ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದೇಶದ ಮೊದಲ ಸುರಂಗ ಮಾರ್ಗದ ಮೆಟ್ರೊ ರೈಲು ಸಾರ್ವಜನಿಕರ ಓಡಾಟಕ್ಕೆ ಮುಕ್ತವಾಗಿದೆ. ಸಾವಿರಾರು ಪ್ರಯಾಣಿಕರು ಮೊದಲ ಬಾರಿ ಸಂಚಾರ ಮಾಡಿ ಖುಷಿಪಟ್ಟರು.
ಕೋಲ್ಕತ್ತ ಮೆಟ್ರೊದ ಎಸ್‌ಪ್ಲನೇಡ್-ಹೌರಾ ಮೈದಾನ ಸೆಕ್ಷನ್‌ನಲ್ಲಿ ನಿರ್ಮಿಸಲಾಗಿರುವ ಈ ಸುರಂಗ ಮಾರ್ಗದಲ್ಲಿ ಇಂದು ಪ್ರಯಾಣಿಕರು ಮೊದಲ ಬಾರಿ ಸಂಚಾರ ಮಾಡಿದರು.ಈವೇಳೆ ಜನರು ವಂದೇ ಭಾರತ್‌, ಭಾರತ್‌ ಮಾತಾಕಿ ಜೈ ಎನ್ನುವ ಘೋಷಣೆಗಳನ್ನು ಕೂಗಿ ಸಂಭ್ರಮಿಸಿದರು.
520 ಮೀಟರ್‌ ಉದ್ದದ ಈ ಸುರಂಗ ಮಾರ್ಗದುದ್ದಕ್ಕೂ ನೀಲಿ ಬಣ್ಣದ ಎಲ್‌ಇಡಿ ಲೈಟ್‌ಗಳನ್ನು ಹಾಕಲಾಗಿತ್ತು.
#WATCH | Howrah, West Bengal: India's first underwater metro service commences for the public. pic.twitter.com/NgnQsrMXmk
— ANI (@ANI) March 15, 2024
‘ಭಾರತವನ್ನು ಹೆಮ್ಮೆಪಡುವಂತೆ ಮಾಡಿದ್ದಕ್ಕೆ ಮೋದಿಯವರಿಗೆ ಧನ್ಯವಾದ’ ಎಂದು ಪ್ರಯಾಣಿಕರು ಸಂತಸ ಹಂಚಿಕೊಂಡರು. ‘ನೀರಿನೊಳಗೆ ಸಂಚರಿಸುವ ಮೆಟ್ರೊದಲ್ಲಿ ಪ್ರಯಾಣಿಸಲು ಉತ್ಸುಕನಾಗಿದ್ದೇನೆ’ ಎಂದು ಇನ್ನೊಬ್ಬ ಪ್ರಯಾಣಿಕರು ಖುಷಿ ವ್ಯಕ್ತಪಡಿಸಿದರು.
ವಾರದ ದಿನಗಳಲ್ಲಿ ಪ್ರತಿ 12 ರಿಂದ 15 ನಿಮಿಷಕ್ಕೆ ಒಂದರಂತೆ ಈ ಮೆಟ್ರೊ ರೈಲು ಸಂಚರಿಸಲಿದೆ. ರಾತ್ರಿ 9.45ಕ್ಕೆ ದಿನದ ಕೊನೆಯ ರೈಲು ಸಂಚರಿಸಲಿದೆ.
ಮಾರ್ಚ್‌ 6 ರಂದು ಪ್ರಧಾನಿ ನರೇಂದ್ರ ಮೋದಿಯವರು ನೀರಿನೊಳಗಿನ ಸುರಂಗ ಮಾರ್ಗದ ಮೆಟ್ರೊವನ್ನು ಉದ್ಘಾಟಿಸಿದ್ದರು, ಬಳಿಕ ಶಾಲಾ ಮಕ್ಕಳೊಂದಿಗೆ ರೈಲಿನಲ್ಲಿ ಪ್ರಯಾಣ ನಡೆಸಿದ್ದರು.
