ನಮ್ಮ ಸಮಾಜದಲ್ಲಿ ಪಿರಿಯಡ್ಸ್ ಅಥವಾ ಮುಟ್ಟಿನ ದಿನಗಳಲ್ಲಿ ಮಹಿಳೆಯರು ತಲೆಸ್ನಾನ ಮಾಡಬಾರದು, ಹಾಗೆ ಮಾಡಿದರೆ ರಕ್ತಸ್ರಾವ ಹೆಚ್ಚಾಗುತ್ತದೆ ಎಂಬ ಬಲವಾದ ನಂಬಿಕೆಯಿದೆ. ಆದರೆ, ಈ ಆಲೋಚನೆಗೆ ಯಾವುದೇ ವೈಜ್ಞಾನಿಕ ಅಥವಾ ವೈದ್ಯಕೀಯ ಪುರಾವೆಗಳಿಲ್ಲ. ಮುಟ್ಟು ಎನ್ನುವುದು ಗರ್ಭಾಶಯದ ಒಳಪದರವು ಹೊರಹೋಗುವ ನೈಸರ್ಗಿಕ ಪ್ರಕ್ರಿಯೆಯಾಗಿದೆ.
ಬಿಸಿ ಅಥವಾ ತಣ್ಣೀರು ಸ್ನಾನದ ಪ್ರಭಾವವೇನು?
ತಲೆಗೆ ನೀರು ಹಾಕಿಕೊಂಡಾಗ ದೇಹದ ಉಷ್ಣಾಂಶದಲ್ಲಿ ಸಣ್ಣ ಬದಲಾವಣೆಯಾಗಬಹುದು. ಆದರೆ, ಇದು ನಿಮ್ಮ ಹಾರ್ಮೋನುಗಳ ಮೇಲಾಗಲಿ ಅಥವಾ ಗರ್ಭಾಶಯದ ರಕ್ತಸ್ರಾವದ ಮೇಲಾಗಲಿ ಯಾವುದೇ ಪ್ರಭಾವ ಬೀರುವುದಿಲ್ಲ. ಸ್ನಾನ ಮಾಡುವುದರಿಂದ ರಕ್ತ ಹೆಪ್ಪುಗಟ್ಟುವುದೂ ಇಲ್ಲ, ಸ್ರಾವ ಹೆಚ್ಚಾಗುವುದೂ ಇಲ್ಲ.
ಸ್ವಚ್ಛತೆಯೇ ಮುಖ್ಯ
ವಾಸ್ತವವಾಗಿ, ಪಿರಿಯಡ್ಸ್ ಸಮಯದಲ್ಲಿ ವೈಯಕ್ತಿಕ ಸ್ವಚ್ಛತೆ ಅತ್ಯಂತ ಅಗತ್ಯ. ಈ ದಿನಗಳಲ್ಲಿ ಉಗುರುಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡುವುದರಿಂದ ಸ್ನಾಯುಗಳ ಸೆಳೆತ ಹಾಗೂ ಹೊಟ್ಟೆ ನೋವು ಕಡಿಮೆಯಾಗಿ, ಮನಸ್ಸಿಗೆ ಆರಾಮ ಸಿಗುತ್ತದೆ.
ಹಾಗಾಗಿ, ಮುಟ್ಟಿನ ಸಮಯದಲ್ಲಿ ಧೈರ್ಯವಾಗಿ ತಲೆಸ್ನಾನ ಮಾಡಿ. ಸುಳ್ಳು ವದಂತಿಗಳನ್ನು ನಂಬಿ ನಿಮ್ಮ ಆರೋಗ್ಯ ಮತ್ತು ಸ್ವಚ್ಛತೆಯನ್ನು ನಿರ್ಲಕ್ಷಿಸಬೇಡಿ. ದೇಹದ ದಣಿವು ಆರಿಸಿಕೊಳ್ಳಲು ಸ್ನಾನ ಅತ್ಯುತ್ತಮ ಮಾರ್ಗ.
