ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕ್ರಿಕೆಟಿಗ ಪೃಥ್ವಿ ಶಾ ಹಾಗೂ ಸ್ನೇಹಿತನ ಕಾರಿನ ಮೇಲೆದಾಳಿ ನಡೆಸಿ, ಅವರನ್ನು ತಳ್ಳಾಡಿದ ಘಟನೆಗೆ ಇದೀಗ ಮತ್ತೊಂದು ತಿರುವು ಸಿಕ್ಕಿದ್ದು, ಶಾ ವಿರುದ್ದ ಸ್ವಪ್ನ ಗಿಲ್ ದೂರು ದಾಖಲಿಸಿದ್ದಾರೆ.
ಮುಂಬೈ ನ ಖಾಸಗಿ ಹೋಟೆಲ್‌ನಲ್ಲಿ ಸ್ವಪ್ನ ಗಿಲ್ ಮತ್ತು ಸ್ನೇಹಿತರು ಹಾಗೂ ಪೃಥ್ವಿ ಶಾ ನಡುವೆ ಸೆಲ್ಫಿ ವಿಚಾರವಾಗಿ ನಡೆದಿದ್ದ ಗಲಾಟೆಯ ಸಂಬಂಧ 8 ಜನರನ್ನು ಓಷಿವಾರ ಪೊಲೀಸರು ಬಂಧಿಸಿದ್ದರು. ಇದೀಗ ಈ ಎಲ್ಲರಿಗೂ ಸದ್ಯ ನ್ಯಾಯಾಲಯ ಜಾಮೀನು ನೀಡಿದೆ. ಬೇಲ್‌ ಮೇಲೆ ಹೊರಬಂದಿರುವ ಸ್ವಪ್ನ ಗಿಲ್, ಪೃಥ್ವಿ ಶಾ ವಿರುದ್ದವೇ ದೂರು ದಾಖಲಿಸಿದ್ದಾರೆ.
ಪೃಥ್ವಿ ಶಾ ಕಾರಿನ ಗಾಜು ಒಡೆಯಲು ಆತನೇ ಕಾರಣ. ಆತನ ಪ್ರಚೋದನೆಯಿಂದಲೇ ಈ ಘಟನೆ ಸಂಭವಿಸಿದೆ. ನನ್ನ ಗೆಳತಿ, ಪೃಥ್ವಿ ಶಾ ಬಳಿ ಸೆಲ್ಪಿ ಕೇಳಿದ್ದಳು. ಆದರೆ ಇದಕ್ಕೆ ನಿರಾಕರಣೆ ಮಾಡಿದ್ದಲ್ಲದೇ ಆಕೆಯ ಫೋನನ್ನು ಎಸೆದರು. ಈ ಘಟನೆಯ ಸಂದರ್ಭದಲ್ಲಿ ಪೃಥ್ವಿ ಶಾ ಹಾಗೂ ಆತನ ಗೆಳೆಯ ಪಾನಮತ್ತರಾಗಿದ್ದರು ಎಂದಿದ್ದಾರೆ.
