ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಲೈಗರ್ ಸಿನಿಮಾದಿಂದ ಸೋಲುಂಡ ಬಳಿಕ ಕೆಲ ತಿಂಗಳಿಂದ ಸೈಲೆಂಟ್ ಆಗಿದ್ದ ವಿಜಯ್ ಈಗ ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟಿವ್ ಆಗಿದ್ದು, ಸಿನಿಮಾಗಳನ್ನೂ ಅನೌನ್ಸ್ ಮಾಡುತ್ತಿದ್ದಾರೆ. ವಿಜಯ್ ದೇವರಕೊಂಡ ಮತ್ತು ಸಮಂತಾ ಅಭಿನಯದ ಖುಷಿ ಚಿತ್ರದ ಶೂಟಿಂಗ್ ಶೀಘ್ರದಲ್ಲೇ ಪ್ರಾರಂಭವಾಗಲಿದೆ.
ಸದ್ಯ ಈ ರೌಡಿ ಹೀರೋ ರಶ್ಮಿಕಾ ಜೊತೆ ದುಬೈಗೆ ರಜೆಯ ಮೇಲೆ ತೆರಳಿದ್ದಾರೆ. ಇತ್ತೀಚೆಗೆ ದುಬೈನ ಬೀದಿಗಳಲ್ಲಿ ರಶ್ಮಿಕಾ ಮತ್ತು ವಿಜಯ್ ದೇವರಕೊಂಡ ಇರುವ ಚಿತ್ರವೊಂದು ವೈರಲ್ ಆಗಿದೆ. ತಮ್ಮ ಸಾಮಾಜಿಕ ಮಾಧ್ಯಮದಲ್ಲಿ ದುಬೈನ ಪ್ರಾಣಿ ಉದ್ಯಾನವನಕ್ಕೆ ಹೋದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ದುಬೈನಲ್ಲಿ ಫೇಮ್ ಪಾರ್ಕ್ ಎಂಬ ಪ್ರಾಣಿ ಪಾರ್ಕ್ ಇದೆ. ಹುಲಿಗಳು, ಸಿಂಹಗಳು, ಹಾವುಗಳು ಮತ್ತು ಅನೇಕ ಕಾಡು ಪ್ರಾಣಿಗಳು ಇವೆ. ಆ ಎಲ್ಲಾ ಪ್ರಾಣಿಗಳು ಸ್ನೇಹಪರರು. ಬಾಲ್ಯದಿಂದಲೂ, ಅವುಗಳನ್ನು ಮನುಷ್ಯರೊಂದಿಗೆ ಸ್ನೇಹಪರವಾಗಿ ಬೆಳೆಸಲಾಗುತ್ತದೆ. ಅಲ್ಲಿಗೆ ಹೋಗುವವರು ಅವರೊಂದಿಗೆ ಆಟವಾಡುತ್ತಾರೆ, ಎತ್ತಿಕೊಂಡು ಫೋಟೋ, ವಿಡಿಯೋ ತೆಗೆಯುತ್ತಾರೆ.
ಇತ್ತೀಚೆಗಷ್ಟೇ ವಿಜಯ್ ದೇವರಕೊಂಡ ಅಲ್ಲಿಗೆ ಹೋಗಿ ಹಾವುಗಳನ್ನು ಕೊರಳಿಗೆ ಸುತ್ತಿಕೊಂಡು, ಸಿಂಹ, ಹುಲಿಗಳ ಜೊತೆ ಆಟವಾಡುತ್ತಾ, ಹುಲಿ ಮರಿಗಳಿಗೆ ಹಾಲು ಕುಡಿಸಿ, ಹಾವನ್ನು ಮೈಮೇಲೆ ಎಳೆದುಕೊಂಡು ಪೋಸ್‌ ನೀಡಿದ್ದಾರೆ. ಈ ವಿಡಿಯೋ ವೈರಲ್ ಆಗಿದೆ.
