ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನೂತನ ಸಂಸತ್ ಭವನವನ್ನು ಪರಿಚಯಿಸುವ ಬಾಲಿವುಡ್ ಸೂಪರ್ ಸ್ಟಾರ್ಸ್ ಶಾರುಖ್ ಖಾನ್ ಮತ್ತು ಅಕ್ಷಯ್ ಕುಮಾರ್ ಹಂಚಿಕೊಂಡ ವಿಡಿಯೋವನ್ನು ಪ್ರಧಾನಿ ಮೋದಿ ಶನಿವಾರ ರಾತ್ರಿ ತಮ್ಮ ಟ್ವಿಟರ್ ಖಾತೆಯಲ್ಲಿ ರಿಟ್ವೀಟ್ ಮಾಡಿದ್ದಾರೆ. ಮೋದಿ ಅವರ ವಿಶೇಷ ಮನವಿಗೆ ಇಬ್ಬರು ಸ್ಟಾರ್ ನಟರು ವಿಡಿಯೋಗೆ ಧ್ವನಿ ನೀಡಿದ್ದಾರೆಂದು ತಿಳಿದುಬಂದಿದೆ.
ಪ್ರಧಾನಿ ಮೋದಿ ಅವರು ಮೇ 26ರಂದು ಹೊಸ ಸಂಸತ್ ಭವನದ ಸಣ್ಣ ವಿಡಿಯೋ ತುಣುಕನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದರು. ಆ ವಿಡಿಯೋದಲ್ಲಿ ಯಾವುದೇ ಹಿನ್ನೆಲೆ ಧ್ವನಿ ಇರಲಿಲ್ಲ. ನನ್ನಲ್ಲಿ ವಿಶೇಷ ವಿನಂತಿ ಇದೆ. ಈ ವೀಡಿಯೊವನ್ನು ನಿಮ್ಮ ಸ್ವಂತ ಧ್ವನಿಯೊಂದಿಗೆ ಹಂಚಿಕೊಳ್ಳಿ, ಅದು ನಿಮ್ಮ ಆಲೋಚನೆಗಳನ್ನು ತಿಳಿಸುತ್ತದೆ. ಅವುಗಳಲ್ಲಿ ಕೆಲವೊಂದನ್ನು ನಾನು ಮರು ಟ್ವೀಟ್ ಮಾಡುತ್ತೇನೆ ಎಂದು ಪ್ರಧಾನಿ ಹೇಳಿದ್ದರು.
ಶಾರುಖ್ ಖಾನ್ ಧ್ವನಿ ನೀಡಿರುವ ವೀಡಿಯೊದಲ್ಲಿ ಹೊಸ ಸಂಸತ್ ಭವನವನ್ನು “ನಮ್ಮ ಸಂವಿಧಾನವನ್ನು ಎತ್ತಿಹಿಡಿಯುವ ಜನರ ಹೊಸ ಮನೆ” ಎಂದು ಕರೆದಿದ್ದಾರೆ. ಹೊಸ ಸಂಸತ್ ಕಟ್ಟಡ, ನಮ್ಮ ಭರವಸೆಯ ಹೊಸ ಮನೆ. 140 ಕೋಟಿ ಭಾರತೀಯರು ಒಂದೇ ಕುಟುಂಬವಾಗುವಂತಹ ನಮ್ಮ ಸಂವಿಧಾನವನ್ನು ಎತ್ತಿಹಿಡಿಯುವ ಜನರ ನೆಲೆಯಾಗಿದೆ. ಈ ಹೊಸ ಮನೆಯು ತುಂಬಾ ದೊಡ್ಡದಾಗಿರಲಿ, ಅದು ಪ್ರತಿ ಹಳ್ಳಿ, ನಗರ ಮತ್ತು ದೇಶದ ಮೂಲೆ ಮೂಲೆಯಿಂದ ಎಲ್ಲರಿಗೂ ಸ್ಥಳವನ್ನು ಹೊಂದಿರಲಿ. ಹೊಸ ಮನೆಯ ತೋಳುಗಳು ಎಲ್ಲ ಜಾತಿ, ಧರ್ಮದ ಜನರನ್ನು ಅಪ್ಪಿಕೊಳ್ಳಲಿ ಎಂದು ಶಾರುಖ್ ವಿವರಿಸಿದ್ದಾರೆ.
ಶಾರುಖ್ ಟ್ವೀಟ್ ಅನ್ನು ರೀಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ ಸುಂದರವಾಗಿ ವ್ಯಕ್ತಪಡಿಸಲಾಗಿದೆ ಎಂದು ಬರೆದಿದ್ದಾರೆ. ಹೊಸ ಸಂಸತ್ ಕಟ್ಟಡವು ಪ್ರಜಾಪ್ರಭುತ್ವದ ಶಕ್ತಿ ಮತ್ತು ಪ್ರಗತಿಯ ಸಂಕೇತವಾಗಿದೆ. ಇದು ಸಂಪ್ರದಾಯವನ್ನು ಆಧುನಿಕತೆಯೊಂದಿಗೆ ಸಂಯೋಜಿಸುತ್ತದೆ ಎಂದು ಹೇಳಿದ್ದಾರೆ.
https://twitter.com/narendramodi/status/1662521291109453825?s=20
ಅಕ್ಷಯ್ ಕುಮಾರ್ ತಮ್ಮ ಧ್ವನಿ ನೀಡಿ ಟ್ವೀಟ್ ಮಾಡಿರುವ ವಿಡಿಯೋವನ್ನು ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಅಕ್ಷಯ್ ಅವರು ಹೊಸ ಸಂಸತ್ ಕಟ್ಟಡವನ್ನು ಭಾರತದ ಬೆಳವಣಿಗೆ ಪಥದ ಅಪ್ರತಿಮ ಸಂಕೇತ ಎಂದಿದ್ದಾರೆ.
https://twitter.com/narendramodi/status/1662521762125606912?s=20
ಹೊಸ ಸಂಸತ್ ಭವನವನ್ನು ಭಾನುವಾರ ಭವ್ಯ ಸಮಾರಂಭದಲ್ಲಿ ಉದ್ಘಾಟಿಸುವ ಕೆಲವೇ ಗಂಟೆಗಳ ಮೊದಲು ಪ್ರಧಾನಿ ಮೋದಿಯವರ ಈ ರೀಟ್ವೀಟ್ಗಳು ಬಂದಿವೆ.