ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದ ಯೋಧರೊಬ್ಬರು ಕರ್ತವ್ಯಕ್ಕೆ ಮರಳಿದ ಒಂದೇ ವಾರದಲ್ಲಿ ಮೃತಪಟ್ಟ ಘಟನೆ ಕಾಶ್ಮೀರದ ಲಡಾಕ್ನಲ್ಲಿ ನಡೆದಿದೆ.
ಕೇರಳದ ಕುನಿ ಮೂಲದ ಕೋಲೋತ್ತೋಡಿ ನುಫೈಲ್ (27) ಮೃತ ಯೋಧ. ಆರ್ಮಿ ಪೋಸ್ಟಲ್ ಸರ್ವಿಸ್ನಲ್ಲಿ ಸಿಪಾಯಿ ಆಗಿದ್ದ ನುಫೈಲ್ ಜನವರಿ 22ರಂದು ಕರ್ತವ್ಯಕ್ಕೆ ಮರಳಿದ್ದರು. ಗುರುವಾರ ಬೆಳಿಗ್ಗೆ ಪತ್ನಿಗೆ ಕರೆ ಮಾಡಿ ಮಾತನಾಡಿದ್ದರು. ಆದರೆ ರಾತ್ರಿ ಸಾವನ್ನಪ್ಪಿದ್ದಾರೆ. ಪತ್ನಿ, ತಾಯಿ ಹಾಗೂ ಸಹೋದರಿಯನ್ನು ಅಗಲಿದ್ದಾರೆ.
ಜನವರಿ 2ರಂದು ಮುಕ್ಕಮ್ನ ಕುಲನಗರದ ಯುವತಿಯನ್ನು ವರಿಸಿದ್ದ ನುಫೈಲ್ , ಜನವರಿ 22ರಂದು ಕರ್ತವ್ಯಕ್ಕೆಂದು ಲಡಾಕ್ಗೆ ತೆರಳಿದ್ದರು. ಎಂಟು ವರ್ಷಗಳಿಂದ ಅವರು ಸೇನೆಯಲ್ಲಿದ್ದರು. ಅನಾರೋಗ್ಯದಿಂದಾಗಿ ಮೃತಪಟ್ಟಿರುವುದಾಗಿ ತಿಳಿದು ಬಂದಿದೆ.