ಹೊಸದಿಗಂತ ಡಿಜಿಟಲ್ ಡೆಸ್ಕ್:
ವಿಶ್ವದ ಸರ್ವಶ್ರೇಷ್ಠ 100 ರೆಸ್ಟೋರೆಂಟ್ಗಳ ಪಟ್ಟಿಯಲ್ಲಿ ಭಾರತದ 7 ಉಪಹಾರಗೃಹಗಳು ಸ್ಥಾನ ಪಡೆದುಕೊಂಡಿದೆ. ಯಾವುದು ನೋಡಿ..
ಇತ್ತೀಚೆಗೆ ಟೇಸ್ಟ್ ಅಟ್ಲಾಸ್ ಎಂಬ ಆಹಾರ ಮಾರ್ಗದರ್ಶನ ನೀಡುವ ಸಂಸ್ಥೆ ವಿಶ್ವದ ಅತ್ಯಂತ ಶ್ರೇಷ್ಠವಾದ ಒಟ್ಟು ನೂರು ಉಪಹಾರಗೃಹಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ ಇದರಲ್ಲಿ ಭಾರತದ ಒಟ್ಟು 7 ರೆಸ್ಟೋರೆಂಟ್ಗಳು ಸ್ಥಾನ ಪಡೆದಿವೆ. ಈ ಒಂದು ಸ್ಪರ್ಧೆಯಲ್ಲಿ ಒಟ್ಟು 23, 952 ಸಾಂಪ್ರದಾಯಿಕ ಆಹಾರವನ್ನು ಗಣನೆಗೆ ತೆಗೆದುಕೊಂಡು ಅವುಗಳ ಮೇಲೆ ರೆಸ್ಟೋರೆಂಟ್ಗಳಿಗೆ ಸ್ಥಾನವನ್ನು ನೀಡಲಾಗಿದೆ. ಮೊದಲ ಸ್ಥಾನದಲ್ಲಿ ವಿಯೆನ್ನಾದ ಫಿಲ್ಗಮುಲ್ಲೆರ್ ರೆಸ್ಟೋರೆಂಟ್ ಇದೆ.
ಇನ್ನು ಭಾರತದ ಒಟ್ಟು 7 ರೆಸ್ಟೋರೆಂಟ್ಗಳು 5,7,13,59, 69,77 ಮತ್ತು 78ನೇ ಸ್ಥಾನವನ್ನು ಪಡೆದಿವೆ. ಇವುಗಳಲ್ಲಿ ದೊಡ್ಡ ಅಂಕ ಪಡೆದ ರೆಸ್ಟೋರೆಂಟ್ ಅಂದ್ರೆ ತನ್ನ ಕಟ್ ಬಿರಿಯಾನಿಗೆ ಫೇಮಸ್ ಆಗಿರುವ ಕೇರಳದ ಕೊಝಿಕೋಡ್ನ ಪಾರಾಗಾನ್ ರೆಸ್ಟೋರೆಂಟ್.
ಇನ್ನೂ ಟೇಸ್ಟ್ ಅಟ್ಲಾಸ್ ಬಿಡುಗಡೆ ಮಾಡಿರುವ ಲಿಸ್ಟ್ನಲ್ಲಿ ಕೊಲ್ಕತ್ತಾದ ಪೀಟರ್ ಕ್ಯಾಟ್ 7ನೇ ಸ್ಥಾನ ಪಡೆದುಕೊಂಡಿದೆ. ಇಲ್ಲಿಯ ಚೆಲೊವ್ ಕಬಾಬ್ನ ರುಚಿ ಈ ರೆಸ್ಟೋರೆಂಟ್ನ್ನು ವಿಶ್ವದ ಸರ್ವಶ್ರೇಷ್ಠ ರೆಸ್ಟೊರೆಂಟ್ಗಳಲ್ಲಿ 7 ನೇ ಸ್ಥಾನವನ್ನು ನೀಡುವಂತೆ ಮಾಡಿದೆ.
ಹರಿಯಾಣದ ಮುರ್ತಾಲದಲ್ಲಿರುವ ಅಮ್ರಿಕ್ ಸುಖದೇವ್ ರೆಸ್ಟೋರೆಂಟ್ ಈ ಪಟ್ಟಿಯಲ್ಲಿ 13ನೇ ಸ್ಥಾನವನ್ನು ಪಡೆದುಕೊಂಡಿದೆ. ಇಲ್ಲಿಯ ಆಲೂ ಪರೋಟಾ ಜಾಗತಿಕವಾಗಿ ತನ್ನದೇ ಒಂದು ಜನಪ್ರಿಯತೆಯನ್ನು ಕಾಯ್ದುಕೊಂಡಿದೆ.
ಇನ್ನು ಪಟ್ಟಿಯಲ್ಲಿ ದೆಹಲಿಯ ಕರೀಮ್ಸ್ 59ನೇ ಸ್ಥಾನ ಪಡೆದುಕೊಂಡಿದೆ 1913ರಲ್ಲಿ ಶುರುವಾದ ಈ ರೆಸ್ಟೋರೆಂಟ್ ಮುಘಲಾಯಿ ಶೈಲಿಯ ಆಹಾರವನ್ನು ಸಿದ್ಧಗೊಳಿಸುತ್ತದೆ. ಇದರ ಕುರ್ಮಾ ಹೆಚ್ಚು ಪ್ರಸಿದ್ಧಿಯನ್ನು ಪಡೆದಿದೆ.
ಇನ್ನು ನಮ್ಮ ಬೆಂಗಳೂರಿನ ರೆಸ್ಟೋರೆಂಟ್ ಒಂದು ಕೂಡ ಈ ಪಟ್ಟಿಯಲ್ಲಿ ಜಾಗ ಪಡೆದಿದೆ. ಮಸಾಲಾ ದೋಸೆಗೆ ಫೇಮಸ್ ಆಗಿರುವ ಸೆಂಟ್ರಲ್ ಟಿಫಿನ್ ರೂಮ್ ಟೇಸ್ಟ್ ಅಟ್ಲಾಸ್ ಬಿಡುಗಡೆ ಮಾಡಿರುವ ಬೆಸ್ಟ್ ರೆಸ್ಟೋರೆಂಟ್ ಲಿಸ್ಟ್ನಲ್ಲಿ 69ನೇ ಸ್ಥಾನವನ್ನು ಪಡೆದುಕೊಂಡಿದೆ.
ಇನ್ನು ಲಿಸ್ಟ್ನಲ್ಲಿ ಸ್ಥಾನ ಪಡೆದಿರುವ ಭಾರತದ 6 ಮತ್ತು 7ನೇ ರೆಸ್ಟೋರೆಂಟ್ಗಳೆಂದರೆ ಹೊಸ ದೆಹಲಿಯ ಗುಲಾಟಿ ತನ್ನ ಬಟರ್ ಚಿಕನ್ಗೆ ಫೇಮಸ್ ಇದು 77ನೇ ಸ್ಥಾನ ಪಡೆದಿದೆ.
ಮುಂಬೈನ ಪ್ರಸಿದ್ಧ ದಕ್ಷಿಣ ಭಾರತದ ಆಹಾರ ತಯಾರಿಸುವ ರಾಮ ಆಶ್ರಯ 78 ಸ್ಥಾನವನ್ನು ಪಡೆದಿದೆ. ಈ ರೆಸ್ಟೋರೆಂಟ್ನಲ್ಲಿ ಸಿದ್ಧಗೊಳ್ಳುವ ಉಪ್ಪಿಟ್ಟು (ಉಪ್ಮಾ) ಟೇಸ್ಟ್ ಅಟ್ಲಾಸ್ನ ಗಮನ ಸೆಳೆದಿದೆ.
