ಮನಾಲಿಗೆ ಹೋಗುವ ಮೊದಲು ಈ ಅಂಶಗಳನ್ನು ನೆನಪಿಟ್ಟುಕೊಳ್ಳಿ:
ಟ್ರಿಪ್ ಸಮಯವನ್ನು ಆಯ್ಕೆ ಮಾಡಿಕೊಳ್ಳಿ:
ಏಪ್ರಿಲ್‌ನಿಂದ ಜೂನ್: ಆಹ್ಲಾದಕರ ಹವಾಮಾನ, ಪ್ರವಾಸಕ್ಕೆ ಸೂಕ್ತವಾದ ಟೈಮ್.
ಜುಲೈ ನಿಂದ ಆಗಸ್ಟ್: ಮಳೆ ಹೆಚ್ಚಾಗಿರುತ್ತದೆ, ಪ್ರಯಾಣ ಕಷ್ಟವಾಗಬಹುದು.
ಡಿಸೆಂಬರ್ ನಿಂದ ಫೆಬ್ರವರಿ: ಹಿಮಪಾತ, ಸ್ಕೀಯಿಂಗ್‌ನಂತಹ ಚಟುವಟಿಕೆಗಳು ಲಭ್ಯ. ಆದರೆ, ತಣ್ಣನೆಯ ವಾತಾವರಣ ಹೆಚ್ಚಿರುತ್ತದೆ. ನಿಮಗೆ ಯಾವ ರೀತಿಯ ಅನುಭವ ಬೇಕೋ ಅದಕ್ಕೆ ತಕ್ಕಂತೆ ಸಮಯ ಆಯ್ಕೆ ಮಾಡಿಕೊಳ್ಳಿ.
ಪ್ರಯಾಣದ ಯೋಜನೆ:
ವಿಮಾನ, ಬಸ್ ಅಥವಾ ರೈಲಿನ ಮೂಲಕ ಹೋಗಬಹುದು. ಭುಂಟರ್ ವಿಮಾನ ನಿಲ್ದಾಣವು ಹತ್ತಿರದಲ್ಲಿದೆ. ದೆಹಲಿ, ಚಂಡೀಗಢದಿಂದ ನೇರ ಬಸ್ಸುಗಳಿವೆ. ಹತ್ತಿರದ ರೈಲು ನಿಲ್ದಾಣ ಚಂಡೀಗಢ ಅಥವಾ ಪಠಾಣ್ ಕೋಟ್. ಅಲ್ಲಿಂದ ಬಸ್ ಅಥವಾ ಟ್ಯಾಕ್ಸಿ ಮೂಲಕ ಪ್ರಯಾಣಿಸಬಹುದು. ಮುಂಚಿತವಾಗಿ ಟಿಕೆಟ್ ಬುಕ್ ಮಾಡಿ.
ವಾಸದ ವ್ಯವಸ್ಥೆ:
ಮನಾಲಿಯಲ್ಲಿ ಹಲವು ಹೋಟೆಲ್‌ಗಳು, ರೆಸಾರ್ಟ್‌ಗಳು ಮತ್ತು ಹೋಂಸ್ಟೇಗಳು ಲಭ್ಯವಿವೆ. ನಿಮ್ಮ ಬಜೆಟ್ ಮತ್ತು ಅಗತ್ಯಕ್ಕೆ ಅನುಗುಣವಾಗಿ ಆಯ್ಕೆ ಮಾಡಿ. ಆನ್ಲೈನ್ ಮೂಲಕ ಮೊದಲೇ ಬುಕ್ ಮಾಡುವುದು ಉತ್ತಮ.
ಬಟ್ಟೆಗಳು:
ಚಳಿಗಾಲದಲ್ಲಿ ದಪ್ಪನೆಯ ಉಣ್ಣೆಯ ಬಟ್ಟೆಗಳು, ಸ್ವೆಟರ್, ಜಾಕೆಟ್, ಗ್ಲೌಸ್, ಮಫ್ಲರ್, ಸಾಕ್ಸ್ ಮತ್ತು ಟೋಪಿಗಳನ್ನು ತೆಗೆದುಕೊಂಡು ಹೋಗಿ. ಬೇಸಿಗೆಯಲ್ಲಿ ಹಗುರವಾದ ಬಟ್ಟೆಗಳು ಮತ್ತು ಜಾಕೆಟ್ ಅಗತ್ಯ. ಮಳೆಗಾಲದಲ್ಲಿ ರೈನ್ ಕೋಟ್ ಮತ್ತು ಛತ್ರಿ ಕಡ್ಡಾಯ.
ಔಷಧಿಗಳು:
ಸಾಮಾನ್ಯ ಜ್ವರ, ತಲೆನೋವು, ವಾಂತಿ ಮುಂತಾದವುಗಳಿಗೆ ಅಗತ್ಯವಾದ ಔಷಧಿಗಳನ್ನು ತೆಗೆದುಕೊಂಡು ಹೋಗಿ. ಎತ್ತರದ ಪ್ರದೇಶಗಳಲ್ಲಿ ಪ್ರಯಾಣಿಸುವಾಗ ತಲೆಸುತ್ತು ಬರುವ ಸಾಧ್ಯತೆ ಇರುವುದರಿಂದ ವೈದ್ಯರ ಸಲಹೆ ಪಡೆದು ಔಷಧಿ ತೆಗೆದುಕೊಳ್ಳಿ.
ಹಣ:
ಎಟಿಎಂಗಳು ಮತ್ತು ಬ್ಯಾಂಕ್‌ಗಳು ಲಭ್ಯವಿದ್ದರೂ, ಸ್ವಲ್ಪ ನಗದು ಹಣವನ್ನು ತೆಗೆದುಕೊಂಡು ಹೋಗುವುದು ಉತ್ತಮ. ಗುರುತಿನ ಚೀಟಿ ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್, ವೋಟರ್ ಐಡಿ ಮತ್ತು ಇತರ ಅಗತ್ಯ ದಾಖಲೆಗಳನ್ನು ತೆಗೆದುಕೊಂಡು ಹೋಗಿ.
ಪ್ರವಾಸಿ ಸ್ಥಳಗಳು:
ರೋಹ್ತಾಂಗ್ ಪಾಸ್, ಸೋಲಾಂಗ್ ಕಣಿವೆ, ಹಡಿಂಬಾ ದೇವಾಲಯ, ಓಲ್ಡ್ ಮನಾಲಿ, ವಶಿಷ್ಠ ದೇವಾಲಯ ಮುಂತಾದ ಸ್ಥಳಗಳಿಗೆ ಭೇಟಿ ನೀಡಿ. ಸ್ಕೀಯಿಂಗ್, ಪ್ಯಾರಾಗ್ಲೈಡಿಂಗ್, ರಿವರ್ ರಾಫ್ಟಿಂಗ್, ಟ್ರೆಕ್ಕಿಂಗ್ ಮುಂತಾದ ಸಾಹಸ ಕ್ರೀಡೆಗಳಲ್ಲಿ ಭಾಗವಹಿಸಿ. ಸ್ಥಳೀಯ ಜನರ ಸಂಸ್ಕೃತಿ ಮತ್ತು ಜೀವನಶೈಲಿಯನ್ನು ತಿಳಿದುಕೊಳ್ಳಿ.
ಸುರಕ್ಷತೆ:
ಎತ್ತರದ ಪ್ರದೇಶಗಳಲ್ಲಿ ಪ್ರಯಾಣಿಸುವಾಗ ಎಚ್ಚರಿಕೆಯಿಂದಿರಿ. ರಾತ್ರಿ ವೇಳೆ ಏಕಾಂಗಿಯಾಗಿ ಓಡಾಡಬೇಡಿ. ಸ್ಥಳೀಯ ಹವಾಮಾನದ ಬಗ್ಗೆ ಮಾಹಿತಿ ಪಡೆದುಕೊಳ್ಳಿ. ಸ್ಥಳೀಯ ಮಾರುಕಟ್ಟೆಗಳಲ್ಲಿ ವಸ್ತುಗಳನ್ನು ಖರೀದಿಸುವಾಗ ಬಾರ್ಗೇನ್ ಮಾಡಿ.
