ಹೊಸದಿಗಂತ ಡಿಜಿಟಲ್ ಡೆಸ್ಕ್:
ರಷ್ಯಾದ ವಿರುದ್ಧ ಹೋರಾಡಲು ಉಕ್ರೇನಿಗೆ ಬಲತುಂಬುವ ನಿಟ್ಟಿನಲ್ಲಿ ಅಮರಿಕವು ಉಕ್ರೇನಿಗೆ ತನ್ನ ʼಪ್ಯಾಟ್ರಿಯಾಟ್ʼ ಕ್ಷಿಪಣಿ ನಿರೋಧಕ ವ್ಯವಸ್ಥೆ ಸೇರಿದಂತೆ 1.85ಬಿಲಿಯನ್ ಡಾಲರ್ ಮೌಲ್ಯದ ಮಿಲಿಟರಿ ನೆರವು ನೀಡುವುದಾಗಿ ಘೋಷಿಸಿದೆ. ಫೆಬ್ರವರಿಯಲ್ಲಿ ರಷ್ಯಾ ಆಕ್ರಮಣ ಮಾಡಿದ ನಂತರ ಉಕ್ರೇನಿಯನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ತಮ್ಮ ಮೊದಲ ಪ್ರವಾಸಕ್ಕಾಗಿ ವಾಷಿಂಗ್ಟನ್ಗೆ ಆಗಮಿಸುತ್ತಿದ್ದಂತೆ ಅಮೆರಿಕ ಈ ಘೋಷಣೆ ಮಾಡಿದೆ.
ಝೆಲೆನ್ಸ್ಕಿ ರಾಜಧಾನಿಯ ಹೊರಗಿನ ಜಾಯಿಂಟ್ ಬೇಸ್ ಆಂಡ್ರ್ಯೂಸ್ಗೆ ಇಳಿಯುವ ಕೆಲವೇ ಗಂಟೆಗಳ ಮೊದಲು ಶ್ವೇತಭವನದ ಪ್ರಕಟಣೆ ಬಂದಿದೆ. ಪ್ಯಾಕೇಜ್ ನಲ್ಲಿ ಮೊದಲ ಬಾರಿಗೆ ಪೇಟ್ರಿಯಾಟ್ ಬ್ಯಾಟರಿ ( ʼಪ್ಯಾಟ್ರಿಯಾಟ್ʼ ಕ್ಷಿಪಣಿ ನಿರೋಧಕ ವ್ಯವಸ್ಥೆ) ಸೇರಿದಂತೆ 1 ಬಿಲಿಯನ್ ಡಾಲರ್ ಶಸ್ತ್ರಾಸ್ತ್ರಗಳು ಮತ್ತು ಉಪಕರಣಗಳನ್ನು ಪೆಂಟೆಗನ್ ನೀಡಲಿದೆ. ಮತ್ತು ಉಕ್ರೇನ್ ಭದ್ರತಾ ಸಹಾಯ ಉಪಕ್ರಮದ ಮೂಲಕ 850 ಮಿಲಿಯನ್ ಹಣವನ್ನು ಈ ಪ್ಯಾಕೇಜ್ ಒಳಗೊಂಡಿದೆ.
ಪ್ಯಾಕೇಜ್ನಲ್ಲಿ ಇತರ ಎರಡು ಪ್ರಮುಖ ವಸ್ತುಗಳನ್ನು ಸೇರಿಸಲಾಗಿದೆ. ಪೆಂಟಗನ್ ಬಹಿರಂಗಪಡಿಸದ ಸಂಖ್ಯೆಯ ಜಂಟಿ ನೇರ ದಾಳಿ ಯುದ್ಧಸಾಮಗ್ರಿ ಕಿಟ್ಗಳು ಅಥವಾ JDAM ಗಳನ್ನು ಉಕ್ರೇನ್ಗೆ ಕಳುಹಿಸುವುದಾಗಿ ಘೋಷಿಸಿದೆ. ಅಲ್ಲದೇ ಉಪಗ್ರಹ ಸಂವಹನ ಟರ್ಮಿನಲ್ಗಳು ಸೇರಿದಂತೆ ಉಪಗ್ರಹ ಸಂವಹನ ವ್ಯವಸ್ಥೆ ಬಲಪಡಿಸಲು ಅಗತ್ಯ ಹಣಕಾಸಿನ ಸಹಾಯ ನೀಡುವುದಾಗಿ ಅಮೆರಿಕ ಘೋಷಿಸಿದೆ. ಸಹಾಯ ಪ್ಯಾಕೇಜ್ನಲ್ಲಿ ಹೈ ಮೊಬಿಲಿಟಿ ಆರ್ಟಿಲರಿ ರಾಕೆಟ್ ಸಿಸ್ಟಮ್ಗಳಿಗೆ ಹೆಚ್ಚಿನ ರಾಕೆಟ್ಗಳನ್ನು ನೀಡಲಾಗುತ್ತಿದೆ. ಅಲ್ಲದೇ 37 ಮೈನ್ ರೆಸಿಸ್ಟೆಂಟ್ ಹೊಂಚುದಾಳಿ ಸಂರಕ್ಷಿತ (MRAP) ವಾಹನಗಳು; 120 ಹಮ್ವೀಸ್; ಆರು ಶಸ್ತ್ರಸಜ್ಜಿತ ಟ್ರಕ್ಗಳು; 2,700 ಕ್ಕೂ ಹೆಚ್ಚು ಗ್ರೆನೇಡ್ ಲಾಂಚರ್ಗಳು ಮತ್ತು ಇತರ ಶಸ್ತ್ರಾಸ್ತ್ರಗಳು ದೇಹ ರಕ್ಷಾಕವಚ ಸೇರಿದಂತೆ ಹಲವು ಯುದ್ಧ ಸಾಮಗ್ರಿಗಳನ್ನು ಈ ಪ್ಯಾಕೇಜ್ ಒಳಗೊಂಡಿದೆ.