ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ತೆಲುಗು ಜನರ ಆತ್ಮೀಯ ಹಾಗೂ ತೆಲುಗಿನ ಸ್ವಾಭಿಮಾನದ ಪ್ರತೀಕವಾಗಿರುವ ನಟ ಹಾಗೂ ಮಾಜಿ ಸಿಎಂ ದಿವಂಗತ ನಂದಮೂರಿ ತಾರಕ ರಾಮರಾವ್ ಅವರನ್ನು ಇಂದಿಗೂ ಜನ ಸ್ಮರಿಸುತ್ತಿದ್ದಾರೆ. ಅವರು ಇಲ್ಲದಿದ್ದರೂ ಅವರ ಸಿನಿಮಾ ಮತ್ತು ಸೇವೆಯನ್ನು ಜನ ಸದಾ ಸ್ಮರಿಸುತ್ತಾರೆ. ಇಂತಹ ಮಹಾನ್ ವ್ಯಕ್ತಿಯ ಪ್ರತಿಮೆ ಅಮೆರಿಕದಲ್ಲೂ ತಲೆ ಎತ್ತಲಿದೆ.
ಆದರೆ ಇದೇ ಮೊದಲ ಬಾರಿಗೆ ಅಮೆರಿಕದಲ್ಲಿ ಎನ್ಟಿಆರ್ ಪ್ರತಿಮೆ ಸ್ಥಾಪನೆಯಾಗುತ್ತಿದೆ. ಇತ್ತೀಚಿಗೆ ಅಮೆರಿಕದಲ್ಲಿ ತೆಲುಗು ರಾಜ್ಯಗಳ ಜನರ ಸಂಖ್ಯೆ ಹೆಚ್ಚಾಗುತ್ತಿದೆ. ಅಮೆರಿಕದ ನ್ಯೂಜೆರ್ಸಿಯಲ್ಲಿರುವ ಎಡಿಸನ್ ಸಿಟಿಯ ನಾಯಕರು ಅಲ್ಲಿನ ಒಂದು ಪ್ರದೇಶದಲ್ಲಿ ವಿಶ್ವದ ಶ್ರೇಷ್ಠ ನಾಯಕರ ಪ್ರತಿಮೆಗಳನ್ನು ಸ್ಥಾಪಿಸಲು ನಿರ್ಧರಿಸಿದ್ದಾರೆ. ಟಾಲಿವುಡ್ ನ ಜನಪ್ರಿಯ ನಿರ್ಮಾಪಕ ಟಿ.ಜಿ.ವಿಶ್ವಪ್ರಸಾದ್ ಅವರು ನಾರ್ತ್ ಅಮೆರಿಕನ್ ಸೀಮಾಂಧ್ರ ಅಸೋಸಿಯೇಷನ್ ವತಿಯಿಂದ ಎಡಿಸನ್ ಸಿಟಿ ಮೇಯರ್ ಸ್ಯಾಮ್ ಜೋಶಿ ಅವರಿಗೆ ಅಲ್ಲಿ ಎನ್ ಟಿಆರ್ ಪ್ರತಿಮೆ ಸ್ಥಾಪಿಸಲು ಪ್ರಸ್ತಾವನೆ ಸಲ್ಲಿಸಿದ್ದರು.
ಈ ಪ್ರಸ್ತಾಪವನ್ನು ಎಡಿಸನ್ ಸಿಟಿಯ ಮೇಯರ್ ಒಪ್ಪಿಕೊಂಡರು. 2023ರಲ್ಲಿ ಎನ್ಟಿಆರ್ ಶತಮಾನೋತ್ಸವದ ಅಂಗವಾಗಿ ಅಲ್ಲಿ ಎನ್ಟಿಆರ್ ಪ್ರತಿಮೆ ಸ್ಥಾಪಿಸುವುದಾಗಿ ಘೋಷಿಸಲಾಗಿತ್ತು. ಈ ಬಗ್ಗೆ ಅಮೆರಿಕದಲ್ಲಿರುವ ತೆಲುಗು ಜನರ ಜೊತೆಗೆ ಇಲ್ಲಿನ ತೆಲುಗು ಜನರು ಹಾಗೂ ಅವರ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸುತ್ತಿದ್ದಾರೆ.
