ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಚಂದ್ರನ ಅಂಗಳಕ್ಕೆ ಕಾಲಿಟ್ಟು ಅನ್ವೇಷಣೆ ಕೈಗೊಂಡಿರುವ ವಿಕ್ರಮ್ ಲ್ಯಾಂಡರ್ನ ಎಂಜಿನ್ ಅನ್ನು ಮತ್ತೊಮ್ಮೆ ಇಸ್ರೋ ಚಾಲನೆಗೊಳಿಸಿದೆ. ಎಂಜಿನ್ ಚಾಲನೆಗೊಳಿಸಿ ಲ್ಯಾಂಡರ್ನ ಎತ್ತರವನ್ನು ಸುಮಾರು 40 ಸೆಂ.ಮೀ ಹೆಚ್ಚಿಸಿ, 30 – 40 ಸೆಂ.ಮೀ ದೂರದಲ್ಲಿ ಸಾಫ್ಟ್ ಲ್ಯಾಂಡ್ ಮಾಡಲಾಗಿದೆ ಎಂದು ಇಸ್ರೊ ಸೋಮವಾರ ಹೇಳಿದೆ.
ಈ ಕುರಿತು ಟ್ವಿಟ್ಟರ್‌ನಲ್ಲಿ ಟ್ವೀಟ್ ಮಾಡಿರುವ ಇಸ್ರೊ, “ಚಂದ್ರಯಾನ -3 ಮಿಷನ್: ವಿಕ್ರಮ್ ಮತ್ತೆ ಚಂದ್ರನ ಮೇಲೆ ಸಾಫ್ಟ್ ಲ್ಯಾಂಡ್ ಆಗಿದೆ!. ವಿಕ್ರಮ್ ಲ್ಯಾಂಡರ್ ತನ್ನ ಉದ್ದೇಶಿತ ಮಿಷನ್ ಗುರಿಗಳಿಗಿಂತ ಹೆಚ್ಚಿನದಾಗಿ ಸಾಧಿಸಿದೆ. ಇದು ಯಶಸ್ವಿಯಾಗಿ ಹಾಪ್ ಪ್ರಯೋಗಕ್ಕೆ ಒಳಗಾಗಿದೆ. ಸೂಚನೆಗಳ ಮೇರೆಗೆ ಅದು ಎಂಜಿನ್ಗಳನ್ನು ಚಾಲನೆಗೊಳಿಸಿ ನಿರೀಕ್ಷೆಯಂತೆ ಸುಮಾರು 40 ಸೆಂ.ಮೀ ಎತ್ತರಕ್ಕೆ ಏರಿತು ಮತ್ತು 30 – 40 ಸೆಂ.ಮೀ ದೂರದಲ್ಲಿ ಸುರಕ್ಷಿತವಾಗಿ ಇಳಿಯಿತು.” ಎಂದು ತಿಳಿಸಿದೆ.
ʼಪ್ರಾಮುಖ್ಯತೆ?: ಈ ‘ಕಿಕ್-ಸ್ಟಾರ್ಟ್’ ಭವಿಷ್ಯದಲ್ಲಿ ಅಲ್ಲಿಂದ ಮರಳುವ ವಿಧಾನ ಮತ್ತು ಮಾನವ ಕಾರ್ಯಾಚರಣೆಗಳನ್ನು ಉತ್ತೇಜಿಸುತ್ತದೆ!ʼ ಎಂದು ಇಸ್ರೊ ಹೇಳಿದೆ.
ʼಎಲ್ಲ ವ್ಯವಸ್ಥೆಗಳು ಸಹಜವಾಗಿ ಕಾರ್ಯನಿರ್ವಹಿಸುತ್ತಿವೆ ಮತ್ತು ಆರೋಗ್ಯಕರವಾಗಿವೆ. ನಿಯೋಜಿಸಲಾದ ರ್ಯಾಂಪ್, ಚಾಸ್ಟೆ ಮತ್ತು ಐಎಲ್ಎಸ್ಎಗಳನ್ನು ಹಿಂದಕ್ಕೆ ಮಡಚಿ ಪ್ರಯೋಗದ ನಂತರ ಯಶಸ್ವಿಯಾಗಿ ಮರು ನಿಯೋಜಿಸಲಾಯಿತುʼ ಎಂದು ಇಸ್ರೊ ಟ್ವೀಟ್ ಮೂಲಕ ತಿಳಿಸಿದೆ.
Chandrayaan-3 Mission:
🇮🇳Vikram soft-landed on 🌖, again!Vikram Lander exceeded its mission objectives. It successfully underwent a hop experiment.
On command, it fired the engines, elevated itself by about 40 cm as expected and landed safely at a distance of 30 – 40 cm away.… pic.twitter.com/T63t3MVUvI
— ISRO (@isro) September 4, 2023
