Saturday, October 1, 2022

Latest Posts

Photo Gallery| ಇವೇ ನೋಡಿ ನೆಲಕ್ಕುರುಳಿದ ಪ್ರಪಂಚದ ಅತಿದೊಡ್ಡ ಭವನಗಳು!!!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್: 

ನೋಯ್ಡಾದಲ್ಲಿರುವ 40 ಅಂತಸ್ತಿನ ಸೂಪರ್‌ಟೆಕ್ ಟ್ವಿನ್ ಟವರ್ ಅನ್ನು ಕೆಡವಲು ಪ್ರಯತ್ನಗಳು ಭರದಿಂದ ಸಾಗಿವೆ. ಈ ತಿಂಗಳ 28ರಂದು ಮಧ್ಯಾಹ್ನ 2.30ಕ್ಕೆ ಸೂಪರ್‌ಟೆಕ್‌ ಅವಳಿ ಗೋಪುರಗಳನ್ನು ಕೆಡವಲು ಸುಪ್ರೀಂ ಕೋರ್ಟ್‌ ಗಡುವು ನಿಗದಿಪಡಿಸಿದೆ. ಈ ಡೆಮಾಲಿಷನ್ ಪ್ರಕ್ರಿಯೆಯನ್ನು ಎಡಿಪೈಸ್ ಇಂಜಿನಿಯರಿಂಗ್ ಕಂಪನಿ ವಹಿಸಿಕೊಂಡಿದ್ದು, ಈ ವಿಧ್ವಂಸಕ ಪ್ರಕ್ರಿಯೆಗೆ 3,500 ಕೆಜಿ ಸ್ಫೋಟಕಗಳನ್ನು ಬಳಸಲಾಗುವುದು.

ಜಗತ್ತಿನಾದ್ಯಂತ ಈ ರೀತಿ ಧ್ವಂಸಗೊಂಡ ಬೃಹತ್ ಕಟ್ಟಡಗಳ ಎಷ್ಟೋ ಇವೆ. ಇದರ ಭಾಗವಾಗಿ, ವಿಶ್ವದ 10 ಎತ್ತರದ ಕಟ್ಟಡಗಳನ್ನು ನೋಡೋಣ.

1 ಆಕ್ಸಾ ಟವರ್‌, ಸಿಂಗಪೂರ್‌

Top 10 Demolished Buildings In The World

 

ಕಟ್ಟಡವು 234.7 ಮೀಟರ್ ಎತ್ತರ ಮತ್ತು 52 ಮಹಡಿಗಳೊಂದಿಗೆ 1986 ರಲ್ಲಿ ನಿರ್ಮಾಣವಾಯಿತು. ಟವರ್ಸ್ ಸೈಟ್ ಅಭಿವೃದ್ಧಿಗಾಗಿ ಈ ಕಟ್ಟಡವನ್ನು ಕೆಡವಲಾಗುತ್ತಿದೆ. ಈ ವರ್ಷಾಂತ್ಯ ಅಥವಾ ಮುಂದಿನ ವರ್ಷದ ಆರಂಭದಲ್ಲಿ ಕೆಡವುವ ಚಿಂತನೆಯಲ್ಲಿದ್ದಾರೆ.

2. 270ಪಾರ್ಕ್‌ ಅವೆನ್ಯೂ ನ್ಯೂಯಾರ್ಕ್‌

Top 10 Demolished Buildings In The World

215 ಮೀಟರ್ ಎತ್ತರದ, 52 ಅಂತಸ್ತಿನ ಈ ಕಟ್ಟಡದ ನಿರ್ಮಾಣವು 1960 ರಲ್ಲಿ ಪೂರ್ಣಗೊಂಡಿತು. ಆದರೆ ಹತ್ತಿರದಲ್ಲಿ ಹೆಚ್ಚು ದೊಡ್ಡ ಕಟ್ಟಡಗಳ ನಿರ್ಮಾಣದಿಂದಾಗಿ 2021 ರಲ್ಲಿ ಅದನ್ನು ಕೆಡವಲಾಯಿತು.

3 ಸಿಂಗರ್‌ ಬಿಲ್ಡಿಂಗ್‌ ನ್ಯೂಯಾರ್ಕ್‌

ಕಟ್ಟಡವು 1908 ರಲ್ಲಿ 187 ಮೀಟರ್ ಎತ್ತರ ಮತ್ತು 47 ಮಹಡಿಗಳೊಂದಿಗೆ ಕಟ್ಟಡ ನಿರ್ಮಾಣ ಪೂರ್ಣಗೊಂಡಿತು. ಒನ್ ಲಿಬರ್ಟಿ ಪ್ಲಾಜಾಕ್ಕೆ ದಾರಿ ಮಾಡಿಕೊಡಲು 1968 ರಲ್ಲಿ ಕಟ್ಟಡವನ್ನು ಕೆಡವಲಾಯಿತು.

4. ಸಿಪಿಎಫ್‌ ಬಿಲ್ಡಿಂಗ್‌ ಸಿಂಗಪೂರ್‌

ಕಟ್ಟಡವು 171 ಮೀಟರ್ ಎತ್ತರ ಮತ್ತು 46 ಮಹಡಿಗಳನ್ನು ಹೊಂದಿದ್ದು, 1976 ರಲ್ಲಿ ನಿರ್ಮಿಸಲಾಯಿತು. 29 ಅಂತಸ್ತಿನ ಕಚೇರಿ ಗೋಪುರಕ್ಕೆ ದಾರಿ ಮಾಡಿಕೊಡಲು ಇದನ್ನು 2017 ರಲ್ಲಿ ಕೆಡವಲಾಯಿತು.

5. ಮೀನಾ ಪ್ಲಾಜಾ, ಅಬುದಾಬಿ

ಕಟ್ಟಡವು 168.5 ಮೀಟರ್ ಎತ್ತರ ಮತ್ತು 46 ಮಹಡಿಗಳನ್ನು ಹೊಂದಿದೆ. ಆದರೆ ಕಾಮಗಾರಿ ಪೂರ್ಣಗೊಳ್ಳುವ ಮುನ್ನವೇ 2014ರಲ್ಲಿ ಕಾಮಗಾರಿ ಸ್ಥಗಿತಗೊಂಡಿತ್ತು. ಕಾರಣಗಳು ಸಂಪೂರ್ಣವಾಗಿ ತಿಳಿದಿಲ್ಲ ಆದರೆ 2020 ರಲ್ಲಿ ಸ್ಫೋಟಕಗಳನ್ನು ಬಳಸಿ ಅದನ್ನು ಕೆಡವಲಾಯಿತು.

6. ಪುಜಿ ಜಿರಾಕ್ಸ್‌ ಟವರ್ಸ್‌, ಸಿಂಗಪೂರ್‌

165 ಮೀಟರ್ ಎತ್ತರದ, 38 ಅಂತಸ್ತಿನ ಈ ಕಟ್ಟಡದ ನಿರ್ಮಾಣವು 1987 ರಲ್ಲಿ ಪೂರ್ಣಗೊಂಡಿತು. ಸಮೀಪದಲ್ಲಿ ಅಭಿವೃದ್ಧಿ ಕಾರ್ಯಗಳು ಇರುವುದರಿಂದ ಕೆಡವಲು ನಿರ್ಧರಿಸಲಾಗಿದೆ. ಈ ವರ್ಷ ಈ ಕಟ್ಟಡ ಕೆಡವುವ ಪ್ರಕ್ರಿಯೆಯಲ್ಲಿದೆ.

7. ಮಾರಿಸನ್‌ ಹೋಟೆಲ್‌, ಚಿಕಾಗೋ

ಕಟ್ಟಡವು 1925 ರಲ್ಲಿ 160 ಮೀಟರ್ ಎತ್ತರ ಮತ್ತು 45 ಮಹಡಿಗಳೊಂದಿಗೆ ಪೂರ್ಣಗೊಂಡಿತು. ಬ್ಯಾಂಕ್ ಒನ್ ಪ್ಲಾಜಾಕ್ಕೆ ದಾರಿ ಮಾಡಿಕೊಡಲು ಇದನ್ನು 1965 ರಲ್ಲಿ ಕೆಡವಲಾಯಿತು.

8. ಡ್ಯೂಶ್ಚೆ ಬ್ಯಾಂಕ್‌ ಬಿಲ್ಡಿಂಗ್‌, ನ್ಯೂಯಾರ್ಕ್‌

ಕಟ್ಟಡವು 158 ಮೀಟರ್ ಎತ್ತರ ಮತ್ತು 39 ಮಹಡಿಗಳನ್ನು ಹೊಂದಿದೆ ಮತ್ತು 1974 ರಲ್ಲಿ ಪೂರ್ಣಗೊಂಡಿತು. ಸೆಪ್ಟೆಂಬರ್ 11 ರ ದಾಳಿಯ ನಂತರ ಇದು ಕೆಟ್ಟದಾಗಿ ಹಾನಿಗೊಳಗಾದ ಕಾರಣ ಅದನ್ನು 2011 ರಲ್ಲಿ ಕೆಡವಲಾಯಿತು.

9. ಯುಐಸಿ ಬಿಲ್ಡಿಂಗ್‌, ಸಿಂಗಪೂರ್‌

ಕಟ್ಟಡವು 152 ಮೀಟರ್ ಎತ್ತರ ಮತ್ತು 40 ಮಹಡಿಗಳನ್ನು ಹೊಂದಿದೆ 1974 ರಲ್ಲಿ ಪೂರ್ಣಗೊಂಡಿತು. ವೀ ಯಾನ್ ಶೆಂಟನ್‌ಗೆ ದಾರಿ ಮಾಡಿಕೊಡಲು ಇದನ್ನು 2013 ರಲ್ಲಿ ಕೆಡವಲಾಯಿತು.

10. ವನ್‌ ಮೆರಿಡಿಯನ್‌ ಪ್ಲಾಜಾ, ಫಿಲಿಡೆಲ್ಫಿಯಾ

150 ಮೀಟರ್ ಎತ್ತರದ, 38 ಅಂತಸ್ತಿನ ಈ ಕಟ್ಟಡದ ನಿರ್ಮಾಣವು 1972 ರಲ್ಲಿ ಪೂರ್ಣಗೊಂಡಿತು. ಫೆಬ್ರುವರಿ 23, 1991 ರಂದು ಬೆಂಕಿಯಲ್ಲಿ ಹೆಚ್ಚಿನ ಭಾಗವು ಹಾನಿಗೊಳಗಾದ್ದರಿಂದ ಇದನ್ನು 1999 ರಲ್ಲಿ ಕೆಡವಲಾಯಿತು.

 

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Latest Posts

Don't Miss

error: Content is protected !!