ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಟರ್ಕಿ ಮತ್ತು ಸಿರಿಯಾದಲ್ಲಿ ಪ್ರಬಲ ಭೂಕಂಪ ಸಂಭವಿಸಿದ್ದು, 3,600ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದಾರೆ. ಮೃತರ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆಯೂ ಇದೆ.
ಈ ಭೂಕಂಪನದಲ್ಲಿ ಇಷ್ಟೊಂದು ಮಂದಿ ಪ್ರಾಣ ಕಳೆದುಕೊಂಡಿದ್ದು ಯಾಕೆ? ಭೂಕಂಪನದ ಸಮಯ, ಸ್ಥಳ, ತುಲನಾತ್ಮಕವಾಗಿ ದೋಷ ರೇಖೆ ಹಾಗೂ ಕುಸಿದ ಕಟ್ಟಡಗಳ ದುರ್ಬಲ ನಿರ್ಮಾಣ ಈ ಸಾವು ನೋವಿಗೆ ಕಾರಣವಾಗಿದೆ.
ಟರ್ಕಿಯ ಸಿರಿಯನ್ ಗಡಿ ಬಳಿ ಭೂಕಂಪನ ಸಂಭವಿಸಿದ್ದು, 3,600 ಮಂದಿ ಮೃತಪಟ್ಟಿದ್ದಾರೆ. ಇದು ಅತ್ಯಂತ ಜನವಸತಿ ಪ್ರದೇಶವಾಗಿದೆ. ಇನ್ನು ಭೂಕಂಪನದ ಸಮಯ ಬೆಳಗ್ಗೆ 4:17 ಆಗಿರುವುದರಿಂದ ಆ ಸಮಯದಲ್ಲಿ ಎಲ್ಲರೂ ನಿದ್ದೆಯಲ್ಲಿದ್ದರು. ಈ ಕಾರಣದಿಂದಲೂ ಸಾವಿನ ಸಂಖ್ಯೆ ಹೆಚ್ಚಾಗಿದೆ ಎಂದು ಬ್ರಿಟಿಷ್ ಭೂವೈಜ್ಞಾನಿಕ ಸಮೀಕ್ಷೆಯ ಗೌರವ ಸಂಶೋಧನಾ ಸಹವರ್ತಿ ರೋಜರ್ ಮಸ್ಸನ್ ತಿಳಿಸಿದ್ದಾರೆ.
ಇನ್ನು ಇಲ್ಲಿನ ಕಟ್ಟಡಗಳು ಭೂಕಂಪನ ಪ್ರದೇಶಗಳಲ್ಲಿ ಕಟ್ಟುವಂಥ ಮನೆಗಳಾಗಿರಲಿಲ್ಲ, ಭೂಕಂಪಗಳಿಗೆ ಒಳಗಾಗುವ ಪ್ರದೇಶಕ್ಕೆ ಸಮರ್ಪಕವಾಗದ ಕಟ್ಟಡ ನಿರ್ಮಾಣವೂ ಸಾವು ನೋವಿಗೆ ಕಾರಣವಾಗಿದೆ.
ಭೂಕಂಪ ಸಂಭವಿಸಿದ ದೋಷದ ರೇಖೆಯು ಇತ್ತೀಚೆಗೆ ತುಲನಾತ್ಮಕವಾಗಿ ಶಾಂತವಾಗಿತ್ತು. ಇದೂ ಕೂಡ ಭೂಕಂಪಕ್ಕೆ ಕಾರಣವಾಗಿರಬಹುದು. ಟರ್ಕಿ ವಿಶ್ವದ ಅತ್ಯಂತ ಸಕ್ರಿಯ ಭೂಕಂಪ ವಲಯಗಳಲ್ಲಿ ಒಂದಾಗಿದೆ. ಈ ಹಿಂದೆ 1999ರಲ್ಲಿ ಭೂಕಂಪನ ಸಂಭವಿಸಿದ್ದು, 17,000ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿದ್ದರು.
