ಯಾವುದೇ ಸಂಬಂಧ ಚೆನ್ನಾಗಿರಲು ಇಬ್ಬರ ನಿರೀಕ್ಷೆಗಳ ಬಗ್ಗೆ ತಿಳಿದುಕೊಳ್ಳುವುದು ಮುಖ್ಯ. ಆತ ನನ್ನಿಂದ ಏನು ಬಯಸುತ್ತಾನೆ, ನಾನು ಅವನಿಂದ ಏನನ್ನು ನಿರೀಕ್ಷಿಸುತ್ತೇನೆ ಎನ್ನುವುದನ್ನು ತಿಳಿದುಕೊಳ್ಳಬೇಕು. ಇದಕ್ಕಾಗಿ ಕಾಯಬೇಕಿಲ್ಲ, ಬಾಯಿಬಿಟ್ಟು ಮಾತನಾಡಿದರೆ ಸಾಕು. ಉದಾಹರಣೆಗೆ ನೀವು ಮೂಡಿಯಾಗಿರುತ್ತೀರಿ, ವಿಷಯ ಹೇಳಿಕೊಳ್ಳೋದಿಲ್ಲ ಎಂದಾಗ ನಿಮ್ಮ ಪಾರ್ಟ್ನರ್ ನನ್ನ ಸ್ವಭಾವ ಅದಲ್ಲ ಆದರೆ ಇನ್ಮುಂದೆ ಪ್ರಯತ್ನಿಸುತ್ತೀನಿ ಎಂದರೆ ಮುಗಿಯಿತು. ಆದರೆ ಎಲ್ಲ ನಿರೀಕ್ಷೆಗಳನ್ನೂ ಹೇಳುತ್ತಾ ಹೋದರೆ ಜಗಳವಾಗುವ ಸಾಧ್ಯತೆಯೂ ಇದೆ. ಸಂಬಂಧದಲ್ಲಿ ಪುರುಷರಿಗೆ ಏನು ಬೇಕು ಇಲ್ಲಿದೆ ಮಾಹಿತಿ..
ಯಾರು ಹೇಳಿದ್ದು ಪುರುಷರಿಗೆ ಹೊಗಳಿಕೆ ಇಷ್ಟ ಇಲ್ಲ ಎಂದು, ಅವರನ್ನೂ ಹೊಗಳಿ, ಹೊಗಳಿಕೆಗೆ ಮನಸೋಲದವರಿಲ್ಲ.
ಯಾವಾಗಲೂ ನನ್ನ ಜೊತೆಯೇ ಇರು, ನನ್ನ ಸುತ್ತಲೇ ಸುತ್ತ ಎನ್ನಬೇಡಿ, ಅವರಿಗೆ ಅವರ ಸ್ಪೇಸ್ ಕೊಡಿ.
ಅವರು ಭಾವನಾತ್ಮಕವಾಗಿ ಮಾತನಾಡಲು ಅಥವಾ ಚರ್ಚೆಮಾಡಲು ಇಷ್ಟಪಡದಿದ್ದರೆ ಅವರನ್ನು ಅವರ ಪಾಡಿಗೆ ಬಿಟ್ಟುಬಿಡಿ.
ಗಂಡಸರಿಗೆ ಕಿರಿಕಿರಿ ಮಾಡೋದು ಆಗೋದೇ ಇಲ್ಲ, ಬೇಕಾದ್ರೆ ಬೇಕು ಎನ್ನಿ, ಇಲ್ಲವಾದರೆ ಇಲ್ಲ ಎನ್ನಿ, ದೊಡ್ಡ ಕಣ್ಣು ಬಿಡೋದು, ಹೇಳಿದ್ದೆ ಹೇಳಿ ಎಳೆಯೋದು ಅವರಿಗೆ ಇಷ್ಟ ಇಲ್ಲ.
ಯಾವಾಗೂ ಅಳುಮುಂಜಿಯಂತೆ ಕಣ್ಣೀರು ಹಾಕಬೇಡಿ, ಅವರಿಗೆ ಆಗ ಹೇಗೆ ಡೀಲ್ ಮಾಡೋದು ಅಂತ ಗೊತ್ತಾಗೋದೇ ಇಲ್ಲ. ಸುಮ್ಮನಾಗಿ ಬಿಡ್ತಾರೆ ಅಷ್ಟೆ. ಅದಕ್ಕೂ ನಿಮಗೆ ಕೋಪ ಬರುತ್ತದೆ ಅಲ್ವಾ?
ನಮ್ಮ ಸಂಬಂಧ ಎಲ್ಲಿಗೆ ಹೋಗ್ತಿದೆ, ಇದಕ್ಕೊಂದು ಆಯಾಮ ಬೇಕು, ಮಾತನಾಡು ಎಂದು ಪದೇ ಪದೆ ಹೇಳಬೇಡಿ. ಹೇಳಬೇಕಾದ್ದನ್ನು ಅವರು ಹೇಳುತ್ತಾರೆ.
ಗಂಡಸರಿಗಾಗಿ ನೀವು ಪ್ರೀತಿಯಿಂದ ಅಡುಗೆ ಮಾಡಿ ತಿನ್ನಿಸಿದ್ರೆ ಖುಷಿಯೋ ಖುಷಿ, ಅವರಿಗೆ ಊಟ ತಿಂಡಿ ಬಗ್ಗೆ ಬೇರೆಯದ್ದೇ ಆಸಕ್ತಿ ಇದೆ.
ಕೆಲವೊಮ್ಮೆ ಅವರ ನೋವುಗಳನ್ನು ಪದಗಳಲ್ಲಿ ಇಳಿಸೋಕೆ ಸಾಧ್ಯವಾಗೋದಿಲ್ಲ. ಆಗ ಏನಾಯ್ತು ಹೇಳು ಎಂದು ಹಿಂಸೆ ಮಾಡಬೇಡಿ. ಅವರಾಗೆ ಹೇಳುವವರೆಗೂ ಕಾಯಿರಿ.
ಅವರನ್ನು ಪ್ರೀತಿಸಿ, ಇನ್ನೂ ಹೆಚ್ಚು ಪ್ರೀತಿಸಿ. ಅವರನ್ನು ಗೆಲ್ಲಲು ಇರುವ ಒಂದೇ ಮಾರ್ಗ ಪ್ರೀತಿ.
ಗಂಡಸರಿಗೆ ಕೆಲವೊಮ್ಮೆ ಅಹಂ ಭಾವನೆ ಹೆಚ್ಚು, ಇದು ಅವರ ತಪ್ಪಲ್ಲ. ಅವರು ಬೆಳೆದು ಬಂದ ವಾತಾವರಣ ಹಾಗಿರಬಹುದು, ಅವರ ಈಗೋ ಹರ್ಟ್ ಆಗುವ ಕೆಲಸ ಮಾಡಬೇಡಿ.
ಪುರುಷರಿಗೆ ಕಾಳಜಿ ತೋರಿಸು, ಕರುಣೆ ಇರುವ ಹೆಣ್ಣು ಇಷ್ಟ. ಮಳೆ ಇದೆ ಹೊರಗೆ ಹೋಗಬೇಡಿ, ತಿಂಡಿ ಬಿಸಿ ಆರುತ್ತಿದೆ ಬೇಗ ತಿನ್ನು. ಈ ರೀತಿ ಪುಟ್ಟ ವಿಷಯಗಳೇ ಅವರಿಗೆ ಖುಷಿ.
ಎಲ್ಲಿಗಾದರೂ ಹೋಗಬೇಕು ಎಂದಾಗ ಅಡ್ಡಿ ಬರಬೇಡಿ, ಅವರ ಕೆಲಸ ಅವರಿಗೆ ಮುಗಿಸಲು ಬಿಡಿ. ಇಬ್ಬರಿಗೂ ಸ್ಪೇಸ್ ಇರಲಿ. ಆಗ ಸಂಬಂಧ ತಾಜಾತನದಿಂದ ಕೂಡಿರುತ್ತದೆ.
ಸಂಬಳ ಎಷ್ಟು, ದುಡ್ಡಿನ ಲೆಕ್ಕ ಕೊಡು, ಯಾಕೆ ಸಾಲ ಮಾಡಿದ್ದೀಯಾ, ಯಾವಾಗ ಸಾಲ ತೀರುತ್ತದೆ ಈ ಪ್ರಶ್ನೆಗಳು ಅರ್ಧದಷ್ಟು ಗಂಡಸರಿಗೆ ಇಷ್ಟವಿಲ್ಲ.