ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಧ್ಯಪ್ರಾಚ್ಯದ ಸಂಘರ್ಷದ ಬೆಂಕಿಯ ನಡುವೆಯೇ ಇರಾನ್ ಜಾಗತಿಕ ರಾಜತಾಂತ್ರಿಕ ವಲಯದಲ್ಲಿ ಮಹಾ ತಲ್ಲಣ ಸೃಷ್ಟಿಸಿದೆ. ಇರಾನ್ನ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಅವರ ಹತ್ಯೆಗೆ ಪ್ರತೀಕಾರ ತೀರಿಸಿಕೊಳ್ಳಲು ಇರಾನ್ ಸರ್ಕಾರಿ ಮಾಧ್ಯಮವು ವಿಶ್ವದ ಅತ್ಯಂತ ಪ್ರಭಾವಶಾಲಿ ರಾಜತಾಂತ್ರಿಕರನ್ನು ಒಳಗೊಂಡ ಭೀಕರ ‘ಹಿಟ್ಲಿಸ್ಟ್’ ಒಂದನ್ನು ಪ್ರಕಟಿಸಿದೆ. 2026ರ ಫೆಬ್ರವರಿಯಲ್ಲಿ ನಡೆದ ಭೀಕರ ವೈಮಾನಿಕ ದಾಳಿಯಲ್ಲಿ ಖಮೇನಿ ಮೃತಪಟ್ಟಿದ್ದರು.
ಹೊಸ ಉತ್ತರಾಧಿಕಾರಿಯ ರಕ್ತಸಿಕ್ತ ಶಪಥ
ಖಮೇನಿ ನಿಧನದ ನಂತರ ಇರಾನ್ನ ನೂತನ ಸುಪ್ರೀಂ ಲೀಡರ್ ಆಗಿ ಅಧಿಕಾರ ವಹಿಸಿಕೊಂಡಿರುವ ಅವರ ಪುತ್ರ ಮೊಜ್ತಬಾ ಖಮೇನಿ ಜಾಗತಿಕ ನಾಯಕರಿಗೆ ಬಹಿರಂಗ ಎಚ್ಚರಿಕೆ ನೀಡಿದ್ದಾರೆ. “ನಮ್ಮ ತಂದೆಯ ಸಾವಿಗೆ ಪ್ರತೀಕಾರ ತೀರಿಸುವುದು ನಮ್ಮ ದೇಶದ ಮೊದಲ ಆದ್ಯತೆ. ಈ ಕಪ್ಪು ಪಟ್ಟಿಯಲ್ಲಿರುವ ಅಪರಾಧಿಗಳು ಎಂದಿಗೂ ನೆಮ್ಮದಿಯ ಸಾವು ಕಾಣಲು ಸಾಧ್ಯವಿಲ್ಲ” ಎಂದು ಅವರು ಗುಡುಗಿದ್ದಾರೆ.
ಹಿಟ್ಲಿಸ್ಟ್ನಲ್ಲಿರುವ ವಿಶ್ವದ ಪ್ರಮುಖ 13 ನಾಯಕರು
ಇರಾನ್ನ ಅಧಿಕೃತ ಆಡಳಿತ ಮಂಡಳಿಯ ‘ಹಮ್ಶಹ್ರಿ’ ಪತ್ರಿಕೆಯು ಬಿಡುಗಡೆ ಮಾಡಿರುವ ಇನ್ಫೋಗ್ರಾಫಿಕ್ನಲ್ಲಿ ಜಾಗತಿಕ ರಾಜಕಾರಣದ 13 ಪ್ರಮುಖ ನಾಯಕರನ್ನು ಗುರಿಯಾಗಿಸಲಾಗಿದೆ.
- ಅಮೆರಿಕ: ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ವಿದೇಶಾಂಗ ಕಾರ್ಯದರ್ಶಿ ಮಾರ್ಕೊ ರೂಬಿಯೊ, ರಕ್ಷಣಾ ಕಾರ್ಯದರ್ಶಿ ಪೀಟ್ ಹೆಗ್ಸೆತ್.
- ಇಸ್ರೇಲ್: ಪ್ರಧಾನಿ ಬೆಂಜಮಿನ್ ನೆತನ್ಯಾಹು.
- ಯುರೋಪ್ ರಾಷ್ಟ್ರಗಳು: ಬ್ರಿಟನ್ ಪ್ರಧಾನಿ ಕೀರ್ ಸ್ಟಾರ್ಮರ್, ಫ್ರಾನ್ಸ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್, ಇಟಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಮತ್ತು ಜರ್ಮನಿಯ ಚಾನ್ಸೆಲರ್ ಫ್ರೆಡ್ರಿಕ್ ಮೆರ್ಜ್.
ಈ ಭೀಕರ ಸೇಡಿನ ಜಾಲವು ಇಡೀ ಜಾಗತಿಕ ರಕ್ಷಣಾ ವಲಯದಲ್ಲಿ ಆತಂಕ ಮೂಡಿಸಿದೆ.
