ಬಿಸಿಲ ಕಾವು ಏರುತ್ತಿದ್ದಂತೆ ಅತ್ತ ಕ್ರಿಕೆಟ್ ಮೈದಾನದಲ್ಲೂ ಐಪಿಎಲ್ ಕಿಚ್ಚು ಹತ್ತಿಕೊಂಡಿದೆ. ಐಪಿಎಲ್ ಅಂದಾಕ್ಷಣ ಎಲ್ಲರ ಕಣ್ಣು ಮೊದಲು ಬೀಳುವುದೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮೇಲೆ. ಅಚ್ಚರಿಯ ವಿಷಯವೆಂದರೆ, ಈವರೆಗೆ ಕಪ್ ಗೆಲ್ಲದಿದ್ದರೂ ಸಹ, ಆರ್‌.ಸಿ.ಬಿ ಹೊಂದಿರುವ ಅಭಿಮಾನಿ ಬಳಗ ಮಾತ್ರ ವಿಶ್ವದಲ್ಲೇ ನಂಬರ್ ಒನ್ ಎನ್ನಬಹುದು.
ಜನ ಯಾಕೆ ಆರ್‌.ಸಿ.ಬಿಯನ್ನು ಇಷ್ಟು ಇಷ್ಟಪಡ್ತಾರೆ?
ಬೆಂಗಳೂರು ಕೇವಲ ನಗರವಾಗಿ ಉಳಿದಿಲ್ಲ, ಅದೊಂದು ಸೌಹಾರ್ದತೆಯ ಕೇಂದ್ರ. ಕನ್ನಡಿಗರು ಮಾತ್ರವಲ್ಲದೆ, ಇಲ್ಲಿ ನೆಲೆಸಿರುವ ಪ್ರತಿಯೊಬ್ಬರಿಗೂ ಆರ್‌.ಸಿ.ಬಿ ಎಂದರೆ ತಮ್ಮದೇ ಮನೆಯ ತಂಡ ಎಂಬ ಭಾವನೆ ಇದೆ.
ವಿರಾಟ್ ಕೊಹ್ಲಿ ಆರಂಭದಿಂದಲೂ ಇದೇ ತಂಡದಲ್ಲಿದ್ದಾರೆ. ಅವರ ಆಕ್ರಮಣಕಾರಿ ಆಟ ಮತ್ತು ತಂಡದ ಮೇಲಿರುವ ನಿಷ್ಠೆಯೇ ಕೋಟ್ಯಂತರ ಫ್ಯಾನ್ಸ್‌ಗೆ ಸ್ಪೂರ್ತಿ.
ಆರ್‌.ಸಿ.ಬಿ ಪಂದ್ಯ ಎಂದರೆ ಅಲ್ಲಿ ಥ್ರಿಲ್ ಇರುತ್ತೆ. ಕೊನೆಯ ಎಸೆತದವರೆಗೂ ಗೆಲುವು ಯಾರದ್ದು ಎಂದು ಹೇಳಲಾಗದ ಸ್ಥಿತಿ ಮತ್ತು ದೊಡ್ಡ ಮೊತ್ತದ ಸ್ಕೋರ್‌ಗಳು ಪ್ರೇಕ್ಷಕರನ್ನು ಹಿಡಿದಿಡುತ್ತವೆ.
ಸೋಲಲಿ, ಗೆಲ್ಲಲಿ.. ‘ಈ ಸಲ ಕಪ್ ನಮ್ದೇ’ ಎಂಬ ಆ ಪಾಸಿಟಿವ್ ವೈಬ್ ಅಭಿಮಾನಿಗಳಲ್ಲಿ ಕಿಚ್ಚು ಹಚ್ಚುತ್ತಲೇ ಇರುತ್ತದೆ.
ಒಟ್ಟಿನಲ್ಲಿ, ಆರ್‌.ಸಿ.ಬಿ ಎನ್ನುವುದು ಬರೀ ಒಂದು ಕ್ರಿಕೆಟ್ ತಂಡವಲ್ಲ, ಅದು ಹರೆಯದವರ ಸಂಭ್ರಮ, ಕ್ರಿಕೆಟ್ ಪ್ರೇಮಿಗಳ ಹಠ ಮತ್ತು ಬೆಂಗಳೂರಿಗರ ಹೆಮ್ಮೆ!
