ನಿಯಂತ್ರಣ ಕಳೆದುಕೊಂಡ ಹೆಲಿಕಾಪ್ಟರ್, ಅದೃಷ್ಟವಶಾತ್ ಭಾರೀ ದುರಂತದಿಂದ ಅಮಿತ್ ಶಾ ಪಾರು

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಲೋಕಸಭೆ ಚುನಾವಣೆ ವೇಳೆ ಅಮಿತ್ ಶಾ ಅವರ ವಿಡಿಯೋ ಹೇಳಿಕೆಯ ವಿವಾದ ಭಾರೀ ಸಂಚಲನ ಸೃಷ್ಟಿಸಿದ ಬೆನ್ನಲ್ಲೇ ಅಮಿತ್ ಶಾ ಪ್ರಯಾಣಿಸುತ್ತಿದ್ದ ಹೆಲಿಕಾಪ್ಟರ್ ಹಠಾತ್ತನೆ ನಿಯಂತ್ರಣ ಕಳೆದುಕೊಂಡಿದ್ದು, ಭಾರೀ ಭೀತಿ ಮೂಡಿಸಿದೆ.

ಅಮಿತ್ ಶಾ ಹೆಲಿಕಾಪ್ಟರ್ ಟೇಕಾಫ್ ವೇಳೆ ನಿಯಂತ್ರಣ ಕಳೆದುಕೊಂಡಿದ್ದು. ಕೆಲಕಾಲ ಹೆಲಿಕಾಪ್ಟರ್ ಗಾಳಿಯಲ್ಲಿ ಸುತ್ತು ಹಾಕಿ ಭಯ ಹುಟ್ಟಿಸಿತು. ಅಮಿತ್ ಶಾ ಸ್ವಲ್ಪದರಲ್ಲೇ ಅಪಾಯದಿಂದ ಪಾರಾಗಿದ್ದಾರೆ.

ಲೋಕಸಭೆ ಚುನಾವಣೆ ಪ್ರಚಾರಕ್ಕಾಗಿ ಅಮಿತ್ ಶಾ ಬಿಹಾರದ ಬಿಗುಸೈರೆಗೆ ಆಗಮಿಸಿದ್ದಾರೆ. ಬಿಗುಸರೈನಲ್ಲಿ ನಡೆದ ಬೃಹತ್ ಸಮಾವೇಶದಲ್ಲಿ ಭಾಗವಹಿಸಿದ್ದ ಅಮಿತ್ ಶಾ ಅಭ್ಯರ್ಥಿಗಳನ್ನು ಗೆಲ್ಲಿಸುವಂತೆ ಹುರಿದುಂಬಿಸಿದರು. ಸಮಾವೇಶದ ನಂತರ ಅವರು ಬಿಗುಸರೈನಿಂದ ಹೆಲಿಕಾಪ್ಟರ್‌ ನಲ್ಲಿ ತೆರಳಿದ್ದಾರೆ. ಹೆಲಿಕಾಪ್ಟರ್ ಟೇಕಾಫ್ ಆಗಿದ್ದು, ಈ ವೇಳೆ ಇಂತಹ ಘಟನೆ ಸಂಭವಿಸಿದೆ.

ಮಾಹಿತಿ ಪ್ರಕಾರ ಪೈಲೆಟ್ ಮತ್ತೆ ಹೆಲಿಕಾಪ್ಟರ್ ನಿಯಂತ್ರಣಕ್ಕೆ ತೆಗೆದುಕೊಂಡಿದ್ದು. ಬಳಿಕ ಅಮಿತ್ ಶಾ ಹೆಲಿಕಾಪ್ಟರ್ ನಲ್ಲಿ ಪ್ರಯಾಣ ಮುಂದುವರಿಸಿದ್ದಾರೆ.

Begusarai, Bihar: Home Minister Amit Shah’s Narrow Escape as Chopper Briefly Loses Control pic.twitter.com/jjM470qi4H

— IANS (@ians_india) April 29, 2024