಳನ್ನು ನಮಿಬಿಯಾದಲ್ಲಿರುವ ಭಾರತದ ಹೈಕಮಿಷನರ್‌ ಕಚೇರಿಯು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದೆ. ಚಿರತೆಗಳನ್ನು ತರಲು ವಿಶೇಷ ವಿಮಾನ ಈಗಾಗಲೇ ನಮೀಬಿಯಾಕ್ಕೆ ತೆರಳಿದೆ. B747 ಜಂಬೋ ಜೆಟ್ ವಿಮಾನವನ್ನು ಭಾರತದ ರಾಷ್ಟ್ರೀಯ ಪ್ರಾಣಿ “ಹುಲಿʼಯಂತೆ ವಿನ್ಯಾಸ ಮಾಡಲಾಗಿದ್ದು ಫೋಟೋಗಳನ್ನು ಬಿಡುಗಡೆ ಮಾಡಿದೆ.
A special bird touches down in the Land of the Brave to carry goodwill ambassadors to the Land of the Tiger.#AmritMahotsav #IndiaNamibia pic.twitter.com/vmV0ffBncO
— India In Namibia (@IndiainNamibia) September 14, 2022
ಕೇಂದ್ರ ಪರಿಸರ ಮತ್ತು ಅರಣ್ಯ ಸಚಿವ ಭೂಪೇಂದರ್ ಯಾದವ್ ಟ್ವಿಟರ್‌ನಲ್ಲಿ ಈ ಕುರಿತು ಪ್ರತಿಕ್ರಿಯಿಸಿದ್ದು, ಸೌಹಾರ್ದ ರಾಯಭಾರಿಗಳನ್ನು ಸ್ವಾಗತಿಸಲು ನಾವು ಕಾತುರದಿಂದ ಕಾಯುತ್ತಿದ್ದೇವೆ. ಕೆಲವು ದಶಕಗಳ ನಂತರ ಆ ಹುಲಿ ದನಿಗಳು ದೇಶದಲ್ಲಿ ಮತ್ತೆ ಕೇಳಿ ಬರಲಿವೆ ಎಂದರು. ನಮೀಬಿಯಾದಿಂದ ತರಲಾಗುತ್ತಿರುವ 8 ಚಿರತೆಗಳನ್ನು ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನವನಕ್ಕೆ ಸ್ಥಳಾಂತರಿಸಲಾಗುವುದು. ಸೆಪ್ಟೆಂಬರ್ 17 ರಂದು ಮೋದಿಯವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಈ ಚಿರತೆಗಳನ್ನು ಉದ್ಯಾನವನದ ಆವರಣಕ್ಕೆ ಬಿಡಲಾಗುತ್ತದೆ.
ನಮೀಬಿಯಾದಿಂದ ಬರಲಿರುವ ಈ ಚಿರತೆಗಳು ಖಾಲಿ ಹೊಟ್ಟೆಯಲ್ಲಿ ಪ್ರಯಾಣ ಮಾಡಬೇಕು ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಖಾಲಿ ಹೊಟ್ಟೆಯಲ್ಲಿರುವುದು ಚಿರತೆಗಳ ಪ್ರಯಾಣಕ್ಕೆ ಸುರಕ್ಷಿತ, ಇಲ್ಲದಿದ್ದರೆ ಆರೋಗ್ಯ ಸಮಸ್ಯೆ ಎದುರಿಸಬೇಕಾಗುತ್ತದೆ ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದರು.
