ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದಕ್ಷಿಣ ಭಾರತದ ಪವಿತ್ರ ಕ್ಷೇತ್ರಗಳಲ್ಲಿ ಒಂದಾಗಿರುವ ಕೇರಳದ ಗುರುವಾಯೂರಿನಲ್ಲಿ ಈ ಬಾರಿ ದಾಖಲೆಯ ಸಂಖ್ಯೆಯ ವಿವಾಹ ನಡೆಯುತ್ತಿದ್ದು, ಬರೋಬ್ಬರಿ ೩೫೪ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ.
ದೇವಸ್ವಂ ಮಾಹಿತಿ ಪ್ರಕಾರ ಈ ಕ್ಷೇತ್ರದಲ್ಲಿ ಇಷ್ಟೊಂದು ಜೋಡಿಗಳು ಹಸೆಮಣೆಯೇರುತ್ತಿರುವುದು ಇದೇ ಮೊದಲು. ಇಲ್ಲಿನ ನಾಲ್ಕು ವಿವಾಹ ಮಂಟಪಗಳಲ್ಲದೆ ಈ ಬಾರಿ ದೇವಾಲಯದ ಮುಂಭಾಗ ಎರಡು ತಾತ್ಕಾಲಿಕ ಮಂಟಪ ಕೂಡಾ ಸ್ಥಾಪಿಸಲಾಗಿದೆ ಎಂದು ದೇವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ. ಇಂದು ಮುಂಜಾನೆ 4 ಗಂಟೆಗೆ ವಿವಾಹ ಕಾರ್ಯಗಳು ಆರಂಭವಾಗಿದ್ದು, ಪ್ರತೀ ತಂಡಕ್ಕೆ ಓರ್ವ ಛಾಯಾಗ್ರಾಹಕನ ಸಹಿತ 24 ಮಂದಿಗೆ ಅವಕಾಶ ಕಲ್ಪಿಸಲಾಗಿದೆ.
- Advertisement -
