ಇಂದು ವಿಶ್ವ ಪುರುಷರ ದಿನ. ಮಹಿಳಾ ದಿನಕ್ಕೆ ಇರುವಷ್ಟು ಪ್ರಾಮುಖ್ಯತೆ ಪುರುಷರ ದಿನಕ್ಕೆ ನೀಡುವುದಿಲ್ಲ. ಪುರುಷರ ಜೀವನ, ಸಮಸ್ಯೆಗಳ ಬಗ್ಗೆ ಅರಿವು ಮೂಡಿಸಲು ಈ ದಿನವನ್ನು ಆಚರಿಸಲಾಗುತ್ತದೆ. ಅಜ್ಜ, ತಂದೆ, ಗಂಡ, ಸ್ನೇಹಿತ, ಮಗ, ಸಹೋದರನಾಗಿ ಪ್ರೀತಿ ತುಂಬುವ ಎಲ್ಲ ಗಂಡಸರಿಗೂ ಧನ್ಯವಾದ ತಿಳಿಸೋಣ..
ಪುರುಷ ಹಾಗೂ ಮಹಿಳೆಯಲ್ಲಿ ಸಾಕಷ್ಟು ವ್ಯತ್ಯಾಸಗಳಿವೆ ಆದರೆ ನಾವು ಇಲ್ಲಿ ತಿಳಿಸುವ ವ್ಯತ್ಯಾಸಗಳ ಬಗ್ಗೆ ನಿಮಗೆ ಗೊತ್ತಿದೆಯಾ?
- ಪುರುಷರ ಚರ್ಮ ಹೆಣ್ಣುಮಕ್ಕಳ ಚರ್ಮಕ್ಕಿಂತ ಶೇ.25ರಷ್ಟು ದಪ್ಪವಾಗಿದೆಯಂತೆ.
- ಪುರುಷರಿಗೆ ಮಹಿಳೆಯರಿಗಿಂತ ಹೆಚ್ಚು ಕಬ್ಬಿಣಾಂಶ ಇರುತ್ತದೆ. ಪಿರಿಯಡ್ಸ್ ಕಾರಣದಿಂದ ಮಹಿಳೆಯರಲ್ಲಿ ಕಬ್ಬಿಣಾಂಶದ ಕೊರತೆ ಇರುತ್ತದೆ.
- ಸಾಮಾನ್ಯವಾಗಿ ಮಹಿಳೆಯರಿಗೆ ತೋರುಬೆರಳು ಎಲ್ಲ ಬೆರಳಿಗಿಂತ ಉದ್ದವಾಗಿರುತ್ತದೆ. ಆದರೆ ಪುರುಷರಿಗೆ ಮಧ್ಯದ ಬೆರೆಳು ಉದ್ದವಾಗಿರುತ್ತದೆ.
- ಮಹಿಳೆ ಹಾಗೂ ಪುರುಷ ಇಬ್ಬರ ಮೆದುಳಿದ ವಿನ್ಯಾಸ ಬೇರೆ ಬೇರೆ ರೀತಿ ಇದೆ. ಹಾಗಾಗಿಯೇ ಒಂದೇ ವಿಷಯಕ್ಕೆ ಅವರಿಬ್ಬರು ಬೇರೆ ಬೇರೆ ರೀತಿ ಸ್ಪಂದಿಸುತ್ತಾರೆ.
- ವ್ಯಾಯಾಮ ಮಾಡುವಾಗ ಮಹಿಳೆಯರಿಗೆ ವ್ಯಾಯಾಮ ಮಾಡಲು ಎನರ್ಜಿ ನೀಡುವುದು ಫ್ಯಾಟ್, ಆದರೆ ಪುರುಷರ ಎನರ್ಜಿ ನೀಡುವುದು ಕಾರ್ಬೋಹೈಡ್ರೇಟ್ಸ್ಮ
- ಹಿಳೆಯರು ದಪ್ಪ ಆದಾಗ ಅವರ ಫ್ಯಾಟ್ ನಿಲ್ಲುವುದು ಬ್ಯಾಕ್ ಹಾಗೂ ತೊಡೆಗಳಲ್ಲಿ. ಪುರುಷರ ಫ್ಯಾಟ್ ನಿಲ್ಲೋದು ಹೊಟ್ಟೆಯ ಸುತ್ತಾಮುತ್ತ.
- ಮಹಿಳೆಯರಿಗಿಂತ ಪುರುಷರಿಗೆ ಹೆಚ್ಚು ಅನಾರೋಗ್ಯ ಕಾಡುತ್ತದೆ. ವೈದ್ಯರ ಬಳಿ ಹೋದಾಗಲೂ ತನಗೇನಾಗುತ್ತಿದೆ ಎನ್ನುವ ಸಂಪೂರ್ಣ ಸತ್ಯವನ್ನು ಪುರುಷರು ಹೇಳಿಕೊಳ್ಳೋದಿಲ್ಲ.
- ಮಹಿಳೆಯರಿಗೆ ಬೇಗ ಚಳಿಯಾಗುತ್ತದೆ, ಪುರುಷರಿಗೆ ಥಂಡಿ ಬೇಗ ತಾಗುವುದಿಲ್ಲ.
- ಮಹಿಳೆಯರು ರುಚಿ ಹಾಗೂ ವಾಸನೆಯನ್ನು ಬೇಗ ಕಂಡುಹಿಡಿಯುತ್ತಾರೆ. ಪುರುಷರಿಗಿಂತ ಹೆಚ್ಚು ಟೇಸ್ಟ್‌ಬಡ್ಸ್ ಮಹಿಳೆಯರಲ್ಲಿದೆ.
- ಮಹಿಳೆಯರಿಗಿಂತ ಪುರುಷರು ತುಂಬಾ ಪ್ರಾಕ್ಟಿಕಲ್, ಲೆಕ್ಕಾಚಾರದಲ್ಲಿ ಅವರೇ ಫಸ್ಟ್.
- ಭಾವನೆಗಳನ್ನು ಮನಸ್ಸಿಗೆ ತೆಗೆದುಕೊಂಡ ಪುರುಷರು ಅದರಿಂದ ಹೊರಬರೋಕೆ ಹೆಚ್ಚು ಕಷ್ಟಪಡುತ್ತಾರೆ. ಮಹಿಳೆಯರಿಗೆ ಇದು ಸ್ವಲ್ಪ ಸುಲಭ.
- ಮಹಿಳೆಯರ ಮೆದುಳಿನ ಬಲಭಾಗ ಪುರುಷರ ಮೆದುಳಿಗಿಂತ ಬೇಗ ಕೆಲಸ ಮಾಡುತ್ತದೆ. ಹಾಗಾಗಿ ಮಹಿಳೆಯರ ಮಾತು ಹೆಚ್ಚು, ಓದು ಬರಹದಲ್ಲಿ ಅವರು ಮುಂದು.
- ಪುರುಷರ ಎಡಭಾಗದ ಮೆದುಳು ಮಹಿಳೆಯರ ಮೆದುಳಿಗಿಂತ ಬೇಗ ಕೆಲಸ ಮಾಡುತ್ತದೆ. ಹಾಗಾಗಿ ಅವರಿಗೆ ಲಾಜಿಕ್ ಇರುವ ಕೆಲಸಗಳು, ಲೆಕ್ಕಾಚಾರ, ಸಮಸ್ಯೆ ಬಿಡಿಸುವುದು, ಪಝಲ್ ಬಿಡಿಸುವುದು ಸುಲಭ.
- ಮಹಿಳೆಯರಿಗೆ ಮುಖ ಇರುವ ಗೊಂಬೆಗಳು ಇಷ್ಟ. ಪುರುಷರಿಗೆ ಮುರಿದು ಹಾಕುವ ಅಥವಾ ತಿರುಗುವ ಯಾವ ವಸ್ತುವಾದರೂ ಇಷ್ಟ.
- ಮಹಿಳೆಯರಿಗೆ ಸಹಾಯ ಕೇಳುವುದು ಅಥವಾ ಸಹಾಯ ಮಾಡುವುದು ದೊಡ್ಡ ವಿಷಯವಲ್ಲ, ಇದು ಅವರ ಶಕ್ತಿ ಪ್ರದರ್ಶಿಸುತ್ತದೆ. ಆದರೆ ಪುರುಷರಿಗೆ ಸಹಾಯ ಪಡೆಯಲು ಇಷ್ಟವಿಲ್ಲವಂತೆ, ಇದು ಅವರನ್ನು ದುರ್ಬಲ ಎಂದು ತೋರಿಸುತ್ತದೆ ಎನ್ನುವುದು ಅವರ ನಂಬಿಕೆ
